KP Sharma Oli: నేపాల్లో హింసాత్మకంగా మారిన సోషల్ మీడియా బ్యాన్.. రోడ్డెక్కిన యువత, కర్ఫ్యూ విధింపు
- నేపాల్లో సామాజిక మాధ్యమ వేదికలపై ప్రభుత్వ నిషేధం
- నిర్ణయానికి వ్యతిరేకంగా రోడ్డెక్కిన యువత
- ఆందోళనలు హింసాత్మకం, ఖాట్మండులోని పలు ప్రాంతాల్లో కర్ఫ్యూ
- పరిస్థితిని అదుపులోకి తెచ్చేందుకు రంగంలోకి దిగిన సైన్యం
- దేశ గౌరవం కోసమే ఈ నిర్ణయమన్న నేపాల్ ప్రధాని కేపీ శర్మ ఓలీ
నేపాల్లో సామాజిక మాధ్యమాలపై ప్రభుత్వం నిషేధం విధించడంతో యువత చేపట్టిన ఆందోళనలు హింసాత్మకంగా మారాయి. దీంతో ఖాట్మండులోని పలు ప్రాంతాల్లో సోమవారం అధికారులు కర్ఫ్యూ విధించి సైన్యాన్ని మోహరించారు. ప్రభుత్వ నిర్ణయాన్ని వ్యతిరేకిస్తూ వేలాది మంది యువతీయువకులు రోడ్లపైకి వచ్చి నిరసనలు చేపట్టడంతో ఉద్రిక్త పరిస్థితులు నెలకొన్నాయి.
'హమి నేపాల్' సంస్థ ఆధ్వర్యంలో సోమవారం ఖాట్మండులోని మైతీఘర్ వద్ద భారీ సంఖ్యలో యువత గుమిగూడి ప్రభుత్వానికి వ్యతిరేకంగా నిరసన తెలిపారు. కొద్దిసేపటికే ఈ ఆందోళనలు అదుపు తప్పాయి. నిరసనకారులు నిషేధిత ప్రాంతాల్లోకి చొచ్చుకెళ్లి, ఫెడరల్ పార్లమెంట్ భవన ప్రాంగణంలోకి ప్రవేశించేందుకు ప్రయత్నించారు. వారిని చెదరగొట్టేందుకు భద్రతా బలగాలు భాష్పవాయువు, వాటర్ కేనన్లు, రబ్బరు బుల్లెట్లను ప్రయోగించాయి. గాల్లోకి కాల్పులు కూడా జరిపినట్లు స్థానిక మీడియా కథనాలు వెల్లడించాయి. పరిస్థితి మరింత ఉద్రిక్తంగా మారడంతో బనేశ్వర్ చౌక్ నుంచి శంఖముల్ వంతెన వరకు రాత్రి 10 గంటల వరకు కర్ఫ్యూ విధిస్తున్నట్లు అధికారులు ప్రకటించారు.
స్పందించిన నేపాల్ ప్రధానమంత్రి
ఈ పరిణామాలపై నేపాల్ ప్రధానమంత్రి కేపీ శర్మ ఓలీ స్పందించారు. తమ ప్రభుత్వం సామాజిక మాధ్యమాలకు వ్యతిరేకం కాదని, దేశ చట్టాలను, గౌరవాన్ని కించపరిచే చర్యలను సహించబోమని స్పష్టం చేశారు. "నేపాల్ చట్టాల ప్రకారం రిజిస్టర్ చేసుకుని పన్నులు చెల్లించాలని ఏడాదిగా సామాజిక మాధ్యమ సంస్థలను కోరుతున్నాం. కానీ వారు మా రాజ్యాంగం తెలియదని బదులిచ్చారు. మహా అయితే నాలుగు ఉద్యోగాలు పోతాయేమో! ఆ నాలుగు ఉద్యోగాల కన్నా దేశ ఆత్మగౌరవం పెద్దది కాదా? కొన్ని ఉద్యోగాలు పోయినా కొత్తవి వస్తాయి" అని ఆయన తన నిర్ణయాన్ని సమర్థించుకున్నారు.
ఆగస్టు 25న నేపాల్ కేబినెట్ జారీ చేసిన ఆదేశాల ప్రకారం, దేశంలో పనిచేస్తున్న సామాజిక మాధ్యమ సంస్థలన్నీ వారం రోజుల్లోగా తమ వివరాలను నమోదు చేసుకోవాలని సూచించింది. సెప్టెంబర్ 3తో గడువు ముగియడంతో, రిజిస్టర్ చేసుకోని ఫేస్బుక్, 'ఎక్స్', యూట్యూబ్, వాట్సాప్ సహా మొత్తం 26 ప్రముఖ ప్లాట్ఫామ్లను సెప్టెంబర్ 4 నుంచి ప్రభుత్వం నిలిపివేసింది. ఈ నిర్ణయమే యువత ఆగ్రహానికి కారణమైంది.
'హమి నేపాల్' సంస్థ ఆధ్వర్యంలో సోమవారం ఖాట్మండులోని మైతీఘర్ వద్ద భారీ సంఖ్యలో యువత గుమిగూడి ప్రభుత్వానికి వ్యతిరేకంగా నిరసన తెలిపారు. కొద్దిసేపటికే ఈ ఆందోళనలు అదుపు తప్పాయి. నిరసనకారులు నిషేధిత ప్రాంతాల్లోకి చొచ్చుకెళ్లి, ఫెడరల్ పార్లమెంట్ భవన ప్రాంగణంలోకి ప్రవేశించేందుకు ప్రయత్నించారు. వారిని చెదరగొట్టేందుకు భద్రతా బలగాలు భాష్పవాయువు, వాటర్ కేనన్లు, రబ్బరు బుల్లెట్లను ప్రయోగించాయి. గాల్లోకి కాల్పులు కూడా జరిపినట్లు స్థానిక మీడియా కథనాలు వెల్లడించాయి. పరిస్థితి మరింత ఉద్రిక్తంగా మారడంతో బనేశ్వర్ చౌక్ నుంచి శంఖముల్ వంతెన వరకు రాత్రి 10 గంటల వరకు కర్ఫ్యూ విధిస్తున్నట్లు అధికారులు ప్రకటించారు.
స్పందించిన నేపాల్ ప్రధానమంత్రి
ఈ పరిణామాలపై నేపాల్ ప్రధానమంత్రి కేపీ శర్మ ఓలీ స్పందించారు. తమ ప్రభుత్వం సామాజిక మాధ్యమాలకు వ్యతిరేకం కాదని, దేశ చట్టాలను, గౌరవాన్ని కించపరిచే చర్యలను సహించబోమని స్పష్టం చేశారు. "నేపాల్ చట్టాల ప్రకారం రిజిస్టర్ చేసుకుని పన్నులు చెల్లించాలని ఏడాదిగా సామాజిక మాధ్యమ సంస్థలను కోరుతున్నాం. కానీ వారు మా రాజ్యాంగం తెలియదని బదులిచ్చారు. మహా అయితే నాలుగు ఉద్యోగాలు పోతాయేమో! ఆ నాలుగు ఉద్యోగాల కన్నా దేశ ఆత్మగౌరవం పెద్దది కాదా? కొన్ని ఉద్యోగాలు పోయినా కొత్తవి వస్తాయి" అని ఆయన తన నిర్ణయాన్ని సమర్థించుకున్నారు.
ఆగస్టు 25న నేపాల్ కేబినెట్ జారీ చేసిన ఆదేశాల ప్రకారం, దేశంలో పనిచేస్తున్న సామాజిక మాధ్యమ సంస్థలన్నీ వారం రోజుల్లోగా తమ వివరాలను నమోదు చేసుకోవాలని సూచించింది. సెప్టెంబర్ 3తో గడువు ముగియడంతో, రిజిస్టర్ చేసుకోని ఫేస్బుక్, 'ఎక్స్', యూట్యూబ్, వాట్సాప్ సహా మొత్తం 26 ప్రముఖ ప్లాట్ఫామ్లను సెప్టెంబర్ 4 నుంచి ప్రభుత్వం నిలిపివేసింది. ఈ నిర్ణయమే యువత ఆగ్రహానికి కారణమైంది.
