Nara Lokesh: కష్టపడిన వారికి, కేవలం ఫోటోలు దిగేవారికి తేడా చూపిస్తామని గతంలోనే చెప్పా: నారా లోకేశ్
- బుగ్గలేటిపల్లెలో ఉత్తమ కార్యకర్తల సమావేశం
- ముఖ్య అతిథిగా హాజరైన నారా లోకేశ్
- పార్టీలో కష్టపడిన వారినే పదవులు వరిస్తాయని వెల్లడి
- సిఫార్సులు కాదు.. పనితీరే కొలమానం అని తేల్చిచెప్పిన వైనం
తెలుగుదేశం పార్టీలో కష్టపడిన వారినే పదవులు వరిస్తాయని, సిఫార్సులకు, పైరవీలకు ఎలాంటి అవకాశం ఉండదని పార్టీ జాతీయ ప్రధాన కార్యదర్శి నారా లోకేశ్ స్పష్టం చేశారు. పనితీరు మాత్రమే ప్రామాణికమని, పార్టీ కోసం నిబద్ధతతో పనిచేసిన వారికే సముచిత గౌరవం దక్కుతుందని ఆయన తేల్చిచెప్పారు. కమలాపురం నియోజకవర్గం బుగ్గలేటిపల్లెలో జరిగిన ఉత్తమ కార్యకర్తల సమావేశంలో లోకేశ్ ముఖ్య అతిథిగా పాల్గొని ప్రసంగించారు.
ఈ సందర్భంగా ఆయన మాట్లాడుతూ, "గత ఐదేళ్లలో మనం చేపట్టిన 'బాదుడే, బాదుడు', 'బాబు ష్యూరిటీ – భవిష్యత్తుకు గ్యారంటీ' వంటి పది కీలక కార్యక్రమాలను సమర్థవంతంగా ప్రజల్లోకి తీసుకెళ్లడం వల్లే 2024 ఎన్నికల్లో చారిత్రక విజయం సాధించాం. ఈ కార్యక్రమాల కోసం ఎవరు కష్టపడ్డారో టెక్నాలజీ సహాయంతో గుర్తించాం. కష్టపడిన వారికి, కేవలం ఫోటోలు దిగేవారికి తేడా చూపిస్తామని గతంలోనే చెప్పాను. ఆ మాట ప్రకారమే, పనిని నమ్ముకున్న వారిని వెతుక్కుంటూ మేమే వస్తాం. ఎవరి సిఫార్సులతోనూ పదవులు రావు" అని అన్నారు. సెప్టెంబరు నెలాఖరు నాటికి అన్ని స్థాయిల్లో కమిటీల నియామక ప్రక్రియను పూర్తి చేసి, అక్టోబర్ నుంచి పార్టీ బలోపేతంపై పూర్తిస్థాయిలో దృష్టి సారిస్తామని లోకేశ్ వెల్లడించారు.
గత వైఎస్సార్ కాంగ్రెస్ పార్టీ ప్రభుత్వంపై లోకేష్ తీవ్ర విమర్శలు చేశారు. "అధికారంలో ఉన్నప్పుడు అహంకారంతో విర్రవీగడం వల్లే వైసీపీ 151 సీట్ల నుంచి 11కి పడిపోయింది. ఇప్పటికీ జగన్ను కలవాలంటే సొంత పార్టీ కార్యకర్తలకే వీఐపీ పాస్ కావాలట. మనం అలా ఉండకూడదు. అధికారంలో ఉన్నా ప్రతిపక్షంలో ఉన్నట్లే బాధ్యతగా మెలగాలి. అహంకారంతో కాదు, ప్రేమ, ఆప్యాయతలతో ప్రజల మనసులను గెలుచుకోవాలి" అని కార్యకర్తలకు హితవు పలికారు. కడప, కర్నూలు జిల్లాల్లో పార్టీ అత్యధిక సీట్లు గెలవడానికి మన నాయకులు, కార్యకర్తల ఓర్పు, సహనమే కారణమని కొనియాడారు.
ప్రతిపక్షంలో ఉన్నప్పుడు ఇబ్బందులకు గురైన కార్యకర్తలకు అండగా ఉంటామని లోకేశ్ భరోసా ఇచ్చారు. "2019 నుంచి 2024 మధ్య కాలంలో తప్పుడు కేసులు ఎదుర్కొన్న ప్రతి కార్యకర్తకు న్యాయం చేస్తాం. వారిని కేసుల నుంచి విముక్తి కల్పిస్తాం. పార్టీ కేడర్ను ఇబ్బంది పెట్టిన వారిని ఎవరినీ వదిలిపెట్టే ప్రసక్తే లేదు. 'రెడ్ బుక్' తన పని తాను చేసుకుపోతుంది" అని హెచ్చరించారు. మార్చి నాటికి పెండింగ్లో ఉన్న నీరు-చెట్టు, ఉపాధి హామీ బిల్లులన్నీ చెల్లిస్తామని హామీ ఇచ్చారు. ప్రభుత్వ పథకాల అమలులో ఏమైనా సమస్యలుంటే స్థానిక నాయకత్వం దృష్టికి తీసుకురావాలని, వాటిని ఎక్కడికక్కడ పరిష్కరిస్తామని తెలిపారు. "మేము తీసుకునే పది నిర్ణయాల్లో మూడు తప్పు కావచ్చు, కానీ వాటిని వెంటనే సరిదిద్దుకుని ముందుకు వెళతాం. 2029 ఎన్నికల్లో మళ్లీ చరిత్ర తిరగరాయాలి" అని లోకేశ్ పిలుపునిచ్చారు.
ఈ కార్యక్రమంలో టీడీపీ జాతీయ ప్రధాన కార్యదర్శి బీదా రవిచంద్ర, కడప పార్లమెంటరీ పార్టీ అధ్యక్షుడు రెడ్డివారి శ్రీనివాసరెడ్డి, జిల్లా ఇన్చార్జి మంత్రి సబిత, ఎమ్మెల్యే పుత్తా చైతన్యరెడ్డి, పుత్తా నరసింహారెడ్డి, ఎమ్మెల్సీ భూమిరెడ్డి రాంభూపాల్ రెడ్డి తదితరులు పాల్గొన్నారు.
ఈ సందర్భంగా ఆయన మాట్లాడుతూ, "గత ఐదేళ్లలో మనం చేపట్టిన 'బాదుడే, బాదుడు', 'బాబు ష్యూరిటీ – భవిష్యత్తుకు గ్యారంటీ' వంటి పది కీలక కార్యక్రమాలను సమర్థవంతంగా ప్రజల్లోకి తీసుకెళ్లడం వల్లే 2024 ఎన్నికల్లో చారిత్రక విజయం సాధించాం. ఈ కార్యక్రమాల కోసం ఎవరు కష్టపడ్డారో టెక్నాలజీ సహాయంతో గుర్తించాం. కష్టపడిన వారికి, కేవలం ఫోటోలు దిగేవారికి తేడా చూపిస్తామని గతంలోనే చెప్పాను. ఆ మాట ప్రకారమే, పనిని నమ్ముకున్న వారిని వెతుక్కుంటూ మేమే వస్తాం. ఎవరి సిఫార్సులతోనూ పదవులు రావు" అని అన్నారు. సెప్టెంబరు నెలాఖరు నాటికి అన్ని స్థాయిల్లో కమిటీల నియామక ప్రక్రియను పూర్తి చేసి, అక్టోబర్ నుంచి పార్టీ బలోపేతంపై పూర్తిస్థాయిలో దృష్టి సారిస్తామని లోకేశ్ వెల్లడించారు.
గత వైఎస్సార్ కాంగ్రెస్ పార్టీ ప్రభుత్వంపై లోకేష్ తీవ్ర విమర్శలు చేశారు. "అధికారంలో ఉన్నప్పుడు అహంకారంతో విర్రవీగడం వల్లే వైసీపీ 151 సీట్ల నుంచి 11కి పడిపోయింది. ఇప్పటికీ జగన్ను కలవాలంటే సొంత పార్టీ కార్యకర్తలకే వీఐపీ పాస్ కావాలట. మనం అలా ఉండకూడదు. అధికారంలో ఉన్నా ప్రతిపక్షంలో ఉన్నట్లే బాధ్యతగా మెలగాలి. అహంకారంతో కాదు, ప్రేమ, ఆప్యాయతలతో ప్రజల మనసులను గెలుచుకోవాలి" అని కార్యకర్తలకు హితవు పలికారు. కడప, కర్నూలు జిల్లాల్లో పార్టీ అత్యధిక సీట్లు గెలవడానికి మన నాయకులు, కార్యకర్తల ఓర్పు, సహనమే కారణమని కొనియాడారు.
ప్రతిపక్షంలో ఉన్నప్పుడు ఇబ్బందులకు గురైన కార్యకర్తలకు అండగా ఉంటామని లోకేశ్ భరోసా ఇచ్చారు. "2019 నుంచి 2024 మధ్య కాలంలో తప్పుడు కేసులు ఎదుర్కొన్న ప్రతి కార్యకర్తకు న్యాయం చేస్తాం. వారిని కేసుల నుంచి విముక్తి కల్పిస్తాం. పార్టీ కేడర్ను ఇబ్బంది పెట్టిన వారిని ఎవరినీ వదిలిపెట్టే ప్రసక్తే లేదు. 'రెడ్ బుక్' తన పని తాను చేసుకుపోతుంది" అని హెచ్చరించారు. మార్చి నాటికి పెండింగ్లో ఉన్న నీరు-చెట్టు, ఉపాధి హామీ బిల్లులన్నీ చెల్లిస్తామని హామీ ఇచ్చారు. ప్రభుత్వ పథకాల అమలులో ఏమైనా సమస్యలుంటే స్థానిక నాయకత్వం దృష్టికి తీసుకురావాలని, వాటిని ఎక్కడికక్కడ పరిష్కరిస్తామని తెలిపారు. "మేము తీసుకునే పది నిర్ణయాల్లో మూడు తప్పు కావచ్చు, కానీ వాటిని వెంటనే సరిదిద్దుకుని ముందుకు వెళతాం. 2029 ఎన్నికల్లో మళ్లీ చరిత్ర తిరగరాయాలి" అని లోకేశ్ పిలుపునిచ్చారు.
ఈ కార్యక్రమంలో టీడీపీ జాతీయ ప్రధాన కార్యదర్శి బీదా రవిచంద్ర, కడప పార్లమెంటరీ పార్టీ అధ్యక్షుడు రెడ్డివారి శ్రీనివాసరెడ్డి, జిల్లా ఇన్చార్జి మంత్రి సబిత, ఎమ్మెల్యే పుత్తా చైతన్యరెడ్డి, పుత్తా నరసింహారెడ్డి, ఎమ్మెల్సీ భూమిరెడ్డి రాంభూపాల్ రెడ్డి తదితరులు పాల్గొన్నారు.
