Indian Women's Cricket Team: వరల్డ్ కప్ టైటిల్ కు 5 వికెట్ల దూరంలో టీమిండియా
- మహిళల ప్రపంచకప్ ఫైనల్
- 299 పరుగుల లక్ష్య ఛేదనలో కష్టాల్లో దక్షిణాఫ్రికా
- సగం వికెట్లు కోల్పోయి పీకల్లోతు కష్టాల్లో సఫారీ జట్టు
- ఒంటరి పోరాటం చేస్తున్న సఫారీ కెప్టెన్ వోల్వార్ట్
- బంతితోనూ రాణించి రెండు వికెట్లు తీసిన షఫాలీ వర్మ
మహిళల ప్రపంచకప్ను గెలిచి చరిత్ర సృష్టించేందుకు భారత జట్టు మరో ఐదు వికెట్ల దూరంలో నిలిచింది. నవీ ముంబైలోని డీవై పాటిల్ స్టేడియం వేదికగా దక్షిణాఫ్రికాతో జరుగుతున్న ఫైనల్ మ్యాచ్లో టీమిండియా పూర్తి ఆధిపత్యం ప్రదర్శిస్తోంది. బౌలర్లు విజృంభించడంతో సఫారీ జట్టు పీకల్లోతు కష్టాల్లో పడింది.
భారత్ నిర్దేశించిన 299 పరుగుల భారీ లక్ష్య ఛేదనలో దక్షిణాఫ్రికా తడబడుతోంది. ప్రస్తుతం 29.5 ఓవర్లు ముగిసే సమయానికి 5 వికెట్ల నష్టానికి 150 పరుగులు చేసింది. విజయానికి ఇంకా 149 పరుగులు చేయాల్సి ఉండగా, చేతిలో కేవలం 5 వికెట్లు మాత్రమే ఉన్నాయి. సఫారీ కెప్టెన్ లారా వోల్వార్ట్ (75) ఒంటరి పోరాటం చేస్తూ క్రీజులో నిలబడింది. మిగతా బ్యాటర్లు విఫలమయ్యారు. భారత బౌలర్లలో షఫాలీ వర్మ బంతితోనూ మ్యాజిక్ చేసి రెండు కీలక వికెట్లు పడగొట్టింది. దీప్తి శర్మ, శ్రీ చరణి చెరో వికెట్ తీసి సఫారీల పతనాన్ని శాసించారు.
అంతకుముందు టాస్ ఓడి బ్యాటింగ్కు దిగిన టీమిండియా నిర్ణీత 50 ఓవర్లలో 7 వికెట్ల నష్టానికి 298 పరుగుల భారీ స్కోరు చేసింది. ఓపెనర్ షఫాలీ వర్మ (78 బంతుల్లో 87) అద్భుత ఇన్నింగ్స్తో చెలరేగగా, స్మృతి మంధన (45) మంచి ఆరంభాన్నిచ్చింది. ఆ తర్వాత దీప్తి శర్మ (58 బంతుల్లో 58), చివర్లో రిచా ఘోష్ (24 బంతుల్లో 34) మెరుపులు మెరిపించడంతో భారత్ భారీ స్కోరు సాధించింది. దక్షిణాఫ్రికా బౌలర్లలో అయాబొంగా ఖాకా మూడు వికెట్లు తీసింది.
ప్రస్తుతం మ్యాచ్ పూర్తిగా భారత్ నియంత్రణలో ఉంది. క్రీజులో ఉన్న వోల్వార్ట్ను త్వరగా పెవిలియన్ పంపితే, టీమిండియా తొలిసారి ప్రపంచకప్ టైటిల్ను ముద్దాడటం ఖాయంగా కనిపిస్తోంది.
భారత్ నిర్దేశించిన 299 పరుగుల భారీ లక్ష్య ఛేదనలో దక్షిణాఫ్రికా తడబడుతోంది. ప్రస్తుతం 29.5 ఓవర్లు ముగిసే సమయానికి 5 వికెట్ల నష్టానికి 150 పరుగులు చేసింది. విజయానికి ఇంకా 149 పరుగులు చేయాల్సి ఉండగా, చేతిలో కేవలం 5 వికెట్లు మాత్రమే ఉన్నాయి. సఫారీ కెప్టెన్ లారా వోల్వార్ట్ (75) ఒంటరి పోరాటం చేస్తూ క్రీజులో నిలబడింది. మిగతా బ్యాటర్లు విఫలమయ్యారు. భారత బౌలర్లలో షఫాలీ వర్మ బంతితోనూ మ్యాజిక్ చేసి రెండు కీలక వికెట్లు పడగొట్టింది. దీప్తి శర్మ, శ్రీ చరణి చెరో వికెట్ తీసి సఫారీల పతనాన్ని శాసించారు.
అంతకుముందు టాస్ ఓడి బ్యాటింగ్కు దిగిన టీమిండియా నిర్ణీత 50 ఓవర్లలో 7 వికెట్ల నష్టానికి 298 పరుగుల భారీ స్కోరు చేసింది. ఓపెనర్ షఫాలీ వర్మ (78 బంతుల్లో 87) అద్భుత ఇన్నింగ్స్తో చెలరేగగా, స్మృతి మంధన (45) మంచి ఆరంభాన్నిచ్చింది. ఆ తర్వాత దీప్తి శర్మ (58 బంతుల్లో 58), చివర్లో రిచా ఘోష్ (24 బంతుల్లో 34) మెరుపులు మెరిపించడంతో భారత్ భారీ స్కోరు సాధించింది. దక్షిణాఫ్రికా బౌలర్లలో అయాబొంగా ఖాకా మూడు వికెట్లు తీసింది.
ప్రస్తుతం మ్యాచ్ పూర్తిగా భారత్ నియంత్రణలో ఉంది. క్రీజులో ఉన్న వోల్వార్ట్ను త్వరగా పెవిలియన్ పంపితే, టీమిండియా తొలిసారి ప్రపంచకప్ టైటిల్ను ముద్దాడటం ఖాయంగా కనిపిస్తోంది.
