AP Rains: ఏపీలో రాబోయే ఐదు రోజులు విస్తారంగా వ‌ర్షాలు: అమ‌రావ‌తి వాతావ‌ర‌ణ కేంద్రం

ఏపీలోని ప‌లు ప్రాంతాల్లో రాబోయే ఐదు రోజులపాటు విస్తారంగా వ‌ర్షాలు కురిసే అవకాశముందని అమ‌రావ‌తి వాతావ‌ర‌ణ కేంద్రం వెల్ల‌డించింది. ఈదురు గాలుల‌తో పాటు పిడుగుల‌తో కూడిన వర్షాలు ప‌డే అవ‌కాశం ఉంద‌ని వాతావ‌ర‌ణ కేంద్ర పేర్కొంది. ఈ నేప‌థ్యంలో ప్ర‌జ‌లు అప్ర‌మ‌త్తంగా ఉండాల‌ని విప‌త్తుల నిర్వ‌హ‌ణ సంస్థ ఎండీ ప్ర‌ఖ‌ర్ జైన్ తెలిపారు.  

ఈ రోజు శ్రీకాకుళం, విజయనగరం, అల్లూరి సీతారామరాజు (మన్యం), ఎన్టీఆర్, గుంటూరు, బాపట్ల, పల్నాడు, ప్రకాశం, శ్రీపొట్టిశ్రీరాములు నెల్లూరు, కర్నూలు, నంద్యాల, అనంతపురం, వైఎస్ఆర్ క‌డ‌ప‌, తిరుప‌తి, అన్న‌మ‌య్య‌, చిత్తూరు జిల్లాల్లో ఓ మోస్తరు నుంచి భారీ వర్షాలు కురిసే అవ‌కాశం ఉంద‌న్నారు. 

రేపు (ఆదివారం) ఎన్టీఆర్, గుంటూరు, బాపట్ల, పల్నాడు, ప్రకాశం, కృష్ణా, గుంటూరు, శ్రీపొట్టిశ్రీరాములు నెల్లూరు, కర్నూలు, ఏలూరు జిల్లాల్లో ఓ మోస్తరు నుంచి భారీ వర్షాలు కురవొచ్చ‌న్నారు. నిన్న ప్ర‌కాశం, ఏలూరు, కృష్ణా, ప‌ల్నాడు, అన‌కాప‌ల్లి, అల్లూరి సీతారామ‌రాజు, డా.బీఆర్ అంబేద్క‌ర్ కోన‌సీమ త‌దిత‌ర జిల్లాలో తేలిక‌పాటి నుంచి ఓ మోస్త‌రు వ‌ర్షాలు కురిశాయి.