Nadendla Manohar: కేంద్రమంత్రితో నాదెండ్ల భేటీ... ఏపీ పౌరసరఫరాల శాఖ పనితీరుపై ప్రహ్లాద్ జోషి ప్రశంసలు
- కేంద్ర పౌరసరఫరాల శాఖ మంత్రి ప్రహ్లాద్ జోషితో నాదెండ్ల మనోహర్ భేటీ
- సీఎంఆర్ డెలివరీలో ఏపీ పనితీరుపై కేంద్రమంత్రి నుంచి ప్రశంసలు
- జనవరి నుంచి రాష్ట్రానికి అదనంగా గోధుమలు, రాగుల కేటాయింపునకు అంగీకారం
- క్యూఆర్ కోడ్తో బియ్యం ట్రాకింగ్ అమలు చేసిన తొలి రాష్ట్రంగా ఏపీ గుర్తింపు
- ధాన్యం సేకరణ వేగవంతం.. రైతులకు 24 గంటల్లోనే చెల్లింపులు
ఆంధ్రప్రదేశ్లో ధాన్యం సేకరణ, పౌరసరఫరాల వ్యవస్థ పనితీరుపై కేంద్ర ప్రభుత్వం ప్రశంసలు కురిపించింది. కస్టమ్ మిల్లింగ్ రైస్ (సీఎంఆర్)ను సకాలంలో, స్థిరంగా కేంద్రానికి అందిస్తున్న ఏకైక రాష్ట్రం ఆంధ్రప్రదేశ్ అని కేంద్ర పౌరసరఫరాల శాఖ మంత్రి ప్రహ్లాద్ జోషి కొనియాడారు. రాష్ట్ర పౌరసరఫరాల శాఖ మంత్రి నాదెండ్ల మనోహర్, ఆ శాఖ కమిషనర్ సౌరభ్ గౌర్తో కలిసి ఢిల్లీలో సోమవారం నాడు కేంద్ర మంత్రి ప్రహ్లాద్ జోషితో సమావేశం అయ్యారు. ఈ సందర్భంగా ప్రహ్లాద్ జోషి ఈ వ్యాఖ్యలు చేశారు. రాష్ట్రంలో ధాన్యం కొనుగోలు, ప్రజా పంపిణీ వ్యవస్థలో చేపడుతున్న సంస్కరణలను మనోహర్ ఈ సందర్భంగా కేంద్రమంత్రికి వివరించారు.
2025-26 ఖరీఫ్ సీజన్కు గాను ఏపీకి 51 లక్షల మెట్రిక్ టన్నుల వరి సేకరణ లక్ష్యాన్ని కేంద్రం నిర్దేశించగా, ఇప్పటికే రాష్ట్ర ప్రభుత్వం ఆ దిశగా వేగంగా అడుగులు వేస్తోంది. కేవలం 25 రోజుల వ్యవధిలోనే 2.69 లక్షల మంది రైతుల నుంచి 17.37 లక్షల మెట్రిక్ టన్నుల ధాన్యాన్ని సేకరించామని, రోజువారీ సేకరణ 90,000 మెట్రిక్ టన్నులకు చేరిందని మంత్రి మనోహర్ తెలిపారు.
రెవెన్యూ, వ్యవసాయ శాఖల సమన్వయంతో రైతుల ముంగిటకే వెళ్లి ధాన్యం కొనుగోలు చేస్తున్నామని, వారికి ఎలాంటి ఇబ్బందులు లేకుండా 24 గంటల్లోనే డబ్బులు వారి ఖాతాల్లో జమ చేస్తున్నామని వివరించారు. ఇందుకోసం 7.87 కోట్ల గోనె సంచులను సిద్ధం చేసినట్లు పేర్కొన్నారు.
ఏపీ ప్రభుత్వ పనితీరును అభినందించిన కేంద్రమంత్రి ప్రహ్లాద్ జోషి, పలు కీలక అంశాలకు ఆమోదం తెలిపారు. సీఎంఆర్ డెలివరీలను మరింత సులభతరం చేసేందుకు వీలుగా ఎఫ్సీఐ నుంచి అదనపు నిల్వలకు అనుమతి ఇచ్చారు. అంతేకాకుండా, రాష్ట్ర ప్రజల కోసం జనవరి నుంచి అదనంగా గోధుమలు, రాగులు కేటాయించడానికి అంగీకరించారు. ఇప్పటికే ఉత్తరాంధ్ర జిల్లాల్లో ఆగస్టు నుంచి 16,000 మెట్రిక్ టన్నుల రాగులను పంపిణీ చేస్తున్నామని, జనవరి 1 నుంచి రాష్ట్రవ్యాప్తంగా రాగులు, గోధుమ పిండి అందిస్తామని మనోహర్ తెలిపారు.
టెక్నాలజీ వినియోగంలో ఏపీ ముందంజ
మధ్యాహ్న భోజన పథకం (MDM) బియ్యం సరఫరాలో పూర్తి పారదర్శకత కోసం క్యూఆర్ కోడ్ ఆధారిత బ్యాగ్ ట్రాకింగ్ వ్యవస్థను అమలు చేసిన దేశంలోనే మొట్టమొదటి రాష్ట్రంగా ఆంధ్రప్రదేశ్ నిలిచిందని మంత్రి మనోహర్ కేంద్రానికి నివేదిక అందించారు. ఈ విధానం ద్వారా రైతు, మిల్లర్, గోడౌన్ల నుంచి ప్రతి బస్తాను ట్రేస్ చేసే అవకాశం ఉందని వివరించారు. ఇదే విధానాన్ని జనవరి నుంచి ప్రజా పంపిణీ వ్యవస్థ (పీడీఎస్) బియ్యానికి కూడా అమలు చేస్తామని స్పష్టం చేశారు.
రైతులు ఎట్టి పరిస్థితుల్లోనూ దళారులను నమ్మి ధాన్యాన్ని అమ్ముకోవద్దని, ప్రభుత్వ కొనుగోలు కేంద్రాలనే సద్వినియోగం చేసుకోవాలని ఆయన కోరారు. అరటి వంటి కొన్ని పంటలకు ఊహించని దిగుబడి రావడం వంటి సమస్యలపై ముఖ్యమంత్రి నేతృత్వంలో మంత్రులతో ఒక సబ్ కమిటీని ఏర్పాటు చేశామని, పొగాకు, మామిడి, పత్తి రైతులను ప్రభుత్వం అన్ని విధాలా ఆదుకుందని మనోహర్ పేర్కొన్నారు. పెట్టుబడులను ఆకర్షించేందుకు భూ కేటాయింపులు కూడా కీలకమని ఆయన అభిప్రాయపడ్డారు.
2025-26 ఖరీఫ్ సీజన్కు గాను ఏపీకి 51 లక్షల మెట్రిక్ టన్నుల వరి సేకరణ లక్ష్యాన్ని కేంద్రం నిర్దేశించగా, ఇప్పటికే రాష్ట్ర ప్రభుత్వం ఆ దిశగా వేగంగా అడుగులు వేస్తోంది. కేవలం 25 రోజుల వ్యవధిలోనే 2.69 లక్షల మంది రైతుల నుంచి 17.37 లక్షల మెట్రిక్ టన్నుల ధాన్యాన్ని సేకరించామని, రోజువారీ సేకరణ 90,000 మెట్రిక్ టన్నులకు చేరిందని మంత్రి మనోహర్ తెలిపారు.
రెవెన్యూ, వ్యవసాయ శాఖల సమన్వయంతో రైతుల ముంగిటకే వెళ్లి ధాన్యం కొనుగోలు చేస్తున్నామని, వారికి ఎలాంటి ఇబ్బందులు లేకుండా 24 గంటల్లోనే డబ్బులు వారి ఖాతాల్లో జమ చేస్తున్నామని వివరించారు. ఇందుకోసం 7.87 కోట్ల గోనె సంచులను సిద్ధం చేసినట్లు పేర్కొన్నారు.
ఏపీ ప్రభుత్వ పనితీరును అభినందించిన కేంద్రమంత్రి ప్రహ్లాద్ జోషి, పలు కీలక అంశాలకు ఆమోదం తెలిపారు. సీఎంఆర్ డెలివరీలను మరింత సులభతరం చేసేందుకు వీలుగా ఎఫ్సీఐ నుంచి అదనపు నిల్వలకు అనుమతి ఇచ్చారు. అంతేకాకుండా, రాష్ట్ర ప్రజల కోసం జనవరి నుంచి అదనంగా గోధుమలు, రాగులు కేటాయించడానికి అంగీకరించారు. ఇప్పటికే ఉత్తరాంధ్ర జిల్లాల్లో ఆగస్టు నుంచి 16,000 మెట్రిక్ టన్నుల రాగులను పంపిణీ చేస్తున్నామని, జనవరి 1 నుంచి రాష్ట్రవ్యాప్తంగా రాగులు, గోధుమ పిండి అందిస్తామని మనోహర్ తెలిపారు.
టెక్నాలజీ వినియోగంలో ఏపీ ముందంజ
మధ్యాహ్న భోజన పథకం (MDM) బియ్యం సరఫరాలో పూర్తి పారదర్శకత కోసం క్యూఆర్ కోడ్ ఆధారిత బ్యాగ్ ట్రాకింగ్ వ్యవస్థను అమలు చేసిన దేశంలోనే మొట్టమొదటి రాష్ట్రంగా ఆంధ్రప్రదేశ్ నిలిచిందని మంత్రి మనోహర్ కేంద్రానికి నివేదిక అందించారు. ఈ విధానం ద్వారా రైతు, మిల్లర్, గోడౌన్ల నుంచి ప్రతి బస్తాను ట్రేస్ చేసే అవకాశం ఉందని వివరించారు. ఇదే విధానాన్ని జనవరి నుంచి ప్రజా పంపిణీ వ్యవస్థ (పీడీఎస్) బియ్యానికి కూడా అమలు చేస్తామని స్పష్టం చేశారు.
రైతులు ఎట్టి పరిస్థితుల్లోనూ దళారులను నమ్మి ధాన్యాన్ని అమ్ముకోవద్దని, ప్రభుత్వ కొనుగోలు కేంద్రాలనే సద్వినియోగం చేసుకోవాలని ఆయన కోరారు. అరటి వంటి కొన్ని పంటలకు ఊహించని దిగుబడి రావడం వంటి సమస్యలపై ముఖ్యమంత్రి నేతృత్వంలో మంత్రులతో ఒక సబ్ కమిటీని ఏర్పాటు చేశామని, పొగాకు, మామిడి, పత్తి రైతులను ప్రభుత్వం అన్ని విధాలా ఆదుకుందని మనోహర్ పేర్కొన్నారు. పెట్టుబడులను ఆకర్షించేందుకు భూ కేటాయింపులు కూడా కీలకమని ఆయన అభిప్రాయపడ్డారు.
