Little Hearts Movie: యువతరాన్ని ఆకట్టుకునే సినిమా 'లిటిల్ హార్ట్స్': బన్నీవాసు
ప్రముఖ నిర్మాత బన్నీ వాస్, పంపిణీదారుగా పేరు తెచ్చుకున్న వంశీ నందిపాటి కలిసి రూపొందించిన తాజా చిత్రం ‘లిటిల్ హార్ట్స్’ ఈ నెల 5న థియేటర్లలో విడుదల కానుంది. ఈటీవీ విన్ ఒరిజినల్ ప్రొడక్షన్ పతాకంపై తెరకెక్కిన ఈ చిత్రానికి ఆదిత్య హాసన్ నిర్మాతగా, సాయి మార్తాండ్ దర్శకుడిగా పనిచేశారు. మౌళి తనూజ్, శివానీ నాగారం జంటగా నటించారు. ఈ సందర్భంగా హైదరాబాద్లో నిన్న ఏర్పాటు చేసిన విలేకరుల సమావేశంలో నిర్మాతలు సినిమా విశేషాలను పంచుకున్నారు.
"నవతరం భావోద్వేగాలకు అద్దంపట్టే సినిమా" : బన్నీ వాస్
ఇటీవలి కాలంలో యువతరంపై ఆధారపడి వచ్చే హాస్య చిత్రాలు తగ్గిపోతున్నాయని బన్నీ వాసు అన్నారు. ‘లిటిల్ హార్ట్స్’ 16 నుంచి 20 ఏళ్ల వయసున్న యువతరాన్ని దృష్టిలో పెట్టుకుని రూపొందించామన్నారు. ఇంటర్, ఎంసెట్ పరీక్షల నేపథ్యంలో సాగే ఈ కథలో, కుటుంబం, చదువు, ప్రేమ, ఆకర్షణ వంటి అంశాల్ని హాస్యపూరితంగా చూపించామని పేర్కొన్నారు. నవ్వించడమే తనకు ఇష్టమని, అందుకే 'మిత్రమండలి' వంటి చిత్రాల తర్వాత ఇది చేస్తుంటే సంతోషంగా ఉందన్నారు.
"ప్రతి ఒక్కరిలోనూ చిన్ననాటి జ్ఞాపకాలు రేపే కథ" : వంశీ నందిపాటి
ఈటీవీ విన్ కంటెంట్ ఎల్లప్పుడూ మన మనసులను తాకేలా ఉంటుందని వంశీ నందిపాటి అన్నారు. ‘#90స్ ఏ మిడిల్ క్లాస్ బయోపిక్, ఏఐఆర్ వంటి వాటిలాగే, ‘లిటిల్ హార్ట్స్’ కూడా ప్రతి ఒక్కరికీ కనెక్ట్ అయ్యే సినిమా అని చెప్పారు. ఈ సినిమాలో హీరో తన ప్రేమను ఎలా వ్యక్తం చేశాడన్నదే కథా కేంద్రబిందువు అని అన్నారు. యువ కళాకారులంతా ఎంతో ఉత్సాహంగా ఈ సినిమాలో పనిచేశారన్నారు.
తెలుగు రాష్ట్రాల్లో 170కు పైగా థియేటర్లలో దీనిని విడుదల చేస్తున్నామని పేర్కొన్న వంశీ.. సెప్టెంబర్ 3న హైదరాబాద్, విశాఖపట్నం, విజయవాడలో విద్యార్థుల కోసం ప్రత్యేక ప్రదర్శనలు వేస్తున్నామన్నారు. సెప్టెంబర్ 4న పెయిడ్ ప్రీమియర్లు వేస్తున్నామని తెలిపారు. ఈ సినిమా తప్పకుండా ప్రేక్షకులను అలరిస్తుందని ఆశాభావం వ్యక్తం చేశారు.
"నవతరం భావోద్వేగాలకు అద్దంపట్టే సినిమా" : బన్నీ వాస్
ఇటీవలి కాలంలో యువతరంపై ఆధారపడి వచ్చే హాస్య చిత్రాలు తగ్గిపోతున్నాయని బన్నీ వాసు అన్నారు. ‘లిటిల్ హార్ట్స్’ 16 నుంచి 20 ఏళ్ల వయసున్న యువతరాన్ని దృష్టిలో పెట్టుకుని రూపొందించామన్నారు. ఇంటర్, ఎంసెట్ పరీక్షల నేపథ్యంలో సాగే ఈ కథలో, కుటుంబం, చదువు, ప్రేమ, ఆకర్షణ వంటి అంశాల్ని హాస్యపూరితంగా చూపించామని పేర్కొన్నారు. నవ్వించడమే తనకు ఇష్టమని, అందుకే 'మిత్రమండలి' వంటి చిత్రాల తర్వాత ఇది చేస్తుంటే సంతోషంగా ఉందన్నారు.
"ప్రతి ఒక్కరిలోనూ చిన్ననాటి జ్ఞాపకాలు రేపే కథ" : వంశీ నందిపాటి
ఈటీవీ విన్ కంటెంట్ ఎల్లప్పుడూ మన మనసులను తాకేలా ఉంటుందని వంశీ నందిపాటి అన్నారు. ‘#90స్ ఏ మిడిల్ క్లాస్ బయోపిక్, ఏఐఆర్ వంటి వాటిలాగే, ‘లిటిల్ హార్ట్స్’ కూడా ప్రతి ఒక్కరికీ కనెక్ట్ అయ్యే సినిమా అని చెప్పారు. ఈ సినిమాలో హీరో తన ప్రేమను ఎలా వ్యక్తం చేశాడన్నదే కథా కేంద్రబిందువు అని అన్నారు. యువ కళాకారులంతా ఎంతో ఉత్సాహంగా ఈ సినిమాలో పనిచేశారన్నారు.
తెలుగు రాష్ట్రాల్లో 170కు పైగా థియేటర్లలో దీనిని విడుదల చేస్తున్నామని పేర్కొన్న వంశీ.. సెప్టెంబర్ 3న హైదరాబాద్, విశాఖపట్నం, విజయవాడలో విద్యార్థుల కోసం ప్రత్యేక ప్రదర్శనలు వేస్తున్నామన్నారు. సెప్టెంబర్ 4న పెయిడ్ ప్రీమియర్లు వేస్తున్నామని తెలిపారు. ఈ సినిమా తప్పకుండా ప్రేక్షకులను అలరిస్తుందని ఆశాభావం వ్యక్తం చేశారు.
