గోవా, మిజోరం తర్వాత సంపూర్ణ అక్షరాస్యత సాధించిన రాష్ట్రం ఇదే!
త్రిపుర రాష్ట్రం అక్షరాస్యతలో ఒక గొప్ప మైలురాయిని చేరుకోనుంది. మిజోరం, గోవా రాష్ట్రాల తర్వాత దేశంలోనే సంపూర్ణ అక్షరాస్యత సాధించిన మూడో రాష్ట్రంగా త్రిపుర నిలవనుంది. ఈ చారిత్రక ప్రకటనను ముఖ్యమంత్రి మాణిక్ సాహా సోమవారం (జూన్ 23) అధికారికంగా చేయనున్నారు. ఈ కార్యక్రమానికి కేంద్ర విద్యా మంత్రిత్వ శాఖ సీనియర్ అధికారులు కూడా హాజరయ్యే అవకాశం ఉందని విద్యాశాఖకు చెందిన ఒక అధికారి ఆదివారం తెలిపారు.
ఈ అసాధారణ విజయం వెనుక 'ఉల్లాస్' (అండర్స్టాండింగ్ లైఫ్లాంగ్ లెర్నింగ్ ఫర్ ఆల్ ఇన్ సొసైటీ – న్యూ ఇండియా లిటరసీ ప్రోగ్రాం) కీలక పాత్ర పోషించింది. 2023-24 పీరియాడిక్ లేబర్ ఫోర్స్ సర్వే (పీఎల్ఎఫ్ఎస్) ప్రకారం, త్రిపుర అక్షరాస్యత రేటు 93.7 శాతంగా ఉంది. 'ఉల్లాస్' కార్యక్రమం ద్వారా ఇది ఇప్పుడు 95.6 శాతానికి చేరింది. ప్రభుత్వ నిబంధనల ప్రకారం, 95 శాతం దాటిన రాష్ట్రాలకు 'సంపూర్ణ అక్షరాస్యత' హోదా లభిస్తుంది.
జాతీయ విద్యా విధానం 2020కి అనుగుణంగా, 'ఉల్లాస్' కార్యక్రమాన్ని 2022లో ప్రారంభించారు. 2027 నాటికి దేశంలోని వయోజనులందరినీ అక్షరాస్యులుగా మార్చడమే దీని లక్ష్యం. త్రిపుర ఈ లక్ష్య సాధనలో ముందుంది. పాఠశాల విద్యా శాఖ, రాష్ట్ర అక్షరాస్యతా మిషన్ అథారిటీ, ఎస్సీఈఆర్టీ, పదవీ విరమణ చేసిన ఉపాధ్యాయులు, విద్యార్థులు, శిక్షణ పొందిన సిబ్బంది సమష్టిగా కృషి చేశారు. బెంగాలీ, ఇంగ్లీష్, గిరిజన కోక్బోరోక్ భాషలలో విద్యా సామగ్రిని రూపొందించారు.
2,228 మంది వాలంటీర్ ఉపాధ్యాయులు, 943 సామాజిక అవగాహన కేంద్రాలు మారుమూల ప్రాంతాలకూ విద్యా వెలుగులు పంచాయి. కొందరు తమ ఇళ్ల వద్ద, మరికొందరు కొండ ప్రాంతాల్లోని సంతల్లో కూడా అక్షరాలు నేర్పించారు.
1961లో రాష్ట్ర అక్షరాస్యత కేవలం 20.24 శాతంగా ఉండేది. 2011 నాటికి ఇది 87.22 శాతానికి చేరింది. అప్పుడు కేరళ, మిజోరం తర్వాత త్రిపుర మూడో స్థానంలో నిలిచింది. గతంలో కేవలం సంతకంపైనే దృష్టి సారించేవారు. కానీ ప్రస్తుత ప్రభుత్వం ఆచరణాత్మక అక్షరాస్యతకు ప్రాధాన్యత ఇచ్చింది. ఆర్థిక అవగాహన, డిజిటల్ లావాదేవీలు, ప్రాథమిక గణితం వంటి నైపుణ్యాలపై శిక్షణ ఇచ్చారు.
సోమవారం నాటి ప్రకటన త్రిపుర చరిత్రలో ఒక మైలురాయిగా నిలుస్తుందని అధికారులు తెలిపారు. ఈ విజయం రాష్ట్రానికి గర్వకారణమని, ఇతరులకు స్ఫూర్తిదాయకమని వారు పేర్కొన్నారు.
ఈ అసాధారణ విజయం వెనుక 'ఉల్లాస్' (అండర్స్టాండింగ్ లైఫ్లాంగ్ లెర్నింగ్ ఫర్ ఆల్ ఇన్ సొసైటీ – న్యూ ఇండియా లిటరసీ ప్రోగ్రాం) కీలక పాత్ర పోషించింది. 2023-24 పీరియాడిక్ లేబర్ ఫోర్స్ సర్వే (పీఎల్ఎఫ్ఎస్) ప్రకారం, త్రిపుర అక్షరాస్యత రేటు 93.7 శాతంగా ఉంది. 'ఉల్లాస్' కార్యక్రమం ద్వారా ఇది ఇప్పుడు 95.6 శాతానికి చేరింది. ప్రభుత్వ నిబంధనల ప్రకారం, 95 శాతం దాటిన రాష్ట్రాలకు 'సంపూర్ణ అక్షరాస్యత' హోదా లభిస్తుంది.
జాతీయ విద్యా విధానం 2020కి అనుగుణంగా, 'ఉల్లాస్' కార్యక్రమాన్ని 2022లో ప్రారంభించారు. 2027 నాటికి దేశంలోని వయోజనులందరినీ అక్షరాస్యులుగా మార్చడమే దీని లక్ష్యం. త్రిపుర ఈ లక్ష్య సాధనలో ముందుంది. పాఠశాల విద్యా శాఖ, రాష్ట్ర అక్షరాస్యతా మిషన్ అథారిటీ, ఎస్సీఈఆర్టీ, పదవీ విరమణ చేసిన ఉపాధ్యాయులు, విద్యార్థులు, శిక్షణ పొందిన సిబ్బంది సమష్టిగా కృషి చేశారు. బెంగాలీ, ఇంగ్లీష్, గిరిజన కోక్బోరోక్ భాషలలో విద్యా సామగ్రిని రూపొందించారు.
2,228 మంది వాలంటీర్ ఉపాధ్యాయులు, 943 సామాజిక అవగాహన కేంద్రాలు మారుమూల ప్రాంతాలకూ విద్యా వెలుగులు పంచాయి. కొందరు తమ ఇళ్ల వద్ద, మరికొందరు కొండ ప్రాంతాల్లోని సంతల్లో కూడా అక్షరాలు నేర్పించారు.
1961లో రాష్ట్ర అక్షరాస్యత కేవలం 20.24 శాతంగా ఉండేది. 2011 నాటికి ఇది 87.22 శాతానికి చేరింది. అప్పుడు కేరళ, మిజోరం తర్వాత త్రిపుర మూడో స్థానంలో నిలిచింది. గతంలో కేవలం సంతకంపైనే దృష్టి సారించేవారు. కానీ ప్రస్తుత ప్రభుత్వం ఆచరణాత్మక అక్షరాస్యతకు ప్రాధాన్యత ఇచ్చింది. ఆర్థిక అవగాహన, డిజిటల్ లావాదేవీలు, ప్రాథమిక గణితం వంటి నైపుణ్యాలపై శిక్షణ ఇచ్చారు.
సోమవారం నాటి ప్రకటన త్రిపుర చరిత్రలో ఒక మైలురాయిగా నిలుస్తుందని అధికారులు తెలిపారు. ఈ విజయం రాష్ట్రానికి గర్వకారణమని, ఇతరులకు స్ఫూర్తిదాయకమని వారు పేర్కొన్నారు.
