నేను ఫ్యామిలీతో కలిసి ఉండడడం లేదు: నిహారిక

మెగా డాటర్ నిహారిక కొణిదెల ప్రస్తుతం తాను వేరుగా నివసిస్తున్నానని, కుటుంబానికి దూరం కాలేదని స్పష్టం చేశారు. సోషల్ మీడియాలో నిత్యం ట్రెండింగ్‌లో ఉండే నిహారిక, ఒక ఇంటర్వ్యూలో తన వ్యక్తిగత జీవితంతో పాటు కుటుంబ విషయాల గురించి ఆసక్తికరమైన విషయాలు వెల్లడించారు. తాను విడిగా ఉంటున్నప్పటికీ, రెండు రోజులకు ఒకసారి ఇంటికి వెళ్లి కుటుంబ సభ్యులను కలుస్తుంటానని, వారే తన జీవితమని ఆమె పేర్కొన్నారు.

"మా అన్న వరుణ్ తేజ్‌కు కుమారుడు జన్మించాడు. అప్పటి నుంచి నేను చాలా బిజీ అయ్యాను. మా అల్లుడిని ఎత్తుకుని తిరుగుతున్నాను. అందుకే ఇప్పుడు నాకు ఎవరూ పనులు చెప్పడం లేదు. సాధారణంగా 'నీళ్లు తీసుకురా', 'అది తీసుకురా' అంటూ ఏదో ఒక పని చెబుతూ ఉండేవారు. కానీ ఇప్పుడు ఎవరూ ఏమీ అనడం లేదు" అని ఆమె నవ్వుతూ తెలిపారు.

మా అల్లుడు పెద్దయ్యాక నటుడు అవుతానంటే తప్పకుండా తన బ్యానర్‌లోనే సినిమా తీస్తానని నిహారిక అన్నారు. ఇటీవల కల్యాణ్ బాబాయ్ 'ఓజీ' చిత్రం విడుదలైంది. ఆ సినిమా ప్రభావంతో ఇంట్లో అందరికీ 'ఓజీ' ఫీవర్ పట్టుకుంది. ఆ చిత్రం మేము ఊహించిన దానికంటే ఉన్నత స్థాయిలో ఉందని నిహారిక కొనియాడారు.