Virat Kohli: కోహ్లీ, రోహిత్ రిటైర్మెంట్పై మౌనం వీడిన రవిశాస్త్రి
టీమిండియా సీనియర్ ఆటగాళ్లు విరాట్ కోహ్లీ, రోహిత్ శర్మ వన్డే క్రికెట్ భవిష్యత్తుపై మాజీ హెడ్ కోచ్ రవిశాస్త్రి ఆసక్తికర వ్యాఖ్యలు చేశారు. టెస్టు, టీ20 ఫార్మాట్ల నుంచి ఇప్పటికే తప్పుకున్న ఈ ఇద్దరు దిగ్గజాలు, ఆస్ట్రేలియాతో అక్టోబర్ 19 నుంచి ప్రారంభం కానున్న వన్డే సిరీస్తో తిరిగి జట్టులోకి రానున్నారు. ఈ నేపథ్యంలో వారి భవిష్యత్తు, ముఖ్యంగా 2027 ప్రపంచకప్లో వారి భాగస్వామ్యంపై జరుగుతున్న చర్చపై ఆయన స్పందించారు.
ఫాక్స్ స్పోర్ట్స్తో రవిశాస్త్రి మాట్లాడుతూ.. కోహ్లీ, రోహిత్ల సామర్థ్యంపై తనకు పూర్తి నమ్మకం ఉందని చెప్పారు. "విరాట్ ఒక అద్భుతమైన చేజింగ్ మాస్టర్ అయితే, రోహిత్ ఓపెనర్గా విధ్వంసకర ఆటగాడు. తమలో ఇంకా చాలా క్రికెట్ మిగిలి ఉందని వారు భావిస్తున్నారు" అని పేర్కొన్నారు. అయితే, అంతర్జాతీయ క్రికెట్లో వారు ఎంతకాలం కొనసాగుతారనేది వారి చేతుల్లోనే ఉందని స్పష్టం చేశారు. "అదంతా వారిలో ఆట పట్ల ఇంకా ఎంత ఆకలి ఉంది, వారు ఎంత ఫిట్గా ఉన్నారు అనే దానిపైనే ఆధారపడి ఉంటుంది. వారి అనుభవం జట్టుకు ఎంతో ఉపయోగపడుతుంది" అని వివరించారు.
2027 ప్రపంచకప్ ప్రస్తావనపై మాట్లాడుతూ, దాని గురించి ఇప్పుడే ఆలోచించడం తొందరపాటు అవుతుందని శాస్త్రి అభిప్రాయపడ్డారు. "ప్రస్తుతానికి ఒక్కో సిరీస్ గురించే ఆలోచించడం మంచిది. ప్రపంచకప్కు ఇంకా చాలా సమయం ఉంది" అని పేర్కొన్నాడు. రిటైర్మెంట్ నిర్ణయంపై కూడా ఆయన తన అభిప్రాయాన్ని పంచుకున్నారు. "టెస్ట్ క్రికెట్ నుంచి విరాట్, రోహిత్ తమకు తాముగా తప్పుకున్నారు. వాళ్లను ఎవరూ రిటైర్ అవ్వమని అడగలేదు. వన్డేల విషయంలోనూ ఇలాగే జరగొచ్చు. ఒకవేళ వారికి ఆటలో ఆసక్తి తగ్గినా లేదా ఫామ్ సరిగా లేకపోయినా, వారే స్వయంగా తప్పుకునే అవకాశం ఉంది" అని వివరించారు. మరోవైపు, ఆస్ట్రేలియాతో జరగబోయే సిరీసే కోహ్లీ, రోహిత్లకు చివరిది కావచ్చంటూ వస్తున్న వార్తలను బీసీసీఐ ఉపాధ్యక్షుడు రాజీవ్ శుక్లా ఇప్పటికే ఖండించారు.
ఫాక్స్ స్పోర్ట్స్తో రవిశాస్త్రి మాట్లాడుతూ.. కోహ్లీ, రోహిత్ల సామర్థ్యంపై తనకు పూర్తి నమ్మకం ఉందని చెప్పారు. "విరాట్ ఒక అద్భుతమైన చేజింగ్ మాస్టర్ అయితే, రోహిత్ ఓపెనర్గా విధ్వంసకర ఆటగాడు. తమలో ఇంకా చాలా క్రికెట్ మిగిలి ఉందని వారు భావిస్తున్నారు" అని పేర్కొన్నారు. అయితే, అంతర్జాతీయ క్రికెట్లో వారు ఎంతకాలం కొనసాగుతారనేది వారి చేతుల్లోనే ఉందని స్పష్టం చేశారు. "అదంతా వారిలో ఆట పట్ల ఇంకా ఎంత ఆకలి ఉంది, వారు ఎంత ఫిట్గా ఉన్నారు అనే దానిపైనే ఆధారపడి ఉంటుంది. వారి అనుభవం జట్టుకు ఎంతో ఉపయోగపడుతుంది" అని వివరించారు.
2027 ప్రపంచకప్ ప్రస్తావనపై మాట్లాడుతూ, దాని గురించి ఇప్పుడే ఆలోచించడం తొందరపాటు అవుతుందని శాస్త్రి అభిప్రాయపడ్డారు. "ప్రస్తుతానికి ఒక్కో సిరీస్ గురించే ఆలోచించడం మంచిది. ప్రపంచకప్కు ఇంకా చాలా సమయం ఉంది" అని పేర్కొన్నాడు. రిటైర్మెంట్ నిర్ణయంపై కూడా ఆయన తన అభిప్రాయాన్ని పంచుకున్నారు. "టెస్ట్ క్రికెట్ నుంచి విరాట్, రోహిత్ తమకు తాముగా తప్పుకున్నారు. వాళ్లను ఎవరూ రిటైర్ అవ్వమని అడగలేదు. వన్డేల విషయంలోనూ ఇలాగే జరగొచ్చు. ఒకవేళ వారికి ఆటలో ఆసక్తి తగ్గినా లేదా ఫామ్ సరిగా లేకపోయినా, వారే స్వయంగా తప్పుకునే అవకాశం ఉంది" అని వివరించారు. మరోవైపు, ఆస్ట్రేలియాతో జరగబోయే సిరీసే కోహ్లీ, రోహిత్లకు చివరిది కావచ్చంటూ వస్తున్న వార్తలను బీసీసీఐ ఉపాధ్యక్షుడు రాజీవ్ శుక్లా ఇప్పటికే ఖండించారు.
