Harmanpreet Kaur: నేను పుట్టగానే మా నాన్న ఆ విషయం ఊహించారట!: కేబీసీలో హర్మన్ ప్రీత్ కౌర్
- కేబీసీ షోలో భావోద్వేగానికి గురైన హర్మన్ప్రీత్ కౌర్
- పుట్టిన రోజే తండ్రి 'గుడ్ బ్యాటింగ్' అని రాసిన టీ-షర్ట్ కుట్టించారు
- ఏళ్ల తర్వాత ఆ బట్టలు చూసి ఆశ్చర్యపోయానన్న భారత కెప్టెన్
- స్కూల్ ప్రిన్సిపాల్ ప్రోత్సాహంతోనే క్రికెట్ జట్టులోకి వచ్చానని వెల్లడి
భారత మహిళా క్రికెట్ జట్టు కెప్టెన్ హర్మన్ప్రీత్ కౌర్, ప్రముఖ రియాలిటీ షో 'కౌన్ బనేగా కరోడ్పతి' వేదికపై తన చిన్ననాటి జ్ఞాపకాలను పంచుకుంటూ భావోద్వేగానికి గురయ్యారు. మెగాస్టార్ అమితాబ్ బచ్చన్తో మాట్లాడుతూ, తన తండ్రి తనపై పెట్టుకున్న నమ్మకాన్ని గుర్తుచేసుకుని కన్నీళ్లు పెట్టుకున్నారు.
ఆమె పుట్టిన రోజే తన తండ్రి 'గుడ్ బ్యాటింగ్' అని రాసి ఉన్న ఒక ప్రత్యేకమైన టీ-షర్ట్ను కుట్టించారని హర్మన్ప్రీత్ తెలిపారు. ఈ సందర్భంగా ఆమె మాట్లాడుతూ, "నేను పుట్టినప్పుడు మా నాన్న ఆఫీసులో ఉన్నారు. నేను పుట్టానని కుటుంబ సభ్యులు ఆయనకు కబురు పంపారు. నేను పుట్టిన మొదటి రోజు ధరించిన బట్టలను నాన్న ప్రత్యేకంగా తయారు చేయించారు. కొన్నేళ్ల తర్వాత మేం ఇల్లు మారుతున్నప్పుడు మా అమ్మకు ఆ బట్టలు దొరికాయి. 'నువ్వు పుట్టినరోజు వేసుకున్న బట్టలు చూపిస్తాను రా' అని పిలిచింది. ఆ టీ-షర్ట్పై 'గుడ్ బ్యాటింగ్' అని, చిన్న షార్ట్స్పై 'గుడ్ బౌలింగ్' అని రాసి ఉండటం చూసి ఆశ్చర్యపోయాను" అని వివరించారు.
అమితాబ్ బచ్చన్ క్రికెట్లోకి ఎలా వచ్చారని అడగ్గా, తన ప్రయాణంలో స్కూల్ ప్రిన్సిపాల్ పాత్రను హర్మన్ప్రీత్ గుర్తుచేసుకున్నారు. "ఒకరోజు నేను ఆడుతుండగా మా స్కూల్ ప్రిన్సిపాల్ చూశారు. మన స్కూల్లో అమ్మాయిల క్రికెట్ టీమ్ లేదు, నువ్వు చేరితే ప్రత్యేకంగా ఒక జట్టును ఏర్పాటు చేస్తా అన్నారు. అలా ఆయన నా కోసం ఒక టీమ్ను తయారు చేయడంతో, నాకు అమ్మాయిల క్రికెట్ జట్టులో ఆడే అవకాశం దక్కింది" అని తెలిపారు.
ఆమె పుట్టిన రోజే తన తండ్రి 'గుడ్ బ్యాటింగ్' అని రాసి ఉన్న ఒక ప్రత్యేకమైన టీ-షర్ట్ను కుట్టించారని హర్మన్ప్రీత్ తెలిపారు. ఈ సందర్భంగా ఆమె మాట్లాడుతూ, "నేను పుట్టినప్పుడు మా నాన్న ఆఫీసులో ఉన్నారు. నేను పుట్టానని కుటుంబ సభ్యులు ఆయనకు కబురు పంపారు. నేను పుట్టిన మొదటి రోజు ధరించిన బట్టలను నాన్న ప్రత్యేకంగా తయారు చేయించారు. కొన్నేళ్ల తర్వాత మేం ఇల్లు మారుతున్నప్పుడు మా అమ్మకు ఆ బట్టలు దొరికాయి. 'నువ్వు పుట్టినరోజు వేసుకున్న బట్టలు చూపిస్తాను రా' అని పిలిచింది. ఆ టీ-షర్ట్పై 'గుడ్ బ్యాటింగ్' అని, చిన్న షార్ట్స్పై 'గుడ్ బౌలింగ్' అని రాసి ఉండటం చూసి ఆశ్చర్యపోయాను" అని వివరించారు.
అమితాబ్ బచ్చన్ క్రికెట్లోకి ఎలా వచ్చారని అడగ్గా, తన ప్రయాణంలో స్కూల్ ప్రిన్సిపాల్ పాత్రను హర్మన్ప్రీత్ గుర్తుచేసుకున్నారు. "ఒకరోజు నేను ఆడుతుండగా మా స్కూల్ ప్రిన్సిపాల్ చూశారు. మన స్కూల్లో అమ్మాయిల క్రికెట్ టీమ్ లేదు, నువ్వు చేరితే ప్రత్యేకంగా ఒక జట్టును ఏర్పాటు చేస్తా అన్నారు. అలా ఆయన నా కోసం ఒక టీమ్ను తయారు చేయడంతో, నాకు అమ్మాయిల క్రికెట్ జట్టులో ఆడే అవకాశం దక్కింది" అని తెలిపారు.
