ఈపీఎఫ్ఓ ఆన్‌లైన్ పోటీ... వివరాలు ఇవిగో!

ఉద్యోగ భవిష్యనిధి సంస్థ (ఈపీఎఫ్ఓ) తన ఆశయాలను ప్రతిబింబించే విధంగా ఒక ప్రత్యేకమైన ట్యాగ్‌లైన్ కోసం ప్రజల్లోని సృజనాత్మకతను ప్రోత్సహిస్తూ ఆన్‌లైన్ పోటీని ప్రకటించింది. ప్రజలు స్వయంగా రూపొందించిన అర్థవంతమైన, శక్తివంతమైన ట్యాగ్‌లైన్‌లను ఈ పోటీ ద్వారా సమర్పించాల్సి ఉంటుంది.

ఈ పోటీని అక్టోబర్ 1న ప్రారంభించిన ఈపీఎఫ్‌ఓ, అక్టోబర్ 10 వరకు ప్రజల నుంచి ఎంట్రీలను కోరుతోంది. ఇంకా సమయం ఉన్నందున ప్రజలు పెద్ద ఎత్తున పోటీలో పాల్గొనాలని కోరింది. ప్రత్యేకమైన ట్యాగ్‌లైన్‌ను సూచించిన ముగ్గురు విజేతలకు నగదు బహుమతులు కూడా లభించనున్నాయి.

వాటి వివరాలు ఈ విధంగా ఉన్నాయి

మొదటి బహుమతి: రూ. 21,000
రెండో బహుమతి: రూ. 11,000
మూడో బహుమతి: రూ. 5,100

అంతేకాకుండా, విజేతలకు ఢిల్లీలో జరగనున్న ఈపీఎఫ్‌ఓ వ్యవస్థాపక దినోత్సవ కార్యక్రమానికి హాజరయ్యే అవకాశాన్ని కల్పించనుంది.

పోటీ విధానం

ఈపీఎఫ్‌ఓ వెబ్‌సైట్‌ లేదా ట్విటర్ అధికారిక ఖాతా ద్వారా విడుదల చేసిన క్యూఆర్‌ కోడ్‌ను స్కాన్‌ చేసి పోటీలో పాల్గొనవచ్చు. ట్యాగ్‌లైన్‌ను ఆన్‌లైన్‌లోనే అప్‌లోడ్ చేయాల్సి ఉంటుంది. ఈ పోటీ ద్వారా ప్రజల నుంచి ఉత్తమమైన భావనలతో కూడిన ట్యాగ్‌లైన్‌ను ఎంపిక చేయాలనే లక్ష్యంతో సంస్థ ముందడుగు వేసింది.

ఈపీఎఫ్ఓ ఆహ్వానం

సంస్థ ఆశయాలు, విధులకు అద్దం పట్టేలా ఒక అర్ధవంతమైన ట్యాగ్‌ను సూచించాలని సంస్థ ప్రజలను కోరింది. ఇంకా సమయం ఉన్నందున ప్రజలు పెద్ద ఎత్తున పోటీలో పాల్గొనాలని విజ్ఞప్తి చేసింది.