Nara Lokesh: "సార్ మా అమ్మను కాపాడండి"... ట్రైనీ కానిస్టేబుల్ ఆవేదనపై స్పందించిన మంత్రి నారా లోకేశ్
- కువైట్లో తన తల్లిని వేధిస్తున్నారంటూ ట్రైనీ కానిస్టేబుల్ ఆవేదన
- సోషల్ మీడియా ద్వారా మంత్రి లోకేశ్కు యువకుడి విజ్ఞప్తి
- వెంటనే స్పందించిన నారా లోకేశ్
- అధికారులతో సమన్వయం చేస్తున్నామని భరోసా
- ధైర్యంగా ఉండాలంటూ బాధితుడికి సూచన
కువైట్లో కష్టాల్లో చిక్కుకున్న తన తల్లిని కాపాడాలంటూ ఓ యువకుడు సోషల్ మీడియా వేదికగా చేసిన అభ్యర్థనపై ఏపీ ఐటీ, విద్యా శాఖ మంత్రి నారా లోకేశ్ తక్షణమే స్పందించారు. బాధితురాలికి అండగా ఉంటామని, ధైర్యంగా ఉండాలని ఆయన భరోసా ఇచ్చారు.
ప్రస్తుతం కానిస్టేబుల్ శిక్షణలో ఉన్న సాయి అనే యువకుడు, మంత్రి లోకేశ్ను ఉద్దేశించి ఓ పోస్ట్ పెట్టాడు. "సార్, మా అమ్మ కువైట్లో ఉంది. అక్కడ ఆమెను తీవ్రంగా హింసిస్తున్నారు. నాకు అమ్మ తప్ప ఎవరూ లేరు. దయచేసి మా అమ్మను కాపాడండి. ఆమె పేరు లత" అంటూ తన ఆవేదనను వ్యక్తం చేశాడు.
ఈ పోస్టుపై చలించిన మంత్రి నారా లోకేశ్ వెంటనే బదులిచ్చారు. "మీ అమ్మగారి పరిస్థితి గురించి తెలిసి ఆందోళన చెందాను. మా బృందం ఇప్పటికే వివరాలు స్వీకరించి, సంబంధిత అధికారులతో సమన్వయం చేస్తోంది. ధైర్యంగా ఉండండి. ఈ విషయాన్ని ప్రాధాన్యతగా తీసుకుని ముందుకు వెళుతున్నాం" అని లోకేశ్ తన స్పందనలో పేర్కొన్నారు. నారా లోకేశ్ నుంచి సత్వర భరోసా లభించడంతో, కువైట్లోని మహిళకు సాధ్యమైనంత వేగంగా సహాయం అందుతుందని భావిస్తున్నారు.
ప్రస్తుతం కానిస్టేబుల్ శిక్షణలో ఉన్న సాయి అనే యువకుడు, మంత్రి లోకేశ్ను ఉద్దేశించి ఓ పోస్ట్ పెట్టాడు. "సార్, మా అమ్మ కువైట్లో ఉంది. అక్కడ ఆమెను తీవ్రంగా హింసిస్తున్నారు. నాకు అమ్మ తప్ప ఎవరూ లేరు. దయచేసి మా అమ్మను కాపాడండి. ఆమె పేరు లత" అంటూ తన ఆవేదనను వ్యక్తం చేశాడు.
ఈ పోస్టుపై చలించిన మంత్రి నారా లోకేశ్ వెంటనే బదులిచ్చారు. "మీ అమ్మగారి పరిస్థితి గురించి తెలిసి ఆందోళన చెందాను. మా బృందం ఇప్పటికే వివరాలు స్వీకరించి, సంబంధిత అధికారులతో సమన్వయం చేస్తోంది. ధైర్యంగా ఉండండి. ఈ విషయాన్ని ప్రాధాన్యతగా తీసుకుని ముందుకు వెళుతున్నాం" అని లోకేశ్ తన స్పందనలో పేర్కొన్నారు. నారా లోకేశ్ నుంచి సత్వర భరోసా లభించడంతో, కువైట్లోని మహిళకు సాధ్యమైనంత వేగంగా సహాయం అందుతుందని భావిస్తున్నారు.
