Jasprit Bumrah: కోల్ కతా టెస్టు... టీమిండియా బౌలర్ల ధాటికి దక్షిణాఫ్రికా విలవిల
కోల్కతాలోని ఈడెన్ గార్డెన్స్ వేదికగా దక్షిణాఫ్రికాతో ప్రారంభమైన తొలి టెస్టులో భారత బౌలర్లు పూర్తి ఆధిపత్యం ప్రదర్శించారు. టాస్ గెలిచి మొదట బ్యాటింగ్ ఎంచుకున్న సఫారీ జట్టును టీమిండియా బౌలర్లు ముప్పతిప్పలు పెట్టారు. తొలి రోజు ఆట టీ బ్రేక్ సమయానికి దక్షిణాఫ్రికా 52 ఓవర్లలో 8 వికెట్ల నష్టానికి 154 పరుగులు మాత్రమే చేసి పీకల్లోతు కష్టాల్లో పడింది.
అంతకుముందు, టాస్ గెలిచిన దక్షిణాఫ్రికా కెప్టెన్ టెంబా బవుమా బ్యాటింగ్ వైపు మొగ్గు చూపాడు. ఓపెనర్లు ఐడెన్ మార్క్రమ్ (31), ర్యాన్ రికెల్టన్ (23) తొలి వికెట్కు 57 పరుగులు జోడించి శుభారంభం అందించినట్లు కనిపించినా, ఆ తర్వాత భారత బౌలర్లు విజృంభించారు. ప్రమాదకరంగా మారుతున్న ఈ జోడీని జస్ప్రీత్ బుమ్రా విడదీశాడు. బుమ్రా దెబ్బకు రికెల్టన్, మార్క్రమ్ స్వల్ప వ్యవధిలో పెవిలియన్ చేరారు.
ఆ తర్వాత క్రీజులోకి వచ్చిన బ్యాటర్లు ఎవరూ నిలదొక్కుకోలేకపోయారు. స్పిన్నర్ కుల్దీప్ యాదవ్ తన మాయాజాలంతో కెప్టెన్ టెంబా బవుమా (3), వియాన్ ముల్డర్ (24) వికెట్లను పడగొట్టాడు. మరోవైపు పేసర్ మహమ్మద్ సిరాజ్ కూడా కీలకమైన కైల్ వెర్రెయిన్ (16), మార్కో యన్సెన్ (0) వికెట్లను తీసి సఫారీలను కోలుకోలేని దెబ్బ తీశాడు. చివర్లో అక్షర్ పటేల్ కూడా ఓ వికెట్ పడగొట్టడంతో దక్షిణాఫ్రికా బ్యాటింగ్ ఆర్డర్ కుప్పకూలింది.
భారత బౌలర్లలో జస్ప్రీత్ బుమ్రా కేవలం 23 పరుగులిచ్చి 3 వికెట్లు పడగొట్టగా, మహమ్మద్ సిరాజ్, కుల్దీప్ యాదవ్ చెరో రెండు వికెట్లు తీశారు. అక్షర్ పటేల్కు ఒక వికెట్ దక్కింది. ప్రస్తుతం ట్రిస్టన్ స్టబ్స్ (15), సైమన్ హార్మర్ (0) క్రీజులో ఉన్నారు. భారత బౌలర్ల సమష్టి ప్రదర్శనతో తొలి రోజే మ్యాచ్పై టీమిండియా పూర్తి పట్టు సాధించింది.
అంతకుముందు, టాస్ గెలిచిన దక్షిణాఫ్రికా కెప్టెన్ టెంబా బవుమా బ్యాటింగ్ వైపు మొగ్గు చూపాడు. ఓపెనర్లు ఐడెన్ మార్క్రమ్ (31), ర్యాన్ రికెల్టన్ (23) తొలి వికెట్కు 57 పరుగులు జోడించి శుభారంభం అందించినట్లు కనిపించినా, ఆ తర్వాత భారత బౌలర్లు విజృంభించారు. ప్రమాదకరంగా మారుతున్న ఈ జోడీని జస్ప్రీత్ బుమ్రా విడదీశాడు. బుమ్రా దెబ్బకు రికెల్టన్, మార్క్రమ్ స్వల్ప వ్యవధిలో పెవిలియన్ చేరారు.
ఆ తర్వాత క్రీజులోకి వచ్చిన బ్యాటర్లు ఎవరూ నిలదొక్కుకోలేకపోయారు. స్పిన్నర్ కుల్దీప్ యాదవ్ తన మాయాజాలంతో కెప్టెన్ టెంబా బవుమా (3), వియాన్ ముల్డర్ (24) వికెట్లను పడగొట్టాడు. మరోవైపు పేసర్ మహమ్మద్ సిరాజ్ కూడా కీలకమైన కైల్ వెర్రెయిన్ (16), మార్కో యన్సెన్ (0) వికెట్లను తీసి సఫారీలను కోలుకోలేని దెబ్బ తీశాడు. చివర్లో అక్షర్ పటేల్ కూడా ఓ వికెట్ పడగొట్టడంతో దక్షిణాఫ్రికా బ్యాటింగ్ ఆర్డర్ కుప్పకూలింది.
భారత బౌలర్లలో జస్ప్రీత్ బుమ్రా కేవలం 23 పరుగులిచ్చి 3 వికెట్లు పడగొట్టగా, మహమ్మద్ సిరాజ్, కుల్దీప్ యాదవ్ చెరో రెండు వికెట్లు తీశారు. అక్షర్ పటేల్కు ఒక వికెట్ దక్కింది. ప్రస్తుతం ట్రిస్టన్ స్టబ్స్ (15), సైమన్ హార్మర్ (0) క్రీజులో ఉన్నారు. భారత బౌలర్ల సమష్టి ప్రదర్శనతో తొలి రోజే మ్యాచ్పై టీమిండియా పూర్తి పట్టు సాధించింది.
