వరుసగా 8 సిక్సులు.. 11 బంతుల్లోనే హాఫ్ సెంచరీ... మేఘాలయ బ్యాటర్ వరల్డ్ రికార్డ్
- ఫస్ట్ క్లాస్ క్రికెట్లో అత్యంత వేగవంతమైన హాఫ్ సెంచరీ రికార్డు
- మేఘాలయ బ్యాటర్ ఆకాశ్ కుమార్ చౌదరి అరుదైన ఘనత
- కేవలం 11 బంతుల్లోనే 50 పరుగులు పూర్తి
- రంజీ ట్రోఫీలో అరుణాచల్ ప్రదేశ్పై ఈ ఫీట్ సాధన
- ఒకే ఓవర్లో ఆరు సిక్సర్లు బాది విధ్వంసం
- 12 బంతుల ప్రపంచ రికార్డును బద్దలు కొట్టిన ఆకాశ్
ఫస్ట్ క్లాస్ క్రికెట్ చరిత్రలో ఓ భారత ఆటగాడు సరికొత్త ప్రపంచ రికార్డు సృష్టించాడు. మేఘాలయకు చెందిన 25 ఏళ్ల ఆకాశ్ కుమార్ చౌదరి కేవలం 11 బంతుల్లోనే అర్ధ శతకం సాధించి అద్భుతం చేశాడు. రంజీ ట్రోఫీ ప్లేట్ గ్రూప్లో భాగంగా అరుణాచల్ ప్రదేశ్తో జరుగుతున్న మ్యాచ్లో ఈ అరుదైన ఘనతను అందుకున్నాడు. ఈ మెరుపు ఇన్నింగ్స్తో ఫస్ట్ క్లాస్ క్రికెట్లో అత్యంత వేగవంతమైన హాఫ్ సెంచరీ నమోదు చేసిన ఆటగాడిగా చరిత్రకెక్కాడు.
వివరాల్లోకి వెళితే, సూరత్ వేదికగా జరుగుతున్న ఈ మ్యాచ్లో తొలుత బ్యాటింగ్ చేసిన మేఘాలయ భారీ స్కోరు దిశగా సాగుతోంది. జట్టు స్కోరు 576/6 వద్ద 8వ స్థానంలో బ్యాటింగ్కు వచ్చిన ఆకాశ్ కుమార్ చౌదరి ఆరంభం నుంచే విధ్వంసకర బ్యాటింగ్ చేశాడు. అరుణాచల్ బౌలర్ లిమార్ దాబీ వేసిన ఒకే ఓవర్లో ఏకంగా 6 సిక్సర్లు బాదాడు. ఆ తర్వాత ఓవర్ తొలి రెండు బంతుల్లోనూ సిక్స్ లు కొట్టాడు. వరుసగా 8 సిక్సర్ల సాయంతో కేవలం 11 బంతుల్లోనే 50 పరుగుల మైలురాయిని చేరుకున్నాడు. చివరికి 14 బంతుల్లో 50 పరుగులతో నాటౌట్గా నిలిచాడు. అనంతరం మేఘాలయ 628/6 వద్ద ఇన్నింగ్స్ను డిక్లేర్ చేసింది. బ్యాటింగ్లోనే కాకుండా, బంతితోనూ ఆకాశ్ రాణించి తొలి వికెట్ పడగొట్టడం విశేషం.
ఈ ప్రదర్శనతో ఆకాశ్ పలు రికార్డులను బద్దలు కొట్టాడు. ఫస్ట్ క్లాస్ క్రికెట్లో 2012లో లెస్టర్షైర్ తరఫున వేన్ వైట్ (12 బంతులు) నెలకొల్పిన ప్రపంచ రికార్డును అధిగమించాడు. భారత్ తరఫున ఇప్పటివరకు ఈ రికార్డు బందీప్ సింగ్ (15 బంతులు, 2015) పేరిట ఉండేది. ఇప్పుడు ఆ రికార్డులు రెండూ తెరమరుగయ్యాయి.
వివరాల్లోకి వెళితే, సూరత్ వేదికగా జరుగుతున్న ఈ మ్యాచ్లో తొలుత బ్యాటింగ్ చేసిన మేఘాలయ భారీ స్కోరు దిశగా సాగుతోంది. జట్టు స్కోరు 576/6 వద్ద 8వ స్థానంలో బ్యాటింగ్కు వచ్చిన ఆకాశ్ కుమార్ చౌదరి ఆరంభం నుంచే విధ్వంసకర బ్యాటింగ్ చేశాడు. అరుణాచల్ బౌలర్ లిమార్ దాబీ వేసిన ఒకే ఓవర్లో ఏకంగా 6 సిక్సర్లు బాదాడు. ఆ తర్వాత ఓవర్ తొలి రెండు బంతుల్లోనూ సిక్స్ లు కొట్టాడు. వరుసగా 8 సిక్సర్ల సాయంతో కేవలం 11 బంతుల్లోనే 50 పరుగుల మైలురాయిని చేరుకున్నాడు. చివరికి 14 బంతుల్లో 50 పరుగులతో నాటౌట్గా నిలిచాడు. అనంతరం మేఘాలయ 628/6 వద్ద ఇన్నింగ్స్ను డిక్లేర్ చేసింది. బ్యాటింగ్లోనే కాకుండా, బంతితోనూ ఆకాశ్ రాణించి తొలి వికెట్ పడగొట్టడం విశేషం.
ఈ ప్రదర్శనతో ఆకాశ్ పలు రికార్డులను బద్దలు కొట్టాడు. ఫస్ట్ క్లాస్ క్రికెట్లో 2012లో లెస్టర్షైర్ తరఫున వేన్ వైట్ (12 బంతులు) నెలకొల్పిన ప్రపంచ రికార్డును అధిగమించాడు. భారత్ తరఫున ఇప్పటివరకు ఈ రికార్డు బందీప్ సింగ్ (15 బంతులు, 2015) పేరిట ఉండేది. ఇప్పుడు ఆ రికార్డులు రెండూ తెరమరుగయ్యాయి.
