Kalvakuntla Kavitha: శ్రీ వర్షితది ఆత్మహత్యేనా? అనుమానాలున్నాయి: కల్వకుంట్ల కవిత
- విద్యార్థిని శ్రీ వర్షిత కుటుంబాన్ని పరామర్శించిన కవిత
- శ్రీ వర్షిత మృతిపై సిట్ విచారణకు డిమాండ్
- ప్రభుత్వం, మంత్రి పొన్నం ప్రభాకర్పై తీవ్ర విమర్శలు
గురుకుల పాఠశాల విద్యార్థిని శ్రీ వర్షిత మృతి ఘటనపై తెలంగాణ జాగృతి అధ్యక్షురాలు, ఎమ్మెల్సీ కల్వకుంట్ల కవిత తీవ్రంగా స్పందించారు. ఈ ఘటనపై తక్షణమే ప్రత్యేక దర్యాప్తు బృందం (సిట్) ఏర్పాటు చేసి నిష్పక్షపాతంగా విచారణ జరపాలని ఆమె ప్రభుత్వాన్ని డిమాండ్ చేశారు. హుజురాబాద్ మండలం రాంపూర్లోని శ్రీ వర్షిత కుటుంబాన్ని పరామర్శించిన కవిత, ఆమె తల్లిదండ్రులను ఓదార్చి ధైర్యం చెప్పారు. అనంతరం ఆమె మీడియాతో మాట్లాడుతూ ప్రభుత్వ తీరుపై, స్థానిక మంత్రి పొన్నం ప్రభాకర్పై తీవ్ర విమర్శలు చేశారు.
"ప్రతిపక్ష నేతలపై, ప్రత్యర్థులపై సిట్లు వేసే ఈ ప్రభుత్వం, ఒక విద్యార్థిని మృతి లాంటి తీవ్రమైన విషయంలో ఎందుకు మౌనంగా ఉంది? ఈ ఘటన జరిగి వారం రోజులు దాటినా విచారణలో ఎలాంటి పురోగతి లేదు. మంత్రి పొన్నం ప్రభాకర్ విచారణ జరిపిస్తామని చెప్పి చేతులు దులుపుకున్నారు. ఇది ప్రభుత్వ నిర్లక్ష్యానికి నిదర్శనం" అని కవిత మండిపడ్డారు. గడిచిన ఏడాదిన్నర కాలంలో రాష్ట్రవ్యాప్తంగా గురుకుల పాఠశాలల్లో 110 మంది విద్యార్థులు వివిధ కారణాలతో మరణించారని, ఆ తల్లిదండ్రుల ఉసురు ప్రభుత్వానికి తప్పక తగులుతుందని ఆమె ఆవేదన వ్యక్తం చేశారు.
చదువులో చురుగ్గా, ధైర్యంగా ఉండే శ్రీ వర్షిత ఆత్మహత్య చేసుకుందంటే ఎన్నో అనుమానాలు తలెత్తుతున్నాయని కవిత అన్నారు. "ఆత్మహత్యకు కేవలం గంట ముందు తల్లిదండ్రులతో ఆనందంగా మాట్లాడిన అమ్మాయి అకస్మాత్తుగా ఎలా చనిపోతుంది? ఈ అనుమానాలను నివృత్తి చేయాల్సిన బాధ్యత ప్రభుత్వానిదే" అని ఆమె స్పష్టం చేశారు. ప్రభుత్వం ఇప్పటికైనా కళ్లు తెరిచి, మంత్రి పొన్నం ప్రభాకర్ ఈ ఘటనపై బాధ్యత తీసుకుని, నిష్పక్షపాతంగా విచారణ జరిపి దోషులను కఠినంగా శిక్షించాలని డిమాండ్ చేశారు.
శ్రీ వర్షిత కుటుంబానికి న్యాయం జరిగేంత వరకు తెలంగాణ జాగృతి అండగా ఉంటుందని కవిత హామీ ఇచ్చారు. ఇలాంటి ఘటనలు పునరావృతం కాకుండా ప్రభుత్వం కఠిన చర్యలు తీసుకోకపోతే ఊరుకునేది లేదని ఆమె హెచ్చరించారు. తక్షణమే ఈ కేసుపై సిట్ ఏర్పాటు చేసి దర్యాప్తు ప్రారంభించాలని ఆమె పునరుద్ఘాటించారు.
"ప్రతిపక్ష నేతలపై, ప్రత్యర్థులపై సిట్లు వేసే ఈ ప్రభుత్వం, ఒక విద్యార్థిని మృతి లాంటి తీవ్రమైన విషయంలో ఎందుకు మౌనంగా ఉంది? ఈ ఘటన జరిగి వారం రోజులు దాటినా విచారణలో ఎలాంటి పురోగతి లేదు. మంత్రి పొన్నం ప్రభాకర్ విచారణ జరిపిస్తామని చెప్పి చేతులు దులుపుకున్నారు. ఇది ప్రభుత్వ నిర్లక్ష్యానికి నిదర్శనం" అని కవిత మండిపడ్డారు. గడిచిన ఏడాదిన్నర కాలంలో రాష్ట్రవ్యాప్తంగా గురుకుల పాఠశాలల్లో 110 మంది విద్యార్థులు వివిధ కారణాలతో మరణించారని, ఆ తల్లిదండ్రుల ఉసురు ప్రభుత్వానికి తప్పక తగులుతుందని ఆమె ఆవేదన వ్యక్తం చేశారు.
చదువులో చురుగ్గా, ధైర్యంగా ఉండే శ్రీ వర్షిత ఆత్మహత్య చేసుకుందంటే ఎన్నో అనుమానాలు తలెత్తుతున్నాయని కవిత అన్నారు. "ఆత్మహత్యకు కేవలం గంట ముందు తల్లిదండ్రులతో ఆనందంగా మాట్లాడిన అమ్మాయి అకస్మాత్తుగా ఎలా చనిపోతుంది? ఈ అనుమానాలను నివృత్తి చేయాల్సిన బాధ్యత ప్రభుత్వానిదే" అని ఆమె స్పష్టం చేశారు. ప్రభుత్వం ఇప్పటికైనా కళ్లు తెరిచి, మంత్రి పొన్నం ప్రభాకర్ ఈ ఘటనపై బాధ్యత తీసుకుని, నిష్పక్షపాతంగా విచారణ జరిపి దోషులను కఠినంగా శిక్షించాలని డిమాండ్ చేశారు.
శ్రీ వర్షిత కుటుంబానికి న్యాయం జరిగేంత వరకు తెలంగాణ జాగృతి అండగా ఉంటుందని కవిత హామీ ఇచ్చారు. ఇలాంటి ఘటనలు పునరావృతం కాకుండా ప్రభుత్వం కఠిన చర్యలు తీసుకోకపోతే ఊరుకునేది లేదని ఆమె హెచ్చరించారు. తక్షణమే ఈ కేసుపై సిట్ ఏర్పాటు చేసి దర్యాప్తు ప్రారంభించాలని ఆమె పునరుద్ఘాటించారు.
