Peddireddy Ramachandra Reddy: పెద్దిరెడ్డి ఇలాకాలో నాడు చొక్కాలు విప్పించి అవమానించిన చోటే... నేడు ఘన సన్మానం
- చంద్రబాబు అరెస్ట్ సమయంలో సైకిల్ యాత్ర చేసిన శ్రీకాకుళం టీడీపీ కార్యకర్తలు
- చొక్కాలు విప్పించి అవమానించిన పెద్దిరెడ్డి అనుచరులు
- ఇప్పుడు అదే చోట వారిని ఘనంగా సన్మానించిన పుంగనూరు టీడీపీ నేతలు
ఒకప్పుడు తీవ్ర అవమానానికి గురైన చోటే ఇప్పుడు తెలుగుదేశం పార్టీ కార్యకర్తలకు ఘన సన్మానం లభించింది. గతంలో చంద్రబాబు అరెస్టుకు నిరసనగా సైకిల్ యాత్ర చేపట్టిన శ్రీకాకుళం జిల్లా టీడీపీ కార్యకర్తలను అప్పటి అధికార పార్టీ నేతలు అడ్డుకుని అవమానించిన పుంగనూరులోనే, నిన్న వారికి సత్కారం జరిగింది. అనంతరం వారు కడపలో జరిగే మహానాడుకు సైకిల్ యాత్రను ఉత్సాహంగా ప్రారంభించారు.
వివరాల్లోకి వెళితే, శ్రీకాకుళం జిల్లా రణస్థలం మండలం నారువ గ్రామానికి చెందిన టీడీపీ కార్యకర్తలు 2023 అక్టోబరు 20న చంద్రబాబు నాయుడు అక్రమ అరెస్టును నిరసిస్తూ సైకిల్ యాత్ర చేపట్టారు. మాజీ మంత్రి పెద్దిరెడ్డి రామచంద్రారెడ్డి సొంత నియోజకవర్గమైన పుంగనూరులో టీడీపీ జెండాలతో యాత్ర నిర్వహించడాన్ని సహించలేని కొందరు, పుంగనూరు మండలం సుగాలిమిట్ట వద్ద వారిని అడ్డుకున్నారు. అప్పట్లో వైసీపీకి చెందిన చెంగలాపురం సూరి మరియు అతని అనుచరులు టీడీపీ కార్యకర్తల పసుపు చొక్కాలను బలవంతంగా విప్పించి తీవ్రంగా అవమానించిన ఘటన రాష్ట్రవ్యాప్తంగా చర్చనీయాంశమైంది.
కాగా, పరిస్థితులు మారిన నేపథ్యంలో, నిన్న అదే సుగాలిమిట్ట ప్రాంతంలో ఆనాటి టీడీపీ కార్యకర్తల బృందానికి ఘన సన్మానం జరిగింది. ఈ కార్యక్రమం అనంతరం, వారు కడపలో నిర్వహించనున్న మహానాడుకు తమ సైకిల్ యాత్రను పునఃప్రారంభించారు. పుంగనూరు నియోజకవర్గ టీడీపీ ఇన్ఛార్జి చల్లా రామచంద్రారెడ్డి ఈ సైకిల్ యాత్రను జెండా ఊపి ప్రారంభించారు. ఒకప్పుడు ఎక్కడైతే అవమానం జరిగిందో, అదే ప్రదేశం నుంచి టీడీపీ కార్యకర్తలు నూతనోత్సాహంతో తమ యాత్రను కొనసాగించడం స్థానికంగా ప్రాధాన్యత సంతరించుకుంది. ఈ పరిణామం టీడీపీ శ్రేణుల్లో కొత్త ఉత్సాహాన్ని నింపింది.
వివరాల్లోకి వెళితే, శ్రీకాకుళం జిల్లా రణస్థలం మండలం నారువ గ్రామానికి చెందిన టీడీపీ కార్యకర్తలు 2023 అక్టోబరు 20న చంద్రబాబు నాయుడు అక్రమ అరెస్టును నిరసిస్తూ సైకిల్ యాత్ర చేపట్టారు. మాజీ మంత్రి పెద్దిరెడ్డి రామచంద్రారెడ్డి సొంత నియోజకవర్గమైన పుంగనూరులో టీడీపీ జెండాలతో యాత్ర నిర్వహించడాన్ని సహించలేని కొందరు, పుంగనూరు మండలం సుగాలిమిట్ట వద్ద వారిని అడ్డుకున్నారు. అప్పట్లో వైసీపీకి చెందిన చెంగలాపురం సూరి మరియు అతని అనుచరులు టీడీపీ కార్యకర్తల పసుపు చొక్కాలను బలవంతంగా విప్పించి తీవ్రంగా అవమానించిన ఘటన రాష్ట్రవ్యాప్తంగా చర్చనీయాంశమైంది.
కాగా, పరిస్థితులు మారిన నేపథ్యంలో, నిన్న అదే సుగాలిమిట్ట ప్రాంతంలో ఆనాటి టీడీపీ కార్యకర్తల బృందానికి ఘన సన్మానం జరిగింది. ఈ కార్యక్రమం అనంతరం, వారు కడపలో నిర్వహించనున్న మహానాడుకు తమ సైకిల్ యాత్రను పునఃప్రారంభించారు. పుంగనూరు నియోజకవర్గ టీడీపీ ఇన్ఛార్జి చల్లా రామచంద్రారెడ్డి ఈ సైకిల్ యాత్రను జెండా ఊపి ప్రారంభించారు. ఒకప్పుడు ఎక్కడైతే అవమానం జరిగిందో, అదే ప్రదేశం నుంచి టీడీపీ కార్యకర్తలు నూతనోత్సాహంతో తమ యాత్రను కొనసాగించడం స్థానికంగా ప్రాధాన్యత సంతరించుకుంది. ఈ పరిణామం టీడీపీ శ్రేణుల్లో కొత్త ఉత్సాహాన్ని నింపింది.
