Anurag Kashyap: పాన్ ఇండియా చిత్రాలు ఒక పెద్ద స్కాం: అనురాగ్ కశ్యప్ సంచలన వ్యాఖ్యలు
- 'ది హిందూ' పత్రిక ఆధ్వర్యంలో 'ది హడిల్' కార్యక్రమం
- పాల్గొన్న దర్శకనటుడు అనురాగ్ కశ్యప్
- తన అభిప్రాయాలను నిర్మొహమాటంగా వెల్లడించిన వైనం
ప్రముఖ బాలీవుడ్ దర్శకుడు అనురాగ్ కశ్యప్ మరోసారి సంచలన వ్యాఖ్యలతో వార్తల్లో నిలిచారు. హిందీ చిత్ర పరిశ్రమలోని పని సంస్కృతి నచ్చక తాను బాలీవుడ్ను విడిచిపెట్టినట్లు ఇటీవల ప్రకటించిన ఆయన, తాజాగా 'పాన్ ఇండియా' చిత్రాల ట్రెండ్పై తీవ్ర విమర్శలు చేశారు. ఇదొక 'భారీ కుంభకోణం' తప్ప మరొకటి కాదని ఆయన అభిప్రాయపడ్డారు. 'ది హిందూ' పత్రిక నిర్వహించిన 'ది హడిల్' కార్యక్రమంలో మాట్లాడుతూ, ఈ భారీ బడ్జెట్ చిత్రాల వెనుక ఉన్న వాస్తవాలను ఆయన నిర్మొహమాటంగా వెల్లడించారు.
ఈ సందర్భంగా అనురాగ్ కశ్యప్ మాట్లాడుతూ, "నా దృష్టిలో పాన్-ఇండియా అనేది ఒక పెద్ద స్కాం. ఒక సినిమా నిర్మాణానికి మూడు నుంచి నాలుగేళ్లు పడుతుంది. ఆ సినిమా మీదే చాలా మంది ఆధారపడి జీవిస్తుంటారు. వారి జీవనశైలి కూడా దానిపైనే ఆధారపడి ఉంటుంది. సినిమాపై పెట్టే డబ్బంతా పూర్తిగా సినిమా నిర్మాణానికి చేరదు. ఒకవేళ చేరినా, అది భారీ, అవాస్తవిక సెట్లకే ఎక్కువగా ఖర్చవుతుంది, దీనికి అర్థం లేదు. ఇలాంటి సినిమాల్లో కేవలం 1 శాతం మాత్రమే విజయం సాధిస్తాయి" అని ఆయన పేర్కొన్నారు.
విజయవంతమైన చిత్రాలను అనుకరించే ధోరణిపై కూడా అనురాగ్ స్పందించారు. "యూరి: ది సర్జికల్ స్ట్రైక్ చిత్రం విజయం సాధించగానే అందరూ దేశభక్తి చిత్రాలు చేయడం మొదలుపెట్టారు. 'బాహుబలి' తర్వాత, ప్రతి ఒక్కరూ ప్రభాస్ లేదా మరెవరితోనో ఇలాంటి భారీ సినిమాలు చేయాలని చూశారు. 'కేజీఎఫ్' విజయవంతం కాగానే అందరూ దాన్నే అనుకరించాలని చూశారు. అక్కడే కథ చెప్పే విధానంలో క్షీణత మొదలవుతుంది" అని ఆయన ఆవేదన వ్యక్తం చేశారు.
దేశవ్యాప్తంగా తెలుగు, హిందీ, తమిళం, కన్నడ, మలయాళం తదితర బహుళ భాషల్లో విడుదలవుతూ, విస్తృత మార్కెట్ను లక్ష్యంగా చేసుకునే చిత్రాలను పాన్-ఇండియా సినిమాలుగా వ్యవహరిస్తున్న సంగతి తెలిసిందే. 2015లో 'బాహుబలి' చిత్రం అసాధారణ విజయం సాధించిన తర్వాత ఈ భావనకు విశేష ప్రాచుర్యం లభించింది. ఆ తర్వాత అల్లు అర్జున్ నటించిన 'పుష్ప: ది రైజ్' వంటి చిత్రాలు కూడా బాక్సాఫీస్ వద్ద భారీ విజయాన్ని అందుకున్నాయి.
కాగా, అనురాగ్ కశ్యప్ దర్శకత్వం వహించిన 'కెన్నెడీ' చిత్రం ఇంకా భారతీయ థియేటర్లలో విడుదల తేదీని ఖరారు చేసుకోలేదు. నటుడిగా ఆయన ఇటీవల 'రైఫిల్ క్లబ్' మరియు 'విడుదలై పార్ట్ 2' చిత్రాల్లో కనిపించారు.
ఈ సందర్భంగా అనురాగ్ కశ్యప్ మాట్లాడుతూ, "నా దృష్టిలో పాన్-ఇండియా అనేది ఒక పెద్ద స్కాం. ఒక సినిమా నిర్మాణానికి మూడు నుంచి నాలుగేళ్లు పడుతుంది. ఆ సినిమా మీదే చాలా మంది ఆధారపడి జీవిస్తుంటారు. వారి జీవనశైలి కూడా దానిపైనే ఆధారపడి ఉంటుంది. సినిమాపై పెట్టే డబ్బంతా పూర్తిగా సినిమా నిర్మాణానికి చేరదు. ఒకవేళ చేరినా, అది భారీ, అవాస్తవిక సెట్లకే ఎక్కువగా ఖర్చవుతుంది, దీనికి అర్థం లేదు. ఇలాంటి సినిమాల్లో కేవలం 1 శాతం మాత్రమే విజయం సాధిస్తాయి" అని ఆయన పేర్కొన్నారు.
విజయవంతమైన చిత్రాలను అనుకరించే ధోరణిపై కూడా అనురాగ్ స్పందించారు. "యూరి: ది సర్జికల్ స్ట్రైక్ చిత్రం విజయం సాధించగానే అందరూ దేశభక్తి చిత్రాలు చేయడం మొదలుపెట్టారు. 'బాహుబలి' తర్వాత, ప్రతి ఒక్కరూ ప్రభాస్ లేదా మరెవరితోనో ఇలాంటి భారీ సినిమాలు చేయాలని చూశారు. 'కేజీఎఫ్' విజయవంతం కాగానే అందరూ దాన్నే అనుకరించాలని చూశారు. అక్కడే కథ చెప్పే విధానంలో క్షీణత మొదలవుతుంది" అని ఆయన ఆవేదన వ్యక్తం చేశారు.
దేశవ్యాప్తంగా తెలుగు, హిందీ, తమిళం, కన్నడ, మలయాళం తదితర బహుళ భాషల్లో విడుదలవుతూ, విస్తృత మార్కెట్ను లక్ష్యంగా చేసుకునే చిత్రాలను పాన్-ఇండియా సినిమాలుగా వ్యవహరిస్తున్న సంగతి తెలిసిందే. 2015లో 'బాహుబలి' చిత్రం అసాధారణ విజయం సాధించిన తర్వాత ఈ భావనకు విశేష ప్రాచుర్యం లభించింది. ఆ తర్వాత అల్లు అర్జున్ నటించిన 'పుష్ప: ది రైజ్' వంటి చిత్రాలు కూడా బాక్సాఫీస్ వద్ద భారీ విజయాన్ని అందుకున్నాయి.
కాగా, అనురాగ్ కశ్యప్ దర్శకత్వం వహించిన 'కెన్నెడీ' చిత్రం ఇంకా భారతీయ థియేటర్లలో విడుదల తేదీని ఖరారు చేసుకోలేదు. నటుడిగా ఆయన ఇటీవల 'రైఫిల్ క్లబ్' మరియు 'విడుదలై పార్ట్ 2' చిత్రాల్లో కనిపించారు.
