హైదరాబాద్‌లో గ్రాండ్ గా 'అఖండ 2' ప్రీ-రిలీజ్ వేడుక

నందమూరి బాలకృష్ణ, బోయపాటి శ్రీను కాంబినేషన్‌లో వస్తున్న 'అఖండ 2' (తాండవం) సినిమా ప్రీ-రిలీజ్ ఈవెంట్ హైదరాబాద్‌లోని కూకట్‌పల్లి కైతలపూర్ గ్రౌండ్స్‌లో శుక్రవారం సాయంత్రం అట్టహాసంగా ప్రారంభమైంది. డిసెంబర్ 5న విడుదల కానున్న ఈ సినిమా వేడుకకు చిత్ర యూనిట్‌తో పాటు వేలాది మంది అభిమానులు హాజరయ్యారు.

ఈ కార్యక్రమానికి బాలయ్య అభిమానులు భారీ సంఖ్యలో తరలివచ్చారు. 'జై బాలయ్య.. జై బాలయ్య' అంటూ చేసిన నినాదాలతో కైతలపూర్ మైదానం దద్దరిల్లింది. అభిమానుల కోలాహలంతో ఆ ప్రాంతమంతా పండగ వాతావరణం నెలకొంది. ఈ ఈవెంట్‌లో హీరో బాలకృష్ణ, దర్శకుడు బోయపాటి శ్రీను, హీరోయిన్ సంయుక్త, విలన్ పాత్రధారి ఆది పినిశెట్టి సహా చిత్రబృందం పాల్గొని సందడి చేసింది.

2019లో విడుదలై బ్లాక్‌బస్టర్ విజయం సాధించిన 'అఖండ' చిత్రానికి సీక్వెల్‌గా ఈ సినిమా తెరకెక్కుతోంది. బోయపాటి శ్రీను దర్శకత్వం వహించిన ఈ చిత్రంలో బాలకృష్ణ మరోసారి శక్తివంతమైన పాత్రలో కనిపించనున్నారు.

డిసెంబర్ 5న ప్రపంచవ్యాప్తంగా విడుదల కానున్న ఈ సినిమాపై ప్రేక్షకుల్లో భారీ అంచనాలు ఉన్నాయి. 'అఖండ' తరహాలోనే ఈ సీక్వెల్ కూడా బాక్సాఫీస్ వద్ద ఘన విజయం సాధిస్తుందని చిత్రబృందం ధీమా వ్యక్తం చేస్తోంది.