ఎల్టీటీఈ ప్రభాకరన్ పై నటుడు విజయ్ ప్రశంసలు! తమిళ రాజకీయాల్లో కొత్త వివాదం
- ఎల్టీటీఈ చీఫ్ ప్రభాకరన్పై నటుడు విజయ్ ప్రశంసల వర్షం
- శ్రీలంక తమిళులకు తల్లి లాంటివాడని సంచలన వ్యాఖ్య
- నాగపట్నం ఎన్నికల ప్రచారంలో ఈలం తమిళుల సమస్య ప్రస్తావన
- రాజీవ్ గాంధీ హంతకుడిని పొగడటంతో రాజుకున్న వివాదం
- మత్స్యకారుల విషయంలో డీఎంకే ప్రభుత్వంపై తీవ్ర విమర్శలు
- వారి సమస్యల పరిష్కారమే తమ పార్టీ అజెండా అని స్పష్టీకరణ
తమిళనాడు రాజకీయాల్లో కొత్తగా అడుగుపెట్టిన నటుడు, తమిళగ వెట్రి కళగం (టీవీకే) అధ్యక్షుడు విజయ్ చేసిన వ్యాఖ్యలు తీవ్ర దుమారం రేపుతున్నాయి. భారత మాజీ ప్రధాని రాజీవ్ గాంధీ హత్య కేసులో ప్రధాన సూత్రధారి, నిషేధిత లిబరేషన్ టైగర్స్ ఆఫ్ తమిళ్ ఈలం (ఎల్టీటీఈ) సంస్థ దివంగత అధినేత వేలుపిళ్లై ప్రభాకరన్ను ఆయన పొగడ్తలతో ముంచెత్తడం వివాదాస్పదమైంది. శ్రీలంక తమిళులకు ప్రభాకరన్ "తల్లి లాంటి వాడు" అని వ్యాఖ్యానించడం రాజకీయంగా ప్రకంపనలు సృష్టిస్తోంది.
తమిళనాడు ఎన్నికల ప్రచారంలో భాగంగా శనివారం నాగపట్నంలో జరిగిన బహిరంగ సభలో విజయ్ ప్రసంగించారు. ఈ సందర్భంగా శ్రీలంక తమిళుల (ఈలం తమిళులు) సమస్యను ఆయన ప్రధానంగా ప్రస్తావించారు. "మన రక్తసంబంధీకులైన ఈలం తమిళులు శ్రీలంకలో ఉన్నా, ప్రపంచంలో ఎక్కడ ఉన్నా వారికి తల్లిలాంటి ప్రేమను పంచిన గొప్ప నాయకుడిని కోల్పోయి నేడు తీవ్రంగా బాధపడుతున్నారు. ఆయన శ్రీలంక తమిళుల గొంతుగా నిలిచారు. వారి కోసం గొంతు విప్పడం మనందరి కర్తవ్యం" అని విజయ్ పేర్కొన్నారు. ప్రభాకరన్ను ఉద్దేశించి విజయ్ ఈ వ్యాఖ్యలు చేశారు.
1991లో శ్రీపెరంబదూర్లో జరిగిన ఆత్మాహుతి దాడిలో రాజీవ్ గాంధీ హత్యకు ప్రభాకరన్, అతని నిఘా విభాగం అధిపతి పొట్టు అమ్మన్ కుట్ర పన్నారని ఆరోపణలు ఉన్నాయి. ఈ ఘటన తర్వాత భారత ప్రభుత్వం ఎల్టీటీఈని నిషేధిత సంస్థగా ప్రకటించింది. 2009లో శ్రీలంక సైన్యంతో జరిగిన అంతిమ పోరులో ప్రభాకరన్ హతమయ్యాడు. అలాంటి వ్యక్తిని విజయ్ కీర్తించడంపై విమర్శలు వెల్లువెత్తుతున్నాయి.
అదే సభలో విజయ్ అధికార డీఎంకే ప్రభుత్వంపై తీవ్రస్థాయిలో విరుచుకుపడ్డారు. ముఖ్యంగా మత్స్యకారుల సమస్యల పరిష్కారంలో స్టాలిన్ ప్రభుత్వం విఫలమైందని ఆరోపించారు. "మత్స్యకారుల సమస్యలపై డీఎంకే ప్రభుత్వం కేవలం సుదీర్ఘమైన ఉత్తరాలు రాసి చేతులు దులుపుకుంటోంది. మా పార్టీ అలా కాదు. మత్స్యకారుల సమస్యలకు శాశ్వత పరిష్కారం చూపడమే మా ప్రధాన ఎజెండాలలో ఒకటి" అని ఆయన స్పష్టం చేశారు. మత్స్యకారుల జీవితాలతో పాటు ఈలం తమిళుల కలలు, జీవితాలు కూడా తమకు అంతే ముఖ్యమని విజయ్ అన్నారు.
శ్రీలంక తమిళులకు విజయ్ మద్దతు పలకడం కొత్తేమీ కాదు. 2008లో శ్రీలంకలో తమిళులపై జరుగుతున్న దాడులకు నిరసనగా చెన్నైలో జరిగిన నిరాహార దీక్షలో ఆయన పాల్గొన్నారు. అయితే, నేరుగా ప్రభాకరన్ను ప్రశంసించడం మాత్రం ఇదే తొలిసారి కావడం గమనార్హం.
తమిళనాడు ఎన్నికల ప్రచారంలో భాగంగా శనివారం నాగపట్నంలో జరిగిన బహిరంగ సభలో విజయ్ ప్రసంగించారు. ఈ సందర్భంగా శ్రీలంక తమిళుల (ఈలం తమిళులు) సమస్యను ఆయన ప్రధానంగా ప్రస్తావించారు. "మన రక్తసంబంధీకులైన ఈలం తమిళులు శ్రీలంకలో ఉన్నా, ప్రపంచంలో ఎక్కడ ఉన్నా వారికి తల్లిలాంటి ప్రేమను పంచిన గొప్ప నాయకుడిని కోల్పోయి నేడు తీవ్రంగా బాధపడుతున్నారు. ఆయన శ్రీలంక తమిళుల గొంతుగా నిలిచారు. వారి కోసం గొంతు విప్పడం మనందరి కర్తవ్యం" అని విజయ్ పేర్కొన్నారు. ప్రభాకరన్ను ఉద్దేశించి విజయ్ ఈ వ్యాఖ్యలు చేశారు.
1991లో శ్రీపెరంబదూర్లో జరిగిన ఆత్మాహుతి దాడిలో రాజీవ్ గాంధీ హత్యకు ప్రభాకరన్, అతని నిఘా విభాగం అధిపతి పొట్టు అమ్మన్ కుట్ర పన్నారని ఆరోపణలు ఉన్నాయి. ఈ ఘటన తర్వాత భారత ప్రభుత్వం ఎల్టీటీఈని నిషేధిత సంస్థగా ప్రకటించింది. 2009లో శ్రీలంక సైన్యంతో జరిగిన అంతిమ పోరులో ప్రభాకరన్ హతమయ్యాడు. అలాంటి వ్యక్తిని విజయ్ కీర్తించడంపై విమర్శలు వెల్లువెత్తుతున్నాయి.
అదే సభలో విజయ్ అధికార డీఎంకే ప్రభుత్వంపై తీవ్రస్థాయిలో విరుచుకుపడ్డారు. ముఖ్యంగా మత్స్యకారుల సమస్యల పరిష్కారంలో స్టాలిన్ ప్రభుత్వం విఫలమైందని ఆరోపించారు. "మత్స్యకారుల సమస్యలపై డీఎంకే ప్రభుత్వం కేవలం సుదీర్ఘమైన ఉత్తరాలు రాసి చేతులు దులుపుకుంటోంది. మా పార్టీ అలా కాదు. మత్స్యకారుల సమస్యలకు శాశ్వత పరిష్కారం చూపడమే మా ప్రధాన ఎజెండాలలో ఒకటి" అని ఆయన స్పష్టం చేశారు. మత్స్యకారుల జీవితాలతో పాటు ఈలం తమిళుల కలలు, జీవితాలు కూడా తమకు అంతే ముఖ్యమని విజయ్ అన్నారు.
శ్రీలంక తమిళులకు విజయ్ మద్దతు పలకడం కొత్తేమీ కాదు. 2008లో శ్రీలంకలో తమిళులపై జరుగుతున్న దాడులకు నిరసనగా చెన్నైలో జరిగిన నిరాహార దీక్షలో ఆయన పాల్గొన్నారు. అయితే, నేరుగా ప్రభాకరన్ను ప్రశంసించడం మాత్రం ఇదే తొలిసారి కావడం గమనార్హం.