Hyderabad Rains: హైదరాబాద్ నగరంలో భారీ వర్షం
- హైదరాబాద్లోని పలు ప్రాంతాల్లో మంగళవారం సాయంత్రం భారీ వర్షం
- ఉక్కపోత నుంచి నగరవాసులకు ఊరట, కానీ ట్రాఫిక్తో తీవ్ర ఇబ్బందులు
- కోఠి, ఖైరతాబాద్, లక్డీకాపూల్ ప్రాంతాల్లో కుండపోత వాన
- రోడ్లపై భారీగా నిలిచిన నీరు, గంటల పాటు స్తంభించిన వాహనాలు
- గచ్చిబౌలి, అమీర్పేట్లలో ఓ మోస్తరు వర్షపాతం నమోదు
రోజంతా తీవ్రమైన ఎండ, ఉక్కపోతతో అల్లాడిపోయిన భాగ్యనగర వాసులకు మంగళవారం సాయంత్రం కురిసిన భారీ వర్షం ఒక్కసారిగా ఉపశమనాన్నిచ్చింది. అయితే, ఆ ఆనందం ఎంతోసేపు నిలవలేదు. అరగంట పాటు ఏకధాటిగా దంచికొట్టిన కుండపోత వానకు నగరం అతలాకుతలమైంది. పలు ప్రాంతాల్లో రోడ్లు జలమయం కావడంతో జనజీవనం స్తంభించిపోయింది.
నగరంలోని ప్రధాన కేంద్రాలైన కోఠి, అబిడ్స్, నాంపల్లి, బషీర్బాగ్, హిమాయత్నగర్, ఖైరతాబాద్, లక్డీకాపూల్తో పాటు రాజేంద్రనగర్, గండిపేట్ వంటి ప్రాంతాల్లో కుండపోత వర్షం నమోదైంది. దీంతో రోడ్లన్నీ చెరువులను తలపించాయి. లోతట్టు ప్రాంతాలు నీట మునగడంతో వాహనదారులు తీవ్ర అవస్థలు పడ్డారు. కార్యాలయాల నుంచి ఇళ్లకు వెళ్లే కీలక సమయంలో వర్షం ముంచెత్తడంతో ప్రధాన రహదారులపై ట్రాఫిక్ ఎక్కడికక్కడే నిలిచిపోయింది. ప్రజలు గంటల తరబడి రోడ్లపైనే నిరీక్షించాల్సి వచ్చింది.
మరోవైపు, నగరంలోని గచ్చిబౌలి, రాయదుర్గం, పంజాగుట్ట, అమీర్పేట్తో పాటు పాతబస్తీలోని చార్మినార్, ఫలక్నుమా వంటి ప్రాంతాల్లో ఓ మోస్తరు వర్షం కురిసింది.
నగరంలోని ప్రధాన కేంద్రాలైన కోఠి, అబిడ్స్, నాంపల్లి, బషీర్బాగ్, హిమాయత్నగర్, ఖైరతాబాద్, లక్డీకాపూల్తో పాటు రాజేంద్రనగర్, గండిపేట్ వంటి ప్రాంతాల్లో కుండపోత వర్షం నమోదైంది. దీంతో రోడ్లన్నీ చెరువులను తలపించాయి. లోతట్టు ప్రాంతాలు నీట మునగడంతో వాహనదారులు తీవ్ర అవస్థలు పడ్డారు. కార్యాలయాల నుంచి ఇళ్లకు వెళ్లే కీలక సమయంలో వర్షం ముంచెత్తడంతో ప్రధాన రహదారులపై ట్రాఫిక్ ఎక్కడికక్కడే నిలిచిపోయింది. ప్రజలు గంటల తరబడి రోడ్లపైనే నిరీక్షించాల్సి వచ్చింది.
మరోవైపు, నగరంలోని గచ్చిబౌలి, రాయదుర్గం, పంజాగుట్ట, అమీర్పేట్తో పాటు పాతబస్తీలోని చార్మినార్, ఫలక్నుమా వంటి ప్రాంతాల్లో ఓ మోస్తరు వర్షం కురిసింది.
