Pawan Kalyan: చింతామణిలో ఏపీ డిప్యూటీ సీఎం... కర్ణాటక పోలీసుల హై అలర్ట్
- ప్రైవేట్ కార్యక్రమానికి హాజరైన ఏపీ డిప్యూటీ సీఎం
- భారీగా తరలివచ్చిన అభిమానులు, తీవ్ర ఉత్కంఠ
- 1,500 మందికి పైగా పోలీసులతో కట్టుదిట్టమైన భద్రత ఏర్పాటు
- అధికారుల పర్యవేక్షణలో పటిష్ఠమైన భద్రతా వలయం
- పాసులు ఉన్నవారికి మాత్రమే లోపలికి అనుమతిస్తున్న పోలీసులు
ఏపీ డిప్యూటీ సీఎం, జనసేన అధినేత పవన్ కల్యాణ్ కర్ణాటక పర్యటన సందర్భంగా అక్కడ అసాధారణ భద్రతా ఏర్పాట్లు చేశారు. చిక్కబళ్లాపూర్ జిల్లాలోని చింతామణి పట్టణంలో ఆయన ఒక ప్రైవేట్ కార్యక్రమానికి హాజరయ్యారు. ఈ విషయం తెలుసుకున్న వేలాది మంది అభిమానులు ఆయన్ను చూసేందుకు తరలిరావడంతో పట్టణంలో తీవ్ర ఉద్విగ్నత నెలకొంది. దీంతో ఎలాంటి అవాంఛనీయ సంఘటనలు జరగకుండా కర్ణాటక పోలీసులు భారీ బందోబస్తు ఏర్పాటు చేశారు.
పవన్ పర్యటన నేపథ్యంలో చింతామణి పట్టణం పూర్తిగా పోలీసుల ఆధీనంలోకి వెళ్లింది. కోలార్, చిక్కబళ్లాపూర్, బెంగళూరు గ్రామీణ ప్రాంతాలతో పాటు ఆంధ్రప్రదేశ్లోని అనంతపురం జిల్లా నుంచి కూడా అభిమానులు వేల సంఖ్యలో కార్యక్రమ స్థలికి పోటెత్తారు. దీంతో పరిస్థితిని అదుపులో ఉంచేందుకు సుమారు 1,500 మందికి పైగా పోలీసు సిబ్బందిని మోహరించారు. ఇద్దరు ఎస్పీలు, ముగ్గురు అదనపు ఎస్పీలు, ఆరుగురు డీఎస్పీల పర్యవేక్షణలో ఈ భద్రతా ఏర్పాట్లు కొనసాగుతున్నాయి.
ఈ సందర్భంగా చిక్కబళ్లాపూర్ ఎస్పీ కుశాల్ చోక్సీ మాట్లాడుతూ, కేవలం పాసులు ఉన్నవారిని మాత్రమే కార్యక్రమ ప్రాంగణంలోకి అనుమతిస్తున్నామని స్పష్టం చేశారు. నకిలీ పాసుల బెడదను నివారించేందుకు ప్రతి పాసును క్షుణ్ణంగా తనిఖీ చేసిన తర్వాతే లోపలికి పంపుతున్నట్లు తెలిపారు. ప్రతి ఒక్కరినీ మెటల్ డిటెక్టర్లతో తనిఖీ చేస్తున్నామని ఆయన వివరించారు.
నటుడిగా కర్ణాటకలో పవన్ కల్యాణ్కు పెద్ద సంఖ్యలో అభిమానులు ఉన్నారు. ఇటీవల ఆయన నటించిన 'ఓజీ' చిత్రం కూడా భారీ విజయం సాధించింది. 'కాంతార' సినిమా విషయంలో చెలరేగిన వివాదాన్ని పవన్ తన చొరవతో సర్దుమణిగేలా చేయడం పట్ల కన్నడ ప్రజల నుంచి ప్రశంసలు వెల్లువెత్తాయి. ప్రాంతీయ విభేదాలకు అతీతంగా సినిమాను ఒక కళారూపంగా చూడాలని ఆయన ఇచ్చిన పిలుపు అందరినీ ఆకట్టుకుంది. ప్రస్తుతం ఏపీ డిప్యూటీ సీఎంగా ఉన్న ఆయన పొరుగు రాష్ట్రంలో పర్యటించడం రాజకీయంగానూ ప్రాధాన్యతను సంతరించుకుంది.
పవన్ పర్యటన నేపథ్యంలో చింతామణి పట్టణం పూర్తిగా పోలీసుల ఆధీనంలోకి వెళ్లింది. కోలార్, చిక్కబళ్లాపూర్, బెంగళూరు గ్రామీణ ప్రాంతాలతో పాటు ఆంధ్రప్రదేశ్లోని అనంతపురం జిల్లా నుంచి కూడా అభిమానులు వేల సంఖ్యలో కార్యక్రమ స్థలికి పోటెత్తారు. దీంతో పరిస్థితిని అదుపులో ఉంచేందుకు సుమారు 1,500 మందికి పైగా పోలీసు సిబ్బందిని మోహరించారు. ఇద్దరు ఎస్పీలు, ముగ్గురు అదనపు ఎస్పీలు, ఆరుగురు డీఎస్పీల పర్యవేక్షణలో ఈ భద్రతా ఏర్పాట్లు కొనసాగుతున్నాయి.
ఈ సందర్భంగా చిక్కబళ్లాపూర్ ఎస్పీ కుశాల్ చోక్సీ మాట్లాడుతూ, కేవలం పాసులు ఉన్నవారిని మాత్రమే కార్యక్రమ ప్రాంగణంలోకి అనుమతిస్తున్నామని స్పష్టం చేశారు. నకిలీ పాసుల బెడదను నివారించేందుకు ప్రతి పాసును క్షుణ్ణంగా తనిఖీ చేసిన తర్వాతే లోపలికి పంపుతున్నట్లు తెలిపారు. ప్రతి ఒక్కరినీ మెటల్ డిటెక్టర్లతో తనిఖీ చేస్తున్నామని ఆయన వివరించారు.
నటుడిగా కర్ణాటకలో పవన్ కల్యాణ్కు పెద్ద సంఖ్యలో అభిమానులు ఉన్నారు. ఇటీవల ఆయన నటించిన 'ఓజీ' చిత్రం కూడా భారీ విజయం సాధించింది. 'కాంతార' సినిమా విషయంలో చెలరేగిన వివాదాన్ని పవన్ తన చొరవతో సర్దుమణిగేలా చేయడం పట్ల కన్నడ ప్రజల నుంచి ప్రశంసలు వెల్లువెత్తాయి. ప్రాంతీయ విభేదాలకు అతీతంగా సినిమాను ఒక కళారూపంగా చూడాలని ఆయన ఇచ్చిన పిలుపు అందరినీ ఆకట్టుకుంది. ప్రస్తుతం ఏపీ డిప్యూటీ సీఎంగా ఉన్న ఆయన పొరుగు రాష్ట్రంలో పర్యటించడం రాజకీయంగానూ ప్రాధాన్యతను సంతరించుకుంది.
