Gunasekhar: లోకమే... 'యుఫోరియా' చిత్రం నుంచి మరో లిరికల్ వీడియో రిలీజ్

ప్రముఖ దర్శకుడు గుణశేఖర్ దర్శకత్వంలో తెరకెక్కుతున్న చిత్రం ‘యూఫోరియా’ నుంచి ప్రేక్షకుల్లో ఆసక్తిని పెంచుతూ మరో కొత్త పాట విడుదలైంది. ‘లోకమే’ పేరుతో వచ్చిన ఈ నాలుగో సింగిల్, మనిషికి తనతో తనకే జరిగే అంతర్గత సంఘర్షణను (Man vs Self) ఆవిష్కరిస్తోంది. ఈ రోజు సాయంత్రం 4:05 గంటలకు విడుదలైన ఈ పాట, యువతలోని భావోద్వేగాలను తట్టిలేపేలా ఉందని మంచి స్పందన వస్తోంది.

కాలభైరవ స్వరపరిచిన ఈ పాటకు కిట్టు విస్సాప్రగడ అర్థవంతమైన సాహిత్యం అందించారు. కాలభైరవ, సోనీ కొమాండూరి తమ గాత్రంతో ప్రాణం పోశారు. ఈ లిరికల్ వీడియో ప్రస్తుతం యూట్యూబ్ లో దిత్య మ్యూజిక్ ఛానల్‌లో అందుబాటులో ఉంది.

షాకింగ్ నిజ జీవిత ఘటనల ఆధారంగా ‘యూఫోరియా’ చిత్రాన్ని సోషల్ డ్రామాగా రూపొందిస్తున్నారు. యువతలో పెరిగిపోతున్న మాదకద్రవ్యాల వాడకం, నేర ప్రవృత్తి వంటి సున్నితమైన అంశాలను ఈ సినిమాలో చర్చించనున్నారు. ఈ చిత్రంలో భూమికా చావ్లా, సారా అర్జున్ ప్రధాన పాత్రలు పోషిస్తుండగా, నాసర్, రోహిత్, విగ్నేశ్ గవిరెడ్డి, గౌతమ్ మీనన్ కీలక పాత్రల్లో నటిస్తున్నారు.

కాగా, ఈ సినిమాను ఫిబ్రవరి 6 ప్రపంచవ్యాప్తంగా గ్రాండ్‌గా విడుదల చేసేందుకు సన్నాహాలు చేస్తున్నారు. ఇప్పటికే సినిమా టికెట్ల బుకింగ్స్ కూడా ప్రారంభమైనట్లు చిత్రబృందం ప్రకటించింది.