నయనతారకు భర్త విఘ్నేశ్ శివన్ అదిరిపోయే గిఫ్ట్.. రూ.10 కోట్ల రోల్స్ రాయిస్ కారు బహుమతి!

లేడీ సూపర్‌స్టార్ నయనతారకు ఆమె భర్త, ప్రముఖ దర్శకుడు విఘ్నేశ్ శివన్ ఎప్పటికీ గుర్తుండిపోయే పుట్టినరోజు కానుక ఇచ్చాడు. తన 41వ పుట్టినరోజు జరుపుకున్న నయనతారకు విఘ్నేశ్ సుమారు రూ.10 కోట్ల విలువైన రోల్స్ రాయిస్ బ్లాక్ బ్యాడ్జ్ స్పెక్టర్ కారును బహుమతిగా అందించారు. ఈ ఖరీదైన కారుతో కుటుంబ సమేతంగా దిగిన ఫొటోలు ప్రస్తుతం సోషల్ మీడియాలో వైరల్ అవుతున్నాయి.

ఈ సంతోషకరమైన క్షణాలను విఘ్నేశ్ శివన్ తన ఇన్‌స్టాగ్రామ్‌లో పంచుకున్నాడు. తన భార్యపై ఉన్న ప్రేమను వ్యక్తం చేస్తూ భావోద్వేగపూరితమైన క్యాప్షన్ రాశాడు. "నా ప్రియమైన బంగారానికి పుట్టినరోజు శుభాకాంక్షలు. దేవుడు మాకు ఎప్పుడూ ఇలాంటి మధురమైన క్షణాలనే అందించాలి" అని పేర్కొన్నాడు.

విఘ్నేశ్ శివన్ తన భార్యకు లగ్జరీ కార్లను బహుమతిగా ఇవ్వడం ఇది మొదటిసారి కాదు. గత కొన్నేళ్లుగా దీన్ని ఒక సంప్రదాయంగా మార్చారు. 2023లో రూ.3 కోట్ల విలువైన మెర్సిడెస్ మేబ్యాక్ కారును, 2024లో రూ.5 కోట్ల విలువైన మెర్సిడెస్ బెంజ్ మేబ్యాక్ జీఎల్‌ఎస్ 600ను బహుమతిగా ఇచ్చారు. ఈ ఏడాది అంతకుమించి ఖరీదైన రోల్స్ రాయిస్‌ను కానుకగా ఇచ్చి తన ప్రేమను చాటుకున్నాడు.

కెరీర్ పరంగా నయనతార ఫుల్ బిజీగా ఉంది. తెలుగులో చిరంజీవి, బాలకృష్ణ వంటి అగ్ర హీరోలతో పాటు, కన్నడ స్టార్ యశ్‌తోనూ సినిమాలు చేస్తోంది. తమిళ, మలయాళ భాషల్లోనూ ఆమె చేతిలో డజనుకు పైగా ప్రాజెక్టులు ఉన్నాయి. ఎంత బిజీగా ఉన్నప్పటికీ, తన పుట్టినరోజు వేడుకలను మాత్రం కుటుంబ సభ్యుల మధ్య నిరాడంబరంగా జరుపుకుంది.