'రాజా సాబ్' నుంచి తన స్టంట్ సీక్వెన్స్ వీడియో పంచుకున్న మాళవిక మోహనన్
పాన్ ఇండియా స్టార్ ప్రభాస్ హీరోగా, మారుతి దర్శకత్వంలో తెరకెక్కిన హారర్ కామెడీ 'ది రాజా సాబ్'. ఈ సినిమాలో ముగ్గురు హీరోయిన్లలో ఒకరిగా నటించిన మాళవిక మోహనన్, తాజాగా ఈ చిత్రంలోని తన ఫైట్ సీక్వెన్స్కు సంబంధించిన ఒక బీటీఎస్ (బిహైండ్ ది సీన్స్) వీడియోను పంచుకున్నారు. తనకు స్టంట్స్ చేయడం అంటే చాలా ఇష్టమని ఈ సందర్భంగా ఆమె వెల్లడించారు.
సోషల్ మీడియాలో ఈ వీడియోను పోస్ట్ చేస్తూ, "సినిమాల్లో అమ్మాయిలకు యాక్షన్ చేసే అవకాశాలు చాలా అరుదుగా వస్తాయి. కానీ నాకు స్టంట్స్ చేయడం చాలా ఇష్టం. ఈ సీన్ చేస్తున్నప్పుడు ఎంతో ఎంజాయ్ చేశాను. మీకు ఈ సీన్ నచ్చిందా?" అని ఆమె ప్రశ్నించారు. మాళవిక పోస్ట్పై అభిమానులు, నెటిజన్లు ప్రశంసల వర్షం కురిపిస్తున్నారు. డూప్ లేకుండా సొంతంగా స్టంట్స్ చేయడంపై పలువురు ఆమెను అభినందించారు. ఆమె బాడీ లాంగ్వేజ్, కాన్ఫిడెన్స్ అద్భుతంగా ఉన్నాయని కొనియాడారు.
ఇదిలా ఉండగా, 'ది రాజా సాబ్' చిత్రబృందం ప్రేక్షకులకు మరో ఆసక్తికరమైన అప్డేట్ ఇచ్చింది. ఎంతో ఆసక్తిగా ఎదురుచూస్తున్న 'అప్సైడ్ డౌన్' ఫైట్ సీక్వెన్స్ను సినిమాకు జోడించినట్లు ప్రకటించింది.
ఈ సినిమా చిత్రీకరణ కోసం మేకర్స్ రెండు భారీ సెట్లు నిర్మించిన విషయం తెలిసిందే. ఒకటి రాయల్ మాన్షన్ కాగా, మరొకటి అదే మాన్షన్ను తలకిందులుగా నిర్మించిన సెట్. తలకిందులుగా కనిపించే కొన్ని కీలక సన్నివేశాలను ఇక్కడే చిత్రీకరించారు.
మొదట విడుదల చేసిన వెర్షన్లో ఈ ఫైట్ సీక్వెన్స్ లేదు. తాజాగా ఈ యాక్షన్ ఘట్టాన్ని జత చేసి, అన్ని థియేటర్లలో ప్రదర్శిస్తున్నట్లు నిర్మాణ సంస్థ పీపుల్ మీడియా ఫ్యాక్టరీ తమ ఎక్స్ ఖాతా ద్వారా అధికారికంగా ప్రకటించింది. దీంతో సినిమాకు మరింత ఆకర్షణ పెరిగింది.
సోషల్ మీడియాలో ఈ వీడియోను పోస్ట్ చేస్తూ, "సినిమాల్లో అమ్మాయిలకు యాక్షన్ చేసే అవకాశాలు చాలా అరుదుగా వస్తాయి. కానీ నాకు స్టంట్స్ చేయడం చాలా ఇష్టం. ఈ సీన్ చేస్తున్నప్పుడు ఎంతో ఎంజాయ్ చేశాను. మీకు ఈ సీన్ నచ్చిందా?" అని ఆమె ప్రశ్నించారు. మాళవిక పోస్ట్పై అభిమానులు, నెటిజన్లు ప్రశంసల వర్షం కురిపిస్తున్నారు. డూప్ లేకుండా సొంతంగా స్టంట్స్ చేయడంపై పలువురు ఆమెను అభినందించారు. ఆమె బాడీ లాంగ్వేజ్, కాన్ఫిడెన్స్ అద్భుతంగా ఉన్నాయని కొనియాడారు.
ఇదిలా ఉండగా, 'ది రాజా సాబ్' చిత్రబృందం ప్రేక్షకులకు మరో ఆసక్తికరమైన అప్డేట్ ఇచ్చింది. ఎంతో ఆసక్తిగా ఎదురుచూస్తున్న 'అప్సైడ్ డౌన్' ఫైట్ సీక్వెన్స్ను సినిమాకు జోడించినట్లు ప్రకటించింది.
ఈ సినిమా చిత్రీకరణ కోసం మేకర్స్ రెండు భారీ సెట్లు నిర్మించిన విషయం తెలిసిందే. ఒకటి రాయల్ మాన్షన్ కాగా, మరొకటి అదే మాన్షన్ను తలకిందులుగా నిర్మించిన సెట్. తలకిందులుగా కనిపించే కొన్ని కీలక సన్నివేశాలను ఇక్కడే చిత్రీకరించారు.
మొదట విడుదల చేసిన వెర్షన్లో ఈ ఫైట్ సీక్వెన్స్ లేదు. తాజాగా ఈ యాక్షన్ ఘట్టాన్ని జత చేసి, అన్ని థియేటర్లలో ప్రదర్శిస్తున్నట్లు నిర్మాణ సంస్థ పీపుల్ మీడియా ఫ్యాక్టరీ తమ ఎక్స్ ఖాతా ద్వారా అధికారికంగా ప్రకటించింది. దీంతో సినిమాకు మరింత ఆకర్షణ పెరిగింది.
