Srikanth Iyyangar: నన్ను క్షమించండి... వీడియో విడుదల చేసిన నటుడు శ్రీకాంత్ అయ్యంగార్
- గాంధీజీపై నటుడు శ్రీకాంత్ అయ్యంగార్ వివాదాస్పద పోస్టులు
- సోషల్ మీడియాలో వెల్లువెత్తిన తీవ్ర విమర్శలు
- సైబర్ క్రైమ్ పోలీసులకు ఎమ్మెల్సీ బల్మూరి వెంకట్ ఫిర్యాదు
- మా' సభ్యత్వం రద్దు చేయాలని మంచు విష్ణుకు వినతి
- వివాదం ముదరడంతో బహిరంగంగా క్షమాపణ చెప్పిన అయ్యంగార్
జాతిపిత మహాత్మా గాంధీపై సోషల్ మీడియాలో చేసిన అనుచిత వ్యాఖ్యల వ్యవహారంలో నటుడు శ్రీకాంత్ అయ్యంగార్ వెనక్కి తగ్గారు. తన వ్యాఖ్యలు తీవ్ర వివాదాస్పదం కావడంతో, ఆయన బహిరంగంగా క్షమాపణలు తెలుపుతూ ఒక వీడియోను విడుదల చేశారు.
కొన్ని రోజుల క్రితం తాను పెట్టిన పోస్టుల వల్ల చాలా మంది మనోభావాలు దెబ్బతిన్నాయని, అందుకు పూర్తి బాధ్యత వహిస్తున్నానని ఆయన పేర్కొన్నారు. అందరినీ తల వంచి క్షమించమని కోరుతున్నట్లు ఆ వీడియోలో శ్రీకాంత్ అయ్యంగార్ తెలిపారు.
కాగా, కొద్ది రోజుల కిందట శ్రీకాంత్ అయ్యంగార్ గాంధీజీని ఉద్దేశించి సోషల్ మీడియాలో కొన్ని వివాదాస్పద పోస్టులు పెట్టారు. ఇవి క్షణాల్లో వైరల్ అవ్వడంతో నెటిజన్ల నుంచి, పలు వర్గాల నుంచి తీవ్ర వ్యతిరేకత వ్యక్తమైంది. ఈ క్రమంలోనే కాంగ్రెస్ ఎమ్మెల్సీ బల్మూరి వెంకట్ ఈ విషయంపై సీరియస్గా స్పందించారు. శనివారం సైబర్ క్రైమ్ పోలీసులకు ఫిర్యాదు చేసిన ఆయన, ఆదివారం 'మా' (మూవీ ఆర్టిస్ట్స్ అసోసియేషన్) అధ్యక్షుడు మంచు విష్ణుకు కూడా లిఖితపూర్వకంగా ఫిర్యాదు అందజేశారు.
గాంధీ సిద్ధాంతాలను విశ్వసించే వారిని అయ్యంగార్ వ్యాఖ్యలు తీవ్రంగా గాయపరిచాయని బల్మూరి తన ఫిర్యాదులో పేర్కొన్నారు. సమాజానికి తప్పుడు సంకేతాలు పంపేలా ప్రవర్తించిన శ్రీకాంత్ అయ్యంగార్ 'మా' సభ్యత్వాన్ని తక్షణమే రద్దు చేసి, ఆయనపై కఠిన చర్యలు తీసుకోవాలని డిమాండ్ చేశారు.
ఒకవైపు పోలీసులకు, మరోవైపు 'మా'కు ఫిర్యాదులు అందడం, విమర్శలు తీవ్రతరం కావడంతోనే శ్రీకాంత్ అయ్యంగార్ దిగివచ్చి క్షమాపణ చెప్పినట్లు స్పష్టమవుతోంది.
కొన్ని రోజుల క్రితం తాను పెట్టిన పోస్టుల వల్ల చాలా మంది మనోభావాలు దెబ్బతిన్నాయని, అందుకు పూర్తి బాధ్యత వహిస్తున్నానని ఆయన పేర్కొన్నారు. అందరినీ తల వంచి క్షమించమని కోరుతున్నట్లు ఆ వీడియోలో శ్రీకాంత్ అయ్యంగార్ తెలిపారు.
కాగా, కొద్ది రోజుల కిందట శ్రీకాంత్ అయ్యంగార్ గాంధీజీని ఉద్దేశించి సోషల్ మీడియాలో కొన్ని వివాదాస్పద పోస్టులు పెట్టారు. ఇవి క్షణాల్లో వైరల్ అవ్వడంతో నెటిజన్ల నుంచి, పలు వర్గాల నుంచి తీవ్ర వ్యతిరేకత వ్యక్తమైంది. ఈ క్రమంలోనే కాంగ్రెస్ ఎమ్మెల్సీ బల్మూరి వెంకట్ ఈ విషయంపై సీరియస్గా స్పందించారు. శనివారం సైబర్ క్రైమ్ పోలీసులకు ఫిర్యాదు చేసిన ఆయన, ఆదివారం 'మా' (మూవీ ఆర్టిస్ట్స్ అసోసియేషన్) అధ్యక్షుడు మంచు విష్ణుకు కూడా లిఖితపూర్వకంగా ఫిర్యాదు అందజేశారు.
గాంధీ సిద్ధాంతాలను విశ్వసించే వారిని అయ్యంగార్ వ్యాఖ్యలు తీవ్రంగా గాయపరిచాయని బల్మూరి తన ఫిర్యాదులో పేర్కొన్నారు. సమాజానికి తప్పుడు సంకేతాలు పంపేలా ప్రవర్తించిన శ్రీకాంత్ అయ్యంగార్ 'మా' సభ్యత్వాన్ని తక్షణమే రద్దు చేసి, ఆయనపై కఠిన చర్యలు తీసుకోవాలని డిమాండ్ చేశారు.
ఒకవైపు పోలీసులకు, మరోవైపు 'మా'కు ఫిర్యాదులు అందడం, విమర్శలు తీవ్రతరం కావడంతోనే శ్రీకాంత్ అయ్యంగార్ దిగివచ్చి క్షమాపణ చెప్పినట్లు స్పష్టమవుతోంది.
