India Pakistan relations: ఉద్రిక్తతల మధ్య భారత్ మానవత్వం.. పాకిస్థాన్ కు కీలక హెచ్చరిక!
పాకిస్థాన్ తో తీవ్ర ఉద్రిక్తతలు కొనసాగుతున్నప్పటికీ, భారత ప్రభుత్వం మానవతా దృక్పథంతో వ్యవహరించింది. జమ్మూలోని తావి నదికి భారీ వరదలు వచ్చే ప్రమాదం ఉందని, ముందుజాగ్రత్త చర్యలు తీసుకోవాలని పాకిస్థాన్ను అప్రమత్తం చేసింది. ఇరు దేశాల మధ్య సంబంధాలు అత్యంత క్లిష్టంగా ఉన్న తరుణంలో, దౌత్య మార్గాల ద్వారా ఈ సమాచారాన్ని అందించడం ప్రాధాన్యత సంతరించుకుంది.
పాకిస్థాన్ మీడియా వర్గాల కథనాల ప్రకారం, ఇస్లామాబాద్లోని భారత హైకమిషన్ ఆదివారం ఈ మేరకు పాక్ ప్రభుత్వానికి సమాచారం అందించింది. సాధారణంగా సింధు జలాల ఒప్పందం (IWT) కింద ఇరు దేశాల కమిషనర్ల మధ్య ఇలాంటి సమాచార మార్పిడి జరుగుతుంది. అయితే, పహల్గామ్లో జరిగిన ఉగ్రదాడి తర్వాత ఈ ఒప్పందాన్ని భారత్ తాత్కాలికంగా నిలిపివేసింది. అప్పటి నుంచి ఒప్పందం కింద సమాచార మార్పిడి జరగడం లేదు. ఈ నేపథ్యంలో దౌత్య కార్యాలయం ద్వారా హెచ్చరికలు పంపడం ఇదే తొలిసారి.
భారత్ నుంచి అందిన సమాచారంతో పాకిస్థాన్ అధికారులు వెంటనే అప్రమత్తమయ్యారని, నదీ పరివాహక ప్రాంతాల్లోని ప్రజలకు హెచ్చరికలు జారీ చేశారని తెలుస్తోంది. పహల్గామ్ ఉగ్రదాడి అనంతరం భారత్ తీసుకున్న కఠిన చర్యలలో భాగంగా సింధు జలాల ఒప్పందాన్ని పక్కనపెట్టింది. అప్పటి నుంచి మూడు నదులకు సంబంధించిన నీటిమట్టాల వివరాలను పాక్తో పంచుకోవడం లేదు. రుతుపవనాల సమయంలో భారత్ ఇచ్చే ఈ సమాచారం, పాకిస్థాన్లో వరద నష్టాన్ని తగ్గించడానికి ఎంతగానో ఉపయోగపడుతుంది.
ఇటీవల మే నెలలో ఇరు దేశాల మధ్య సైనిక ఘర్షణ వాతావరణం నెలకొన్న తర్వాత, సంబంధాలు మరింత క్షీణించిన తరుణంలో భారత్ ఈ చర్య తీసుకోవడం ఒక సానుకూల పరిణామంగా అంతర్జాతీయ విశ్లేషకులు భావిస్తున్నారు. అయితే, ఈ విషయంపై ఇరు దేశాల ప్రభుత్వాల నుంచి ఇంతవరకు ఎలాంటి అధికారిక ప్రకటన వెలువడలేదు.
పాకిస్థాన్ మీడియా వర్గాల కథనాల ప్రకారం, ఇస్లామాబాద్లోని భారత హైకమిషన్ ఆదివారం ఈ మేరకు పాక్ ప్రభుత్వానికి సమాచారం అందించింది. సాధారణంగా సింధు జలాల ఒప్పందం (IWT) కింద ఇరు దేశాల కమిషనర్ల మధ్య ఇలాంటి సమాచార మార్పిడి జరుగుతుంది. అయితే, పహల్గామ్లో జరిగిన ఉగ్రదాడి తర్వాత ఈ ఒప్పందాన్ని భారత్ తాత్కాలికంగా నిలిపివేసింది. అప్పటి నుంచి ఒప్పందం కింద సమాచార మార్పిడి జరగడం లేదు. ఈ నేపథ్యంలో దౌత్య కార్యాలయం ద్వారా హెచ్చరికలు పంపడం ఇదే తొలిసారి.
భారత్ నుంచి అందిన సమాచారంతో పాకిస్థాన్ అధికారులు వెంటనే అప్రమత్తమయ్యారని, నదీ పరివాహక ప్రాంతాల్లోని ప్రజలకు హెచ్చరికలు జారీ చేశారని తెలుస్తోంది. పహల్గామ్ ఉగ్రదాడి అనంతరం భారత్ తీసుకున్న కఠిన చర్యలలో భాగంగా సింధు జలాల ఒప్పందాన్ని పక్కనపెట్టింది. అప్పటి నుంచి మూడు నదులకు సంబంధించిన నీటిమట్టాల వివరాలను పాక్తో పంచుకోవడం లేదు. రుతుపవనాల సమయంలో భారత్ ఇచ్చే ఈ సమాచారం, పాకిస్థాన్లో వరద నష్టాన్ని తగ్గించడానికి ఎంతగానో ఉపయోగపడుతుంది.
ఇటీవల మే నెలలో ఇరు దేశాల మధ్య సైనిక ఘర్షణ వాతావరణం నెలకొన్న తర్వాత, సంబంధాలు మరింత క్షీణించిన తరుణంలో భారత్ ఈ చర్య తీసుకోవడం ఒక సానుకూల పరిణామంగా అంతర్జాతీయ విశ్లేషకులు భావిస్తున్నారు. అయితే, ఈ విషయంపై ఇరు దేశాల ప్రభుత్వాల నుంచి ఇంతవరకు ఎలాంటి అధికారిక ప్రకటన వెలువడలేదు.
