New Zealand woman: శ్రీలంకలో న్యూజిలాండ్ మహిళా ట్రావెలర్ కు దిగ్భ్రాంతికర అనుభవం
- శ్రీలంకలో ఒంటరిగా పర్యటిస్తున్న న్యూజిలాండ్ మహిళకు వేధింపులు
- ఆటోలో వెళుతుండగా స్కూటర్పై వెంబడించి అసభ్యంగా ప్రవర్తించిన స్థానికుడు
- ఘటనను వీడియో తీసి సోషల్ మీడియాలో పోస్ట్ చేసిన బాధితురాలు
- వీడియో వైరల్ కావడంతో 23 ఏళ్ల నిందితుడిని అరెస్ట్ చేసిన పోలీసులు
శ్రీలంకలో ఒంటరిగా పర్యటిస్తున్న న్యూజిలాండ్కు చెందిన ఓ మహిళా టూరిస్ట్కు తీవ్రమైన వేధింపులు ఎదురయ్యాయి. ఆటోలో శ్రీలంక పర్యటన సాగిస్తున్న ఆమెను ఓ స్థానిక వ్యక్తి వెంబడించి, లైంగికంగా వేధించాడు. బాధితురాలు ఈ ఘటనను వీడియో తీసి సోషల్ మీడియాలో పోస్ట్ చేయడంతో అది వైరల్ అయింది. దీంతో రంగంలోకి దిగిన పోలీసులు నిందితుడిని అరెస్ట్ చేశారు.
వివరాల్లోకి వెళితే.. న్యూజిలాండ్కు చెందిన మహిళ సోలో ట్రిప్లో భాగంగా ఆటోలో ప్రయాణిస్తూ శ్రీలంకను సందర్శిస్తోంది. తన పర్యటనలో నాలుగో రోజు ఓ వ్యక్తి స్కూటర్పై తనను అనుసరించడం ప్రారంభించాడు. "అతను పదేపదే నా వాహనాన్ని దాటి ముందుకు వెళ్లడం, మళ్లీ వేగం తగ్గించి నేను దాటి వెళ్లేలా చేయడం వంటివి చేశాడు. మొదట స్నేహపూర్వకంగా నవ్వినా, అతని ప్రవర్తన ఇబ్బందికరంగా మారడంతో నేను పట్టించుకోలేదు" అని ఆమె తన ఇన్స్టాగ్రామ్ వీడియోలో తెలిపింది.
కొద్దిసేపు విశ్రాంతి తీసుకోవడానికి ఆమె ఆగగా, ఆ వ్యక్తి మళ్లీ అక్కడికి వచ్చి మాటలు కలిపాడు. మొదట స్నేహంగానే మాట్లాడినా, కాసేపటికే "ఎక్కడ బస చేస్తున్నావు?" అని అడిగాడని, అతని ఉద్దేశం తనకు అర్థమైందని ఆమె పేర్కొంది. ఆ తర్వాత అతను తనతో శృంగారంలో పాల్గొంటావా అని అడిగి, తన ముందే హస్తప్రయోగం చేశాడని వెల్లడించింది. ఈ ఘటనతో తీవ్ర దిగ్భ్రాంతికి గురయ్యానని, వెంటనే అక్కడి నుంచి వెళ్లిపోయానని వివరించింది.
"ఈ సంఘటన నా ఆత్మవిశ్వాసాన్ని దెబ్బతీసింది. ఒంటరి మహిళగా ప్రయాణించడానికి మనం చెల్లించే మూల్యం ఇదేనేమో. ఇది చాలా బాధాకరం" అని ఆమె ఆవేదన వ్యక్తం చేసింది. అయితే, ఈ ఒక్క ఘటన ఆధారంగా శ్రీలంక దేశాన్ని అంచనా వేయవద్దని ఆమె స్పష్టం చేసింది. "ఇది కేవలం ఒక్క వ్యక్తి చేసిన పని. నేను కలిసిన శ్రీలంక ప్రజలు ఎంతో దయగలవారు. ఈ ఒక్క సంఘటన మొత్తం దేశానికి ప్రతిబింబం కాదు" అని ఆమె పోస్ట్లో పేర్కొంది. ఈ వీడియో వైరల్ కావడంతో పోలీసులు వేగంగా స్పందించి 23 ఏళ్ల నిందితుడిని అరెస్ట్ చేశారు.
వివరాల్లోకి వెళితే.. న్యూజిలాండ్కు చెందిన మహిళ సోలో ట్రిప్లో భాగంగా ఆటోలో ప్రయాణిస్తూ శ్రీలంకను సందర్శిస్తోంది. తన పర్యటనలో నాలుగో రోజు ఓ వ్యక్తి స్కూటర్పై తనను అనుసరించడం ప్రారంభించాడు. "అతను పదేపదే నా వాహనాన్ని దాటి ముందుకు వెళ్లడం, మళ్లీ వేగం తగ్గించి నేను దాటి వెళ్లేలా చేయడం వంటివి చేశాడు. మొదట స్నేహపూర్వకంగా నవ్వినా, అతని ప్రవర్తన ఇబ్బందికరంగా మారడంతో నేను పట్టించుకోలేదు" అని ఆమె తన ఇన్స్టాగ్రామ్ వీడియోలో తెలిపింది.
కొద్దిసేపు విశ్రాంతి తీసుకోవడానికి ఆమె ఆగగా, ఆ వ్యక్తి మళ్లీ అక్కడికి వచ్చి మాటలు కలిపాడు. మొదట స్నేహంగానే మాట్లాడినా, కాసేపటికే "ఎక్కడ బస చేస్తున్నావు?" అని అడిగాడని, అతని ఉద్దేశం తనకు అర్థమైందని ఆమె పేర్కొంది. ఆ తర్వాత అతను తనతో శృంగారంలో పాల్గొంటావా అని అడిగి, తన ముందే హస్తప్రయోగం చేశాడని వెల్లడించింది. ఈ ఘటనతో తీవ్ర దిగ్భ్రాంతికి గురయ్యానని, వెంటనే అక్కడి నుంచి వెళ్లిపోయానని వివరించింది.
"ఈ సంఘటన నా ఆత్మవిశ్వాసాన్ని దెబ్బతీసింది. ఒంటరి మహిళగా ప్రయాణించడానికి మనం చెల్లించే మూల్యం ఇదేనేమో. ఇది చాలా బాధాకరం" అని ఆమె ఆవేదన వ్యక్తం చేసింది. అయితే, ఈ ఒక్క ఘటన ఆధారంగా శ్రీలంక దేశాన్ని అంచనా వేయవద్దని ఆమె స్పష్టం చేసింది. "ఇది కేవలం ఒక్క వ్యక్తి చేసిన పని. నేను కలిసిన శ్రీలంక ప్రజలు ఎంతో దయగలవారు. ఈ ఒక్క సంఘటన మొత్తం దేశానికి ప్రతిబింబం కాదు" అని ఆమె పోస్ట్లో పేర్కొంది. ఈ వీడియో వైరల్ కావడంతో పోలీసులు వేగంగా స్పందించి 23 ఏళ్ల నిందితుడిని అరెస్ట్ చేశారు.
