ట్రంప్కు తన నోబెల్ పతకాన్ని అందించిన వెనెజువెలా నేత మచాడో
- ట్రంప్తో భేటీ అయిన వెనెజువెలా విపక్ష నేత
- తన నోబెల్ శాంతి బహుమతి పతకాన్ని ట్రంప్కు అందించిన మచాడో
- మదురోను గద్దె దించడంలో సహకరించినందుకు కృతజ్ఞతగా ఈ నిర్ణయం
- బహుమతిని బదిలీ చేయడం కుదరదన్న నోబెల్ కమిటీ
వెనెజువెలా విపక్ష నేత, 2025 నోబెల్ శాంతి బహుమతి గ్రహీత మారియా కొరీనా మచాడో అనూహ్య నిర్ణయం తీసుకున్నారు. అమెరికా అధ్యక్షుడు డొనాల్డ్ ట్రంప్కు తన నోబెల్ బహుమతి పతకాన్ని బహూకరించారు. వెనెజువెలా అధ్యక్షుడు నికోలస్ మదురోను పదవి నుంచి తొలగించడంలో ట్రంప్ చూపిన చొరవకు కృతజ్ఞతగా ఈ బహుమతిని సమర్పించినట్లు ఆమె వెల్లడించారు.
గురువారం వాషింగ్టన్లోని వైట్హౌస్లో డొనాల్డ్ ట్రంప్తో మారియా మచాడో సమావేశమయ్యారు. సుమారు రెండున్నర గంటల పాటు సాగిన ఈ భేటీ అనంతరం ఆమె విలేకరులతో మాట్లాడారు. "మా స్వేచ్ఛ కోసం ట్రంప్ చూపిన అసమాన నిబద్ధతకు గుర్తింపుగా ఈ నోబెల్ పతకాన్ని ఆయనకు అందించాను" అని ప్రకటించారు. ఈ పతకాన్ని అధ్యక్షుడు తన వద్దే ఉంచుకోవాలని భావిస్తున్నట్టు వైట్ హౌస్ అధికారి ఒకరు వెల్లడించారు.
ఈ పరిణామంపై నార్వేజియన్ నోబెల్ ఇనిస్టిట్యూట్ స్పందిస్తూ, నోబెల్ గ్రహీత హోదాను బదిలీ చేయడం కానీ, దానిని ఇతరులతో పంచుకోవడం లేదా రద్దు చేయడం కానీ సాధ్యం కాదని స్పష్టం చేసింది. కాగా, "ఈ బహుమతి వెనెజువెలా ప్రజలది. దీనిని ట్రంప్తో పంచుకోవాలని మేము కోరుకుంటున్నాం" అని మచాడో గతంలోనే వ్యాఖ్యానించారు.
గురువారం వాషింగ్టన్లోని వైట్హౌస్లో డొనాల్డ్ ట్రంప్తో మారియా మచాడో సమావేశమయ్యారు. సుమారు రెండున్నర గంటల పాటు సాగిన ఈ భేటీ అనంతరం ఆమె విలేకరులతో మాట్లాడారు. "మా స్వేచ్ఛ కోసం ట్రంప్ చూపిన అసమాన నిబద్ధతకు గుర్తింపుగా ఈ నోబెల్ పతకాన్ని ఆయనకు అందించాను" అని ప్రకటించారు. ఈ పతకాన్ని అధ్యక్షుడు తన వద్దే ఉంచుకోవాలని భావిస్తున్నట్టు వైట్ హౌస్ అధికారి ఒకరు వెల్లడించారు.
ఈ పరిణామంపై నార్వేజియన్ నోబెల్ ఇనిస్టిట్యూట్ స్పందిస్తూ, నోబెల్ గ్రహీత హోదాను బదిలీ చేయడం కానీ, దానిని ఇతరులతో పంచుకోవడం లేదా రద్దు చేయడం కానీ సాధ్యం కాదని స్పష్టం చేసింది. కాగా, "ఈ బహుమతి వెనెజువెలా ప్రజలది. దీనిని ట్రంప్తో పంచుకోవాలని మేము కోరుకుంటున్నాం" అని మచాడో గతంలోనే వ్యాఖ్యానించారు.