Sabarimala: శబరిమల రద్దీ వెనుక రాజకీయ కుట్ర?.. కేరళ మంత్రి సంచలన ఆరోపణ
- శబరిమలలో భారీగా పోటెత్తిన భక్తులు
- అయ్యప్ప దర్శనానికి 12 గంటలకు పైగా నిరీక్షణ
- రోజుకు 75 వేల మందికే దర్శనం అంటూ పరిమితి
- అధికారుల వైఫల్యంపై కేరళ హైకోర్టు తీవ్ర అసంతృప్తి
కేరళలోని ప్రఖ్యాత శబరిమల అయ్యప్ప క్షేత్రం భక్తులతో కిటకిటలాడుతోంది. గురువారం కూడా భక్తుల రద్దీ కొనసాగడంతో, స్వామివారి దర్శనానికి దాదాపు 12 గంటల సమయం పడుతోంది. పరిస్థితిని అదుపులోకి తెచ్చేందుకు అధికారులు ప్రయత్నిస్తున్నా ఫలితం కనిపించడం లేదు. ప్రస్తుతం నిమిషానికి 65 మంది భక్తులు పవిత్రమైన 18 మెట్లు ఎక్కుతున్నారు.
మండల-మకరవిళక్కు సీజన్ ప్రారంభమైన రెండో రోజే లక్ష మందికి పైగా భక్తులు తరలిరావడంతో యంత్రాంగం వైఫల్యం స్పష్టంగా కనిపించింది. కిలోమీటర్ల మేర బారులు తీరిన భక్తులు, తాగునీరు, పారిశుద్ధ్యం, విశ్రాంతి ప్రదేశాల కొరతపై తీవ్ర అసంతృప్తి వ్యక్తం చేశారు. బుధవారం కూడా స్పాట్ బుకింగ్ ద్వారా అనుమతించిన దానికంటే నాలుగు రెట్లు అధికంగా దాదాపు 20,000 మంది రావడంతో పరిస్థితి మరింత దిగజారింది.
భక్తుల రద్దీ, అధికారుల వైఫల్యంపై కేరళ హైకోర్టు తీవ్ర ఆగ్రహం వ్యక్తం చేసింది. కనీసం ఆరు నెలల ముందు నుంచే ఎందుకు ప్రణాళికలు సిద్ధం చేయలేదని అధికారులను ప్రశ్నించింది. ఇకపై రోజుకు 75 వేల మంది భక్తులకు మాత్రమే దర్శనం కల్పించాలని ట్రావెన్కోర్ దేవస్వోమ్ బోర్డును ఆదేశించింది. సోమవారం వరకు స్పాట్ బుకింగ్ను 5,000కు పరిమితం చేయాలని, వర్చువల్ క్యూ విధానాన్ని కఠినంగా అమలు చేయాలని స్పష్టం చేసింది.
ఇదిలా ఉండగా, ఈ రద్దీ వెనుక రాజకీయ కుట్ర ఉందని కేరళకు చెందిన ఓ మంత్రి ఆరోపించారు. రాష్ట్రంలో జరగనున్న స్థానిక సంస్థల ఎన్నికల వేళ గందరగోళం సృష్టించేందుకు కొందరు కావాలనే పర్యవేక్షణ లేని మార్గాల ద్వారా భక్తులను పంపించి ఈ పరిస్థితిని సృష్టించారని ఆయన ఆరోపించడం సంచలనం రేపుతోంది. ప్రస్తుతం దేవస్వోమ్ బోర్డు దిద్దుబాటు చర్యలు చేపడుతుండగా, పరిస్థితిని నిశితంగా గమనిస్తామని హైకోర్టు హెచ్చరించింది.
మండల-మకరవిళక్కు సీజన్ ప్రారంభమైన రెండో రోజే లక్ష మందికి పైగా భక్తులు తరలిరావడంతో యంత్రాంగం వైఫల్యం స్పష్టంగా కనిపించింది. కిలోమీటర్ల మేర బారులు తీరిన భక్తులు, తాగునీరు, పారిశుద్ధ్యం, విశ్రాంతి ప్రదేశాల కొరతపై తీవ్ర అసంతృప్తి వ్యక్తం చేశారు. బుధవారం కూడా స్పాట్ బుకింగ్ ద్వారా అనుమతించిన దానికంటే నాలుగు రెట్లు అధికంగా దాదాపు 20,000 మంది రావడంతో పరిస్థితి మరింత దిగజారింది.
భక్తుల రద్దీ, అధికారుల వైఫల్యంపై కేరళ హైకోర్టు తీవ్ర ఆగ్రహం వ్యక్తం చేసింది. కనీసం ఆరు నెలల ముందు నుంచే ఎందుకు ప్రణాళికలు సిద్ధం చేయలేదని అధికారులను ప్రశ్నించింది. ఇకపై రోజుకు 75 వేల మంది భక్తులకు మాత్రమే దర్శనం కల్పించాలని ట్రావెన్కోర్ దేవస్వోమ్ బోర్డును ఆదేశించింది. సోమవారం వరకు స్పాట్ బుకింగ్ను 5,000కు పరిమితం చేయాలని, వర్చువల్ క్యూ విధానాన్ని కఠినంగా అమలు చేయాలని స్పష్టం చేసింది.
ఇదిలా ఉండగా, ఈ రద్దీ వెనుక రాజకీయ కుట్ర ఉందని కేరళకు చెందిన ఓ మంత్రి ఆరోపించారు. రాష్ట్రంలో జరగనున్న స్థానిక సంస్థల ఎన్నికల వేళ గందరగోళం సృష్టించేందుకు కొందరు కావాలనే పర్యవేక్షణ లేని మార్గాల ద్వారా భక్తులను పంపించి ఈ పరిస్థితిని సృష్టించారని ఆయన ఆరోపించడం సంచలనం రేపుతోంది. ప్రస్తుతం దేవస్వోమ్ బోర్డు దిద్దుబాటు చర్యలు చేపడుతుండగా, పరిస్థితిని నిశితంగా గమనిస్తామని హైకోర్టు హెచ్చరించింది.
