Shahid Afridi: నాకు నీ పరుగులు వద్దు: షాహీన్పై మామ షాహిద్ అఫ్రిది సీరియస్
ఆసియా కప్ 2025లో టీమిండియా చేతిలో పాకిస్థాన్ ఘోర పరాజయం పాలవ్వడంపై ఆ జట్టు మాజీ కెప్టెన్ షాహిద్ అఫ్రిది తీవ్రస్థాయిలో విరుచుకుపడ్డారు. జట్టు పేలవ ప్రదర్శనపై స్పందిస్తూ, ఏకంగా తన సొంత అల్లుడు, స్టార్ పేసర్ షాహీన్ అఫ్రిదినే లక్ష్యంగా చేసుకుని విమర్శలు గుప్పించారు. బౌలర్గా షాహీన్ తన ప్రాథమిక బాధ్యతను మరిచిపోతున్నాడంటూ చురకలు అంటించారు.
దుబాయ్లో జరిగిన ఈ మ్యాచ్లో పాకిస్థాన్ బ్యాటింగ్ ఘోరంగా విఫలమైంది. అయితే, చివర్లో షాహీన్ అఫ్రిది 16 బంతుల్లో 33 పరుగులు చేయడంతో పాక్ జట్టు కనీసం 100 పరుగుల మార్కును దాటగలిగింది. ఈ విషయంపై షాహిద్ అఫ్రిది మాట్లాడుతూ, "నిజానికి, షాహీన్ కొన్ని పరుగులు చేయబట్టే మన జట్టు రెండంకెల స్కోరుకే పరిమితం కాకుండా వంద పరుగులు దాటింది. కానీ నాకు షాహీన్ నుంచి పరుగులు అవసరం లేదు, అతని నుంచి వికెట్లు కావాలి. అతని ప్రధాన పాత్ర బౌలింగ్ చేయడం, కొత్త బంతితో వికెట్లు తీయడంపైనే దృష్టి పెట్టాలి" అని ఒక పాకిస్థానీ టీవీ ఛానల్తో అన్నారు.
షాహీన్ తన ఆటతీరును మార్చుకోవాలని అఫ్రిది సూచించారు. "షాహీన్ ప్రత్యర్థులతో మైండ్ గేమ్స్ ఆడాలి. ఆరంభంలోనే వికెట్లు తీసి జట్టుకు మేలు చేయాలి. తన బౌలింగ్తో పాకిస్థాన్కు మ్యాచ్లు గెలిపించాలని నేను కోరుకుంటున్నాను" అని ఆయన హితవు పలికారు.
అనంతరం పాకిస్థాన్ క్రికెట్ వ్యవస్థపై కూడా అఫ్రిది తీవ్ర విమర్శలు చేశారు. "పాకిస్థాన్లో దేశవాళీ క్రికెట్ వ్యవస్థ 'థర్డ్ క్లాస్' స్థాయిలో ఉంది. ఈ విషయంపై పీసీబీ దృష్టి సారించాలి. డొమెస్టిక్ క్రికెట్లో పెట్టుబడులు పెట్టి, నాణ్యమైన కోచ్లను నియమించాలి. ఆటగాళ్లను మానసికంగా దృఢంగా తయారు చేయాలి. ఈ విషయం పీసీబీకి చెప్పి చెప్పి నేను అలసిపోయాను. దయచేసి దేశవాళీ క్రికెట్ను బలోపేతం చేయండి" అంటూ ఆయన ఆవేదన వ్యక్తం చేశారు.
దుబాయ్లో జరిగిన ఈ మ్యాచ్లో పాకిస్థాన్ బ్యాటింగ్ ఘోరంగా విఫలమైంది. అయితే, చివర్లో షాహీన్ అఫ్రిది 16 బంతుల్లో 33 పరుగులు చేయడంతో పాక్ జట్టు కనీసం 100 పరుగుల మార్కును దాటగలిగింది. ఈ విషయంపై షాహిద్ అఫ్రిది మాట్లాడుతూ, "నిజానికి, షాహీన్ కొన్ని పరుగులు చేయబట్టే మన జట్టు రెండంకెల స్కోరుకే పరిమితం కాకుండా వంద పరుగులు దాటింది. కానీ నాకు షాహీన్ నుంచి పరుగులు అవసరం లేదు, అతని నుంచి వికెట్లు కావాలి. అతని ప్రధాన పాత్ర బౌలింగ్ చేయడం, కొత్త బంతితో వికెట్లు తీయడంపైనే దృష్టి పెట్టాలి" అని ఒక పాకిస్థానీ టీవీ ఛానల్తో అన్నారు.
షాహీన్ తన ఆటతీరును మార్చుకోవాలని అఫ్రిది సూచించారు. "షాహీన్ ప్రత్యర్థులతో మైండ్ గేమ్స్ ఆడాలి. ఆరంభంలోనే వికెట్లు తీసి జట్టుకు మేలు చేయాలి. తన బౌలింగ్తో పాకిస్థాన్కు మ్యాచ్లు గెలిపించాలని నేను కోరుకుంటున్నాను" అని ఆయన హితవు పలికారు.
అనంతరం పాకిస్థాన్ క్రికెట్ వ్యవస్థపై కూడా అఫ్రిది తీవ్ర విమర్శలు చేశారు. "పాకిస్థాన్లో దేశవాళీ క్రికెట్ వ్యవస్థ 'థర్డ్ క్లాస్' స్థాయిలో ఉంది. ఈ విషయంపై పీసీబీ దృష్టి సారించాలి. డొమెస్టిక్ క్రికెట్లో పెట్టుబడులు పెట్టి, నాణ్యమైన కోచ్లను నియమించాలి. ఆటగాళ్లను మానసికంగా దృఢంగా తయారు చేయాలి. ఈ విషయం పీసీబీకి చెప్పి చెప్పి నేను అలసిపోయాను. దయచేసి దేశవాళీ క్రికెట్ను బలోపేతం చేయండి" అంటూ ఆయన ఆవేదన వ్యక్తం చేశారు.
