Yamuna River: పోటెత్తిన యమున... చెరువుల్లా మారిన ఢిల్లీ వీధులు
దేశ రాజధాని ఢిల్లీని యమునా నది వరదలు ముంచెత్తాయి. నది ఉగ్రరూపం దాల్చడంతో అనేక లోతట్టు ప్రాంతాలు జలదిగ్బంధంలో చిక్కుకున్నాయి. వీధులు చెరువులను తలపిస్తుండగా, మార్కెట్లు, ఇళ్లు నీటమునిగాయి. బుధవారం మధ్యాహ్నం 1 గంట సమయానికి యమునా నది నీటిమట్టం ప్రమాదకర స్థాయిని దాటి ప్రవహిస్తుండటంతో అధికార యంత్రాంగం అప్రమత్తమైంది.
హథినీకుండ్ బ్యారేజీ నుంచి భారీగా నీటిని విడుదల చేయడంతో యమునా నది పోటెత్తింది. దీంతో వసుదేవ్ ఘాట్, యమునా ఘాట్లతో పాటు మజ్ను కా టిలా, మదన్పూర్ ఖదర్, బదర్పూర్ వంటి నివాస ప్రాంతాలు పూర్తిగా నీట మునిగాయి. అధికారులు ముందుజాగ్రత్త చర్యగా పాత రైల్వే బ్రిడ్జిపై రాకపోకలను నిలిపివేసి, లోతట్టు ప్రాంతాల ప్రజలను సురక్షిత ప్రాంతాలకు, తాత్కాలిక శిబిరాలకు తరలించారు. అయినప్పటికీ, వరద ప్రభావిత ప్రాంతాల్లో హృదయ విదారక దృశ్యాలు ఆవిష్కృతమవుతున్నాయి. సర్వం కోల్పోయిన ప్రజలు కట్టుబట్టలతో రోడ్లపైకి వచ్చి, సహాయం కోసం ఎదురుచూస్తున్నారు.
ఒకప్పుడు రద్దీగా ఉండే మజ్ను కా టిలా మార్కెట్ ఇప్పుడు నిశ్శబ్దంగా మారింది. వరద నీరు దుకాణాల్లోకి చేరడంతో వ్యాపారులు తీవ్రంగా నష్టపోయారు. "రాత్రికి రాత్రే దుకాణం ఖాళీ చేశాం. చాలా సరుకులు కాపాడుకున్నా, కొన్ని పాడైపోయాయి. వరద తగ్గాక దుకాణానికి మరమ్మతులు చేయాలంటే పెద్ద ఖర్చు అవుతుంది," అని దుకాణదారుడు అనుప్ థాపా ఆవేదన వ్యక్తం చేశారు. 2023 తర్వాత మళ్లీ ఇలాంటి పరిస్థితి రావడం ఇది రెండోసారని, ప్రభుత్వం శాశ్వత పరిష్కారం చూపాలని ఆయన కోరారు.
మదన్పూర్ ఖదర్లో పరిస్థితి మరింత దయనీయంగా ఉంది. తమ పూరి గుడిసెలు నీటిలో మునిగిపోవడంతో వందలాది కుటుంబాలు రోడ్డు పక్కన ప్లాస్టిక్ షీట్ల కింద తలదాచుకుంటున్నాయి. "మా సామాన్లన్నీ ఇంట్లోనే ఉండిపోయాయి. కొన్ని మాత్రమే తెచ్చుకోగలిగాం. ముఖ్యంగా మహిళలు టాయిలెట్ సౌకర్యం లేక తీవ్ర ఇబ్బందులు పడుతున్నారు" అని తాయారా అనే మహిళ తన గోడు వెళ్లబోసుకుంది. వంట సామాగ్రి లేక, కనీసం వండుకోవడానికి కూడా అవకాశం లేక కేవలం బిస్కెట్లు, బన్నులతోనే కడుపు నింపుకుంటున్నామని మరికొందరు వాపోయారు.
యమునా బజార్, బదర్పూర్ ప్రాంతాల్లో ఇళ్లు, దుకాణాలు నది మధ్యలో ఉన్నట్లు కనిపిస్తున్నాయి. బదర్పూర్లో ఇళ్ల పైకప్పులు మాత్రమే నీటిపై కనిపిస్తున్నాయి. "ఏళ్ల తరబడి కష్టపడి నా భార్యాబిడ్డల కోసం ఈ ఇల్లు కట్టుకున్నాను. ఇప్పుడు అదంతా నీటిపాలైంది. మేం ఎక్కడికి వెళ్లాలి?" అని తన సామానును తలపై పెట్టుకుని నీటిలో నిలబడిన అసీఫ్ కన్నీటిపర్యంతమయ్యారు. కొందరు ఇంకా ఇళ్లలోనే చిక్కుకుపోయి ఉంటారని ఆయన ఆందోళన వ్యక్తం చేశారు. వరద తగ్గిన తర్వాత తమ జీవితాలను తిరిగి ఎలా నిర్మించుకోవాలో తెలియక బాధితులు నిస్సహాయ స్థితిలో కొట్టుమిట్టాడుతున్నారు
హథినీకుండ్ బ్యారేజీ నుంచి భారీగా నీటిని విడుదల చేయడంతో యమునా నది పోటెత్తింది. దీంతో వసుదేవ్ ఘాట్, యమునా ఘాట్లతో పాటు మజ్ను కా టిలా, మదన్పూర్ ఖదర్, బదర్పూర్ వంటి నివాస ప్రాంతాలు పూర్తిగా నీట మునిగాయి. అధికారులు ముందుజాగ్రత్త చర్యగా పాత రైల్వే బ్రిడ్జిపై రాకపోకలను నిలిపివేసి, లోతట్టు ప్రాంతాల ప్రజలను సురక్షిత ప్రాంతాలకు, తాత్కాలిక శిబిరాలకు తరలించారు. అయినప్పటికీ, వరద ప్రభావిత ప్రాంతాల్లో హృదయ విదారక దృశ్యాలు ఆవిష్కృతమవుతున్నాయి. సర్వం కోల్పోయిన ప్రజలు కట్టుబట్టలతో రోడ్లపైకి వచ్చి, సహాయం కోసం ఎదురుచూస్తున్నారు.
ఒకప్పుడు రద్దీగా ఉండే మజ్ను కా టిలా మార్కెట్ ఇప్పుడు నిశ్శబ్దంగా మారింది. వరద నీరు దుకాణాల్లోకి చేరడంతో వ్యాపారులు తీవ్రంగా నష్టపోయారు. "రాత్రికి రాత్రే దుకాణం ఖాళీ చేశాం. చాలా సరుకులు కాపాడుకున్నా, కొన్ని పాడైపోయాయి. వరద తగ్గాక దుకాణానికి మరమ్మతులు చేయాలంటే పెద్ద ఖర్చు అవుతుంది," అని దుకాణదారుడు అనుప్ థాపా ఆవేదన వ్యక్తం చేశారు. 2023 తర్వాత మళ్లీ ఇలాంటి పరిస్థితి రావడం ఇది రెండోసారని, ప్రభుత్వం శాశ్వత పరిష్కారం చూపాలని ఆయన కోరారు.
మదన్పూర్ ఖదర్లో పరిస్థితి మరింత దయనీయంగా ఉంది. తమ పూరి గుడిసెలు నీటిలో మునిగిపోవడంతో వందలాది కుటుంబాలు రోడ్డు పక్కన ప్లాస్టిక్ షీట్ల కింద తలదాచుకుంటున్నాయి. "మా సామాన్లన్నీ ఇంట్లోనే ఉండిపోయాయి. కొన్ని మాత్రమే తెచ్చుకోగలిగాం. ముఖ్యంగా మహిళలు టాయిలెట్ సౌకర్యం లేక తీవ్ర ఇబ్బందులు పడుతున్నారు" అని తాయారా అనే మహిళ తన గోడు వెళ్లబోసుకుంది. వంట సామాగ్రి లేక, కనీసం వండుకోవడానికి కూడా అవకాశం లేక కేవలం బిస్కెట్లు, బన్నులతోనే కడుపు నింపుకుంటున్నామని మరికొందరు వాపోయారు.
యమునా బజార్, బదర్పూర్ ప్రాంతాల్లో ఇళ్లు, దుకాణాలు నది మధ్యలో ఉన్నట్లు కనిపిస్తున్నాయి. బదర్పూర్లో ఇళ్ల పైకప్పులు మాత్రమే నీటిపై కనిపిస్తున్నాయి. "ఏళ్ల తరబడి కష్టపడి నా భార్యాబిడ్డల కోసం ఈ ఇల్లు కట్టుకున్నాను. ఇప్పుడు అదంతా నీటిపాలైంది. మేం ఎక్కడికి వెళ్లాలి?" అని తన సామానును తలపై పెట్టుకుని నీటిలో నిలబడిన అసీఫ్ కన్నీటిపర్యంతమయ్యారు. కొందరు ఇంకా ఇళ్లలోనే చిక్కుకుపోయి ఉంటారని ఆయన ఆందోళన వ్యక్తం చేశారు. వరద తగ్గిన తర్వాత తమ జీవితాలను తిరిగి ఎలా నిర్మించుకోవాలో తెలియక బాధితులు నిస్సహాయ స్థితిలో కొట్టుమిట్టాడుతున్నారు
