H-1B Visa: హెచ్-1బీ వీసాలపై ట్రంప్కు షాక్... రద్దు చేయాలని సొంత పార్టీ నేతల పట్టు
- హెచ్-1బీ వీసాలపై ట్రంప్కు వ్యతిరేకంగా రిపబ్లికన్లు
- వీసాలను రద్దు చేయాలని కాంగ్రెస్ సభ్యురాలి బిల్లు ప్రతిపాదన
- ఏటా 85,000 నుంచి 10,000కు వీసాలు తగ్గించాలని డిమాండ్
- వీసాల రద్దు అమెరికా ఆర్థిక వ్యవస్థకు నష్టమంటున్న నిపుణులు
- ఈ వీసాల్లో 70 శాతానికి పైగా భారతీయులకే మంజూరు
- దుర్వినియోగాన్ని అడ్డుకుంటామే తప్ప రద్దు చేయమన్న వైట్హౌస్
అమెరికాలో హెచ్-1బీ వీసా ప్రోగ్రామ్పై అధికార రిపబ్లికన్ పార్టీలో భిన్నాభిప్రాయాలు వ్యక్తమవుతున్నాయి. ఈ వీసాలు దేశానికి అవసరమని అధ్యక్షుడు డొనాల్డ్ ట్రంప్ కొన్ని రోజుల క్రితం సమర్థించగా, ఇప్పుడు పలువురు కీలక రిపబ్లికన్ నేతలు మాత్రం దీన్ని పూర్తిగా రద్దు చేయాలని డిమాండ్ చేస్తున్నారు. ఈ పరిణామం భారతీయ నిపుణులలో ఆందోళన కలిగిస్తోంది.
రిపబ్లికన్ కాంగ్రెస్ సభ్యురాలు మార్జోరీ టేలర్ గ్రీన్ ఈ విషయంలో దూకుడుగా ఉన్నారు. వైద్య రంగం మినహా అన్ని రంగాల్లో హెచ్-1బీ వీసాలను నిషేధించాలని కోరుతూ తాను ఒక బిల్లును ప్రవేశపెట్టనున్నట్లు సోషల్ మీడియాలో ప్రకటించారు. ప్రస్తుతం ఏటా 85,000గా ఉన్న వీసాల సంఖ్యను కేవలం 10,000కు తగ్గించాలని, వీసాలపై వచ్చిన వారు శాశ్వతంగా ఇక్కడే ఉండిపోకుండా తిరిగి సొంత దేశాలకు వెళ్లిపోవాలని ఆమె అభిప్రాయపడ్డారు. మరో రిపబ్లికన్ సభ్యుడు ఆండీ ఓగ్లెస్ కూడా ఈ డిమాండ్కు మద్దతు తెలిపారు.
అయితే, ఇటీవలే ఫాక్స్ న్యూస్కు ఇచ్చిన ఇంటర్వ్యూలో ట్రంప్ మాట్లాడుతూ... దేశానికి ప్రతిభావంతులను తీసుకురావాల్సిన అవసరం ఉందని హెచ్-1బీ వీసాలను సమర్థించారు. ఈ నేపథ్యంలో వైట్హౌస్ స్పందిస్తూ... వీసా వ్యవస్థలో దుర్వినియోగాన్ని అరికట్టేందుకే కట్టుబడి ఉన్నామని, ప్రోగ్రామ్ను పూర్తిగా రద్దు చేసే ఉద్దేశం లేదని స్పష్టం చేసింది.
మరోవైపు హెచ్-1బీ వీసాలను రద్దు చేస్తే అమెరికా ఆర్థిక వ్యవస్థకే తీవ్ర నష్టమని ప్రముఖ పరిశోధకులు, న్యాయ నిపుణులు హెచ్చరిస్తున్నారు. మాన్హట్టన్ ఇన్స్టిట్యూట్ అధ్యయనం ప్రకారం, హెచ్-1బీ వీసాదారులు దేశ జీడీపీకి గణనీయంగా దోహదపడుతున్నారు. ముఖ్యంగా భారతీయ వలసదారులు ఆర్థికంగా అత్యంత ప్రయోజనకరమైన సమూహమని ఈ నివేదిక పేర్కొంది. 2024లో మంజూరైన మొత్తం హెచ్-1బీ వీసాలలో 70 శాతానికి పైగా భారతీయులే పొందడం గమనార్హం.
రిపబ్లికన్ కాంగ్రెస్ సభ్యురాలు మార్జోరీ టేలర్ గ్రీన్ ఈ విషయంలో దూకుడుగా ఉన్నారు. వైద్య రంగం మినహా అన్ని రంగాల్లో హెచ్-1బీ వీసాలను నిషేధించాలని కోరుతూ తాను ఒక బిల్లును ప్రవేశపెట్టనున్నట్లు సోషల్ మీడియాలో ప్రకటించారు. ప్రస్తుతం ఏటా 85,000గా ఉన్న వీసాల సంఖ్యను కేవలం 10,000కు తగ్గించాలని, వీసాలపై వచ్చిన వారు శాశ్వతంగా ఇక్కడే ఉండిపోకుండా తిరిగి సొంత దేశాలకు వెళ్లిపోవాలని ఆమె అభిప్రాయపడ్డారు. మరో రిపబ్లికన్ సభ్యుడు ఆండీ ఓగ్లెస్ కూడా ఈ డిమాండ్కు మద్దతు తెలిపారు.
అయితే, ఇటీవలే ఫాక్స్ న్యూస్కు ఇచ్చిన ఇంటర్వ్యూలో ట్రంప్ మాట్లాడుతూ... దేశానికి ప్రతిభావంతులను తీసుకురావాల్సిన అవసరం ఉందని హెచ్-1బీ వీసాలను సమర్థించారు. ఈ నేపథ్యంలో వైట్హౌస్ స్పందిస్తూ... వీసా వ్యవస్థలో దుర్వినియోగాన్ని అరికట్టేందుకే కట్టుబడి ఉన్నామని, ప్రోగ్రామ్ను పూర్తిగా రద్దు చేసే ఉద్దేశం లేదని స్పష్టం చేసింది.
మరోవైపు హెచ్-1బీ వీసాలను రద్దు చేస్తే అమెరికా ఆర్థిక వ్యవస్థకే తీవ్ర నష్టమని ప్రముఖ పరిశోధకులు, న్యాయ నిపుణులు హెచ్చరిస్తున్నారు. మాన్హట్టన్ ఇన్స్టిట్యూట్ అధ్యయనం ప్రకారం, హెచ్-1బీ వీసాదారులు దేశ జీడీపీకి గణనీయంగా దోహదపడుతున్నారు. ముఖ్యంగా భారతీయ వలసదారులు ఆర్థికంగా అత్యంత ప్రయోజనకరమైన సమూహమని ఈ నివేదిక పేర్కొంది. 2024లో మంజూరైన మొత్తం హెచ్-1బీ వీసాలలో 70 శాతానికి పైగా భారతీయులే పొందడం గమనార్హం.
