Shweta Menon: అశ్లీల చిత్రాల్లో నటించిందంటూ ఫిర్యాదు... ప్రముఖ నటి శ్వేతా మీనన్ పై కేసు నమోదు
మలయాళ చిత్ర పరిశ్రమలో ప్రముఖ నటిగా గుర్తింపు పొందిన శ్వేతా మీనన్ ఊహించని వివాదంలో చిక్కుకున్నారు. అశ్లీల కంటెంట్లో నటించిందనే ఆరోపణలతో కేరళ పోలీసులు ఆమెపై కేసు నమోదు చేశారు. సామాజిక కార్యకర్త చేసిన ఫిర్యాదుపై కోర్టు ఆదేశాల మేరకు ఈ చర్యలు తీసుకున్నట్లు కొచ్చి సెంట్రల్ పోలీసులు వెల్లడించారు.
వివరాల్లోకి వెళితే, మార్టిన్ మేనచెరి అనే సామాజిక కార్యకర్త శ్వేతా మీనన్పై పోలీసులకు ఫిర్యాదు చేశారు. ఆమె నటించిన 'పలేరి మాణిక్యం', 'రతినిర్వేదం', 'కాళిమన్ను' వంటి చిత్రాల్లోని కొన్ని సన్నివేశాలతో పాటు, ఆమె కనిపించిన ఒక కండోమ్ వాణిజ్య ప్రకటనను కూడా తన ఫిర్యాదులో ప్రస్తావించారు. ఈ దృశ్యాలు సోషల్ మీడియా, అడల్ట్ వెబ్సైట్లలో అసభ్యకరంగా సర్క్యులేట్ అవుతున్నాయని, ఇది మహిళల గౌరవానికి భంగం కలిగించడమేనని ఆయన ఆరోపించారు.
మార్టిన్ ఫిర్యాదుపై పోలీసులు తొలుత చర్యలు తీసుకోలేదని తెలుస్తోంది. దీంతో ఆయన ఎర్నాకుళం చీఫ్ జ్యుడీషియల్ మేజిస్ట్రేట్ కోర్టును ఆశ్రయించారు. పిటిషన్ను విచారించిన న్యాయస్థానం, శ్వేతా మీనన్పై కేసు నమోదు చేసి దర్యాప్తు చేపట్టాలని పోలీసులను ఆదేశించింది. "కోర్టు ఆదేశాలను పాటించడం మా విధి. అందుకే ఎఫ్ఐఆర్ నమోదు చేశాం. ఇప్పుడు ఈ ఫిర్యాదుపై దర్యాప్తు ప్రారంభిస్తాం" అని ఓ సీనియర్ పోలీస్ అధికారి తెలిపారు. ఐటీ చట్టంలోని సెక్షన్ 67(A), మహిళల అసభ్య ప్రదర్శన నిరోధక చట్టం కింద ఈ కేసు ఫైల్ చేశారు.
మలయాళ నటీనటుల సంఘం 'అమ్మ' (అసోసియేషన్ ఆఫ్ మలయాళం మూవీ ఆర్టిస్ట్స్) అధ్యక్ష పదవికి శ్వేతా మీనన్ పోటీ చేస్తున్న కీలక సమయంలో ఈ కేసు నమోదు కావడం గమనార్హం. ఈ ఎన్నికల్లో ఆమె బీజేపీ నేత, నటుడు దేవన్తో తలపడుతున్నారు. ఈ వివాదం ఎన్నికలపై ఎలాంటి ప్రభావం చూపుతుందోనని పరిశ్రమ వర్గాల్లో చర్చ జరుగుతోంది.
అయితే, ఫిర్యాదులో పేర్కొన్న సినిమాలన్నీ సెంట్రల్ బోర్డ్ ఆఫ్ ఫిల్మ్ సర్టిఫికేషన్ (సీబీఎఫ్సీ) నుంచి అనుమతి పొందిన తర్వాతే థియేటర్లలో విడుదలయ్యాయి. ముఖ్యంగా, ‘కాళిమన్ను’ చిత్రంలో శ్వేతా మీనన్ నిజమైన ప్రసవ సన్నివేశాలను చిత్రీకరించడం అప్పట్లో సంచలనం సృష్టించింది. సెన్సార్ బోర్డు ఆమోదించిన సన్నివేశాలపై ఏళ్ల తర్వాత కేసు పెట్టడంపై పలువురు ఆశ్చర్యం వ్యక్తం చేస్తున్నారు. ప్రస్తుతం కోర్టు ఆదేశాల మేరకు కేసు నమోదు చేసుకున్న పోలీసులు దర్యాప్తును ముమ్మరం చేశారు.
వివరాల్లోకి వెళితే, మార్టిన్ మేనచెరి అనే సామాజిక కార్యకర్త శ్వేతా మీనన్పై పోలీసులకు ఫిర్యాదు చేశారు. ఆమె నటించిన 'పలేరి మాణిక్యం', 'రతినిర్వేదం', 'కాళిమన్ను' వంటి చిత్రాల్లోని కొన్ని సన్నివేశాలతో పాటు, ఆమె కనిపించిన ఒక కండోమ్ వాణిజ్య ప్రకటనను కూడా తన ఫిర్యాదులో ప్రస్తావించారు. ఈ దృశ్యాలు సోషల్ మీడియా, అడల్ట్ వెబ్సైట్లలో అసభ్యకరంగా సర్క్యులేట్ అవుతున్నాయని, ఇది మహిళల గౌరవానికి భంగం కలిగించడమేనని ఆయన ఆరోపించారు.
మార్టిన్ ఫిర్యాదుపై పోలీసులు తొలుత చర్యలు తీసుకోలేదని తెలుస్తోంది. దీంతో ఆయన ఎర్నాకుళం చీఫ్ జ్యుడీషియల్ మేజిస్ట్రేట్ కోర్టును ఆశ్రయించారు. పిటిషన్ను విచారించిన న్యాయస్థానం, శ్వేతా మీనన్పై కేసు నమోదు చేసి దర్యాప్తు చేపట్టాలని పోలీసులను ఆదేశించింది. "కోర్టు ఆదేశాలను పాటించడం మా విధి. అందుకే ఎఫ్ఐఆర్ నమోదు చేశాం. ఇప్పుడు ఈ ఫిర్యాదుపై దర్యాప్తు ప్రారంభిస్తాం" అని ఓ సీనియర్ పోలీస్ అధికారి తెలిపారు. ఐటీ చట్టంలోని సెక్షన్ 67(A), మహిళల అసభ్య ప్రదర్శన నిరోధక చట్టం కింద ఈ కేసు ఫైల్ చేశారు.
మలయాళ నటీనటుల సంఘం 'అమ్మ' (అసోసియేషన్ ఆఫ్ మలయాళం మూవీ ఆర్టిస్ట్స్) అధ్యక్ష పదవికి శ్వేతా మీనన్ పోటీ చేస్తున్న కీలక సమయంలో ఈ కేసు నమోదు కావడం గమనార్హం. ఈ ఎన్నికల్లో ఆమె బీజేపీ నేత, నటుడు దేవన్తో తలపడుతున్నారు. ఈ వివాదం ఎన్నికలపై ఎలాంటి ప్రభావం చూపుతుందోనని పరిశ్రమ వర్గాల్లో చర్చ జరుగుతోంది.
అయితే, ఫిర్యాదులో పేర్కొన్న సినిమాలన్నీ సెంట్రల్ బోర్డ్ ఆఫ్ ఫిల్మ్ సర్టిఫికేషన్ (సీబీఎఫ్సీ) నుంచి అనుమతి పొందిన తర్వాతే థియేటర్లలో విడుదలయ్యాయి. ముఖ్యంగా, ‘కాళిమన్ను’ చిత్రంలో శ్వేతా మీనన్ నిజమైన ప్రసవ సన్నివేశాలను చిత్రీకరించడం అప్పట్లో సంచలనం సృష్టించింది. సెన్సార్ బోర్డు ఆమోదించిన సన్నివేశాలపై ఏళ్ల తర్వాత కేసు పెట్టడంపై పలువురు ఆశ్చర్యం వ్యక్తం చేస్తున్నారు. ప్రస్తుతం కోర్టు ఆదేశాల మేరకు కేసు నమోదు చేసుకున్న పోలీసులు దర్యాప్తును ముమ్మరం చేశారు.
