Gurmeet Singh: భార్య లేచిపోయిందని భర్త ఆత్మహత్య... అంతకుముందే చనిపోయిన భార్య!
అనుమానం, అపార్థం ఓ జంట ప్రాణాలను బలిగొన్నాయి. భార్య ఎవరితోనో వెళ్లిపోయిందని భావించిన భర్త ఆత్మహత్య చేసుకోగా, అంతకు కొన్ని రోజుల ముందే ఆమె కూడా తనువు చాలించిన ఘటన పంజాబ్లోని పాటియాలాలో తీవ్ర విషాదానికి దారితీసింది. ఈ ఘటనలో దంపతులిద్దరూ మరణించడంతో వారి ముగ్గురు పిల్లలు అనాథలుగా మిగిలారు.
పోలీసులు వెల్లడించిన వివరాల ప్రకారం, పాటియాలా జిల్లాలోని పూనివాల్ గ్రామానికి చెందిన గురుమీత్ సింగ్ (42), మన్ప్రీత్ కౌర్ దంపతులు. భార్య ప్రవర్తనపై గురుమీత్ సింగ్కు అనుమానం ఉండటంతో తరచూ గొడవపడేవారు. జూన్ 29న ఇలాగే ఇద్దరి మధ్య వాగ్వాదం జరగడంతో, మన్ప్రీత్ తన ముగ్గురు పిల్లలను తీసుకుని పుట్టింటికి వెళ్లిపోయింది. అయితే, ఫతేగఢ్ సాహిబ్లోని గురుద్వారా వద్ద పిల్లలను ఓ వాహనంపై వెళ్లమని చెప్పి, తాను నడుచుకుంటూ వస్తానని చెప్పి వెళ్లింది. ఆ తర్వాత ఆమె తిరిగి రాలేదు.
మరోవైపు, తన భార్య ఎవరితోనో వెళ్లిపోయిందని గురుమీత్ బలంగా నమ్మాడు. తీవ్ర మనస్తాపంతో జూలై 3న ఇంట్లోని సీలింగ్ ఫ్యాన్కు ఉరి వేసుకుని ఆత్మహత్య చేసుకున్నాడు. ఆత్మహత్యకు ముందు తన ఫోన్లో ఒక వీడియో రికార్డ్ చేశాడు. తన చావుకు భార్య, అత్త, బావమరిది కారణమని ఆ వీడియోలో ఆరోపించాడు.
గురుమీత్ ఆత్మహత్యపై కేసు నమోదు చేసిన పోలీసులు, అదృశ్యమైన మన్ప్రీత్ కోసం గాలించడం మొదలుపెట్టారు. ఈ క్రమంలో, రెండు రోజుల క్రితమే భక్రా కాలువలో లభ్యమైన ఓ గుర్తుతెలియని మహిళ మృతదేహం ఫొటోలను చూడగా, అది మన్ప్రీత్దేనని గుర్తించారు. భర్త వేధింపులు భరించలేకే ఆమె ఆత్మహత్య చేసుకుందని, అయితే ఈ విషయం తెలియని గురుమీత్.. ఆమె వెళ్లిపోయిందని అపార్థం చేసుకుని ప్రాణాలు తీసుకున్నాడని పోలీసులు తెలిపారు. గురుమీత్ వీడియో ఆధారంగా మన్ప్రీత్ తల్లి, సోదరుడిపై కేసు నమోదు చేసి దర్యాప్తు చేస్తున్నారు.
పోలీసులు వెల్లడించిన వివరాల ప్రకారం, పాటియాలా జిల్లాలోని పూనివాల్ గ్రామానికి చెందిన గురుమీత్ సింగ్ (42), మన్ప్రీత్ కౌర్ దంపతులు. భార్య ప్రవర్తనపై గురుమీత్ సింగ్కు అనుమానం ఉండటంతో తరచూ గొడవపడేవారు. జూన్ 29న ఇలాగే ఇద్దరి మధ్య వాగ్వాదం జరగడంతో, మన్ప్రీత్ తన ముగ్గురు పిల్లలను తీసుకుని పుట్టింటికి వెళ్లిపోయింది. అయితే, ఫతేగఢ్ సాహిబ్లోని గురుద్వారా వద్ద పిల్లలను ఓ వాహనంపై వెళ్లమని చెప్పి, తాను నడుచుకుంటూ వస్తానని చెప్పి వెళ్లింది. ఆ తర్వాత ఆమె తిరిగి రాలేదు.
మరోవైపు, తన భార్య ఎవరితోనో వెళ్లిపోయిందని గురుమీత్ బలంగా నమ్మాడు. తీవ్ర మనస్తాపంతో జూలై 3న ఇంట్లోని సీలింగ్ ఫ్యాన్కు ఉరి వేసుకుని ఆత్మహత్య చేసుకున్నాడు. ఆత్మహత్యకు ముందు తన ఫోన్లో ఒక వీడియో రికార్డ్ చేశాడు. తన చావుకు భార్య, అత్త, బావమరిది కారణమని ఆ వీడియోలో ఆరోపించాడు.
గురుమీత్ ఆత్మహత్యపై కేసు నమోదు చేసిన పోలీసులు, అదృశ్యమైన మన్ప్రీత్ కోసం గాలించడం మొదలుపెట్టారు. ఈ క్రమంలో, రెండు రోజుల క్రితమే భక్రా కాలువలో లభ్యమైన ఓ గుర్తుతెలియని మహిళ మృతదేహం ఫొటోలను చూడగా, అది మన్ప్రీత్దేనని గుర్తించారు. భర్త వేధింపులు భరించలేకే ఆమె ఆత్మహత్య చేసుకుందని, అయితే ఈ విషయం తెలియని గురుమీత్.. ఆమె వెళ్లిపోయిందని అపార్థం చేసుకుని ప్రాణాలు తీసుకున్నాడని పోలీసులు తెలిపారు. గురుమీత్ వీడియో ఆధారంగా మన్ప్రీత్ తల్లి, సోదరుడిపై కేసు నమోదు చేసి దర్యాప్తు చేస్తున్నారు.
