Manojit Mishra: కోల్కతా రేప్ కేసు: వీడియోతో బ్లాక్మెయిల్.. పోలీసుల విచారణలో షాకింగ్ నిజాలు!
దేశవ్యాప్తంగా సంచలనం సృష్టించిన కోల్కతా లా కాలేజీ అత్యాచారం కేసులో ప్రధాన నిందితుడు మనోజిత్ 'మ్యాంగో' మిశ్రా పోలీసుల విచారణలో కీలక విషయాలు వెల్లడించాడు. అత్యాచార దృశ్యాలను వీడియో తీసి, దానిని బయటపెడతానని బెదిరిస్తే బాధితురాలు భయపడి పోలీసులకు ఫిర్యాదు చేయదని తాను భావించినట్టు అంగీకరించాడు. ఈ కేసులో అతడి వాంగ్మూలం నేరం వెనుక ఉన్న దారుణమైన ప్రణాళికను బయటపెట్టింది.
పోలీసు వర్గాల సమాచారం ప్రకారం.. జూన్ 25న ఈ అఘాయిత్యానికి పాల్పడిన తర్వాత, బాధితురాలు పోలీసులను ఆశ్రయిస్తుందేమోనని మనోజిత్ ఆందోళన చెందాడు. కాలేజీకి కిలోమీటరు దూరంలో ఉన్న కస్బా పోలీస్ స్టేషన్పై నిఘా పెట్టాలని స్నేహితులను కోరాడు. మరుసటి రోజు కాలేజీ సిబ్బందికి ఫోన్ చేసి, పోలీసులు క్యాంపస్కు వచ్చారా అని ఆరా తీశాడు. పోలీసులు తన కోసం గాలిస్తున్నారని తెలియగానే న్యాయవాదులైన స్నేహితులకు, కాలేజీ సీనియర్లకు ఫోన్లు చేసి సాయం కోసం అభ్యర్థించాడు. అయితే, ఎవరూ అతనికి సాయం చేసేందుకు ముందుకు రాలేదని తెలిసింది.
ఈ దారుణానికి ప్రతీకారమే కారణమని సహ నిందితులు జైబ్, ప్రమిత్ ముఖోపాధ్యాయ పోలీసులకు తెలిపినట్టు సమాచారం. గతంలో మనోజిత్ ప్రేమను బాధితురాలు తిరస్కరించిందని, ఆమెకు ‘గుణపాఠం చెప్పాలనే’ ఉద్దేశంతోనే ఈ దారుణానికి పాల్పడ్డాడని వారు వెల్లడించారు. నేరానికి రెండు రోజుల ముందే, బాధితురాలు ఎగ్జామ్ ఫారం సమర్పించడానికి క్యాంపస్కు వస్తుందని మనోజిత్ తమకు చెప్పాడని, సాయంత్రం వరకు ఆమెను అక్కడే ఉంచాలని సూచించాడని వారు తెలిపారు.
నిందితుడు మనోజిత్ క్యాంపస్లోని తృణమూల్ కాంగ్రెస్ యువజన విభాగానికి హెడ్గా ఉంటూ, తన రాజకీయ పలుకుబడిని ఉపయోగించి కాంట్రాక్టు ఉద్యోగిగా చేరాడు. తన అనుచరుల మధ్య 'మ్యాంగో'గా పిలవబడే నిందితుడు క్యాంపస్లో తన ఆధిపత్యాన్ని చెలాయించేవాడని తెలుస్తోంది. అసలు ఉనికిలోనే లేని విద్యార్థి సంఘంలో జనరల్ సెక్రటరీ పదవి ఇస్తానని కూడా బాధితురాలికి ఆశ చూపినట్లు సమాచారం. ఈ ఘటనపై పోలీసులు మరింత లోతుగా దర్యాప్తు చేస్తున్నారు.
పోలీసు వర్గాల సమాచారం ప్రకారం.. జూన్ 25న ఈ అఘాయిత్యానికి పాల్పడిన తర్వాత, బాధితురాలు పోలీసులను ఆశ్రయిస్తుందేమోనని మనోజిత్ ఆందోళన చెందాడు. కాలేజీకి కిలోమీటరు దూరంలో ఉన్న కస్బా పోలీస్ స్టేషన్పై నిఘా పెట్టాలని స్నేహితులను కోరాడు. మరుసటి రోజు కాలేజీ సిబ్బందికి ఫోన్ చేసి, పోలీసులు క్యాంపస్కు వచ్చారా అని ఆరా తీశాడు. పోలీసులు తన కోసం గాలిస్తున్నారని తెలియగానే న్యాయవాదులైన స్నేహితులకు, కాలేజీ సీనియర్లకు ఫోన్లు చేసి సాయం కోసం అభ్యర్థించాడు. అయితే, ఎవరూ అతనికి సాయం చేసేందుకు ముందుకు రాలేదని తెలిసింది.
ఈ దారుణానికి ప్రతీకారమే కారణమని సహ నిందితులు జైబ్, ప్రమిత్ ముఖోపాధ్యాయ పోలీసులకు తెలిపినట్టు సమాచారం. గతంలో మనోజిత్ ప్రేమను బాధితురాలు తిరస్కరించిందని, ఆమెకు ‘గుణపాఠం చెప్పాలనే’ ఉద్దేశంతోనే ఈ దారుణానికి పాల్పడ్డాడని వారు వెల్లడించారు. నేరానికి రెండు రోజుల ముందే, బాధితురాలు ఎగ్జామ్ ఫారం సమర్పించడానికి క్యాంపస్కు వస్తుందని మనోజిత్ తమకు చెప్పాడని, సాయంత్రం వరకు ఆమెను అక్కడే ఉంచాలని సూచించాడని వారు తెలిపారు.
నిందితుడు మనోజిత్ క్యాంపస్లోని తృణమూల్ కాంగ్రెస్ యువజన విభాగానికి హెడ్గా ఉంటూ, తన రాజకీయ పలుకుబడిని ఉపయోగించి కాంట్రాక్టు ఉద్యోగిగా చేరాడు. తన అనుచరుల మధ్య 'మ్యాంగో'గా పిలవబడే నిందితుడు క్యాంపస్లో తన ఆధిపత్యాన్ని చెలాయించేవాడని తెలుస్తోంది. అసలు ఉనికిలోనే లేని విద్యార్థి సంఘంలో జనరల్ సెక్రటరీ పదవి ఇస్తానని కూడా బాధితురాలికి ఆశ చూపినట్లు సమాచారం. ఈ ఘటనపై పోలీసులు మరింత లోతుగా దర్యాప్తు చేస్తున్నారు.