Deepika Padukone: అల్లు అర్జున్ సినిమాలో దీపికా పదుకొణె.. ఆమె నా లక్కీ ఛార్మ్ అన్న అట్లీ
స్టార్ హీరో అల్లు అర్జున్ హీరోగా కోలీవుడ్ డైరెక్టర్ అట్లీ దర్శకత్వంలో తెరకెక్కుతున్న భారీ సైన్స్ ఫిక్షన్ మూవీ ‘ఏఏ 22’ (AA22) పై ఆసక్తి రోజురోజుకూ పెరుగుతోంది. ఇప్పుడు ఈ చిత్రంపై అట్లీ మరోసారి ఆసక్తికర వ్యాఖ్యలు చేశారు. హీరోయిన్ దీపికా పదుకొణె తనకు లక్కీ ఛార్మ్ అని, ఆమె ఈ సినిమాలో చాలా కొత్తగా కనిపిస్తారని, ఆమె నటన అందరినీ కట్టిపడేస్తుందని ఆయన చెప్పారు.
ఒక మీడియా సంస్థతో అట్లీ మాట్లాడుతూ, "దీపిక నా లక్కీ ఛార్మ్. ఆమె ఈ సినిమాలో చాలా ఫ్రెష్గా, కొత్తగా కనిపిస్తారు. ఆమె నటన అద్భుతంగా ఉంటుంది" అని అన్నారు. షారుఖ్ ఖాన్ – దీపికలతో అట్లీ తెరకెక్కించిన ‘జవాన్’ ఘన విజయం సాధించిన సంగతి తెలిసిందే.
ఇక ఈ సినిమా తర్వాత అల్లు అర్జున్ మరో తమిళ దర్శకుడితో కలిసి పనిచేయనున్నారు. ‘ఖైదీ’, ‘విక్రమ్’లతో థ్రిల్ పంచిన లోకేశ్ కనగరాజ్ దర్శకత్వంలో బన్నీ నటించనున్నారు. ఈ రెండు ప్రాజెక్టులు బన్నీ కెరీర్లో కీలకమైనవిగా నిలుస్తాయని అభిమానులు ధీమా వ్యక్తం చేస్తున్నారు.
