Pamela Satpathy: సంజ్ఞా భాషలో జాతీయ గీతం: కరీంనగర్ కలెక్టర్ పమేలా సత్పతి అరుదైన ప్రదర్శన
స్వాతంత్ర్య దినోత్సవ వేడుకలు శుక్రవారం కరీంనగర్లో ఒక అరుదైన, స్ఫూర్తిదాయక ఘట్టానికి వేదికగా నిలిచాయి. జిల్లా కలెక్టర్ పమేలా సత్పతి జాతీయ గీతాన్ని సంజ్ఞా భాషలో ప్రదర్శించి అందరి మనసులను గెలుచుకున్నారు. ఈ అసాధారణ ప్రదర్శనతో ఆమె వేడుకకే ప్రత్యేక ఆకర్షణగా నిలిచారు.
కరీంనగర్ పోలీస్ పరేడ్ మైదానంలో జరిగిన అధికారిక కార్యక్రమంలో, బధిర విద్యార్థులతో కలిసి కలెక్టర్ పమేలా సత్పతి జాతీయ గీతాన్ని సైగలతో అభినయించారు. ఈ కార్యక్రమంలో అదనపు కలెక్టర్ అశ్విని తానాజీ వాకడే, మున్సిపల్ కమిషనర్ ప్రపుల్ దేశాయ్ కూడా పాల్గొన్నారు. అధికారులు, విద్యార్థులు కలిసికట్టుగా సంజ్ఞా భాషలో జాతీయ గీతాన్ని ప్రదర్శించడం అక్కడున్న వారిని ఎంతగానో ఆకట్టుకుంది.
ఈ వినూత్న కార్యక్రమంపై రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు హర్షం వ్యక్తం చేశారు. "కలెక్టర్ గారూ.. మీరు సంజ్ఞా భాషలో జాతీయ గీతాన్ని అద్భుతంగా ప్రదర్శించారు. మీ చొరవ అభినందనీయం" అని ఆయన ప్రశంసించారు.
జిల్లాలో బధిరుల సమస్యలను అర్థం చేసుకుని, వారికి మెరుగైన సేవలు అందించేందుకు పమేలా సత్పతి ఎప్పటినుంచో కృషి చేస్తున్నారు. రాష్ట్రంలోనే తొలిసారిగా, కరీంనగర్ జిల్లా అధికారులకు భారతీయ సంజ్ఞా భాషలో వారం రోజుల పాటు ప్రత్యేక శిక్షణ ఇప్పించారు. అందరినీ కలుపుకొని అభివృద్ధి సాధించాలనే ఆమె నిబద్ధతకు ఈ కార్యక్రమం నిదర్శనమని పలువురు అభిప్రాయపడ్డారు.
అంతకుముందు, మంత్రి శ్రీధర్ బాబు జాతీయ పతాకాన్ని ఎగురవేసి, వివిధ పోలీసు విభాగాల నుంచి గౌరవ వందనం స్వీకరించారు. ఈ సందర్భంగా స్వాతంత్ర్య సమరయోధుల త్యాగాలను స్మరించుకుంటూ, ప్రజాస్వామ్య విలువలను కాపాడుకోవాలని ప్రజలకు పిలుపునిచ్చారు.
కరీంనగర్ పోలీస్ పరేడ్ మైదానంలో జరిగిన అధికారిక కార్యక్రమంలో, బధిర విద్యార్థులతో కలిసి కలెక్టర్ పమేలా సత్పతి జాతీయ గీతాన్ని సైగలతో అభినయించారు. ఈ కార్యక్రమంలో అదనపు కలెక్టర్ అశ్విని తానాజీ వాకడే, మున్సిపల్ కమిషనర్ ప్రపుల్ దేశాయ్ కూడా పాల్గొన్నారు. అధికారులు, విద్యార్థులు కలిసికట్టుగా సంజ్ఞా భాషలో జాతీయ గీతాన్ని ప్రదర్శించడం అక్కడున్న వారిని ఎంతగానో ఆకట్టుకుంది.
ఈ వినూత్న కార్యక్రమంపై రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు హర్షం వ్యక్తం చేశారు. "కలెక్టర్ గారూ.. మీరు సంజ్ఞా భాషలో జాతీయ గీతాన్ని అద్భుతంగా ప్రదర్శించారు. మీ చొరవ అభినందనీయం" అని ఆయన ప్రశంసించారు.
జిల్లాలో బధిరుల సమస్యలను అర్థం చేసుకుని, వారికి మెరుగైన సేవలు అందించేందుకు పమేలా సత్పతి ఎప్పటినుంచో కృషి చేస్తున్నారు. రాష్ట్రంలోనే తొలిసారిగా, కరీంనగర్ జిల్లా అధికారులకు భారతీయ సంజ్ఞా భాషలో వారం రోజుల పాటు ప్రత్యేక శిక్షణ ఇప్పించారు. అందరినీ కలుపుకొని అభివృద్ధి సాధించాలనే ఆమె నిబద్ధతకు ఈ కార్యక్రమం నిదర్శనమని పలువురు అభిప్రాయపడ్డారు.
అంతకుముందు, మంత్రి శ్రీధర్ బాబు జాతీయ పతాకాన్ని ఎగురవేసి, వివిధ పోలీసు విభాగాల నుంచి గౌరవ వందనం స్వీకరించారు. ఈ సందర్భంగా స్వాతంత్ర్య సమరయోధుల త్యాగాలను స్మరించుకుంటూ, ప్రజాస్వామ్య విలువలను కాపాడుకోవాలని ప్రజలకు పిలుపునిచ్చారు.
