Pakistan Finance Ministry: పాక్ ఆర్థిక శాఖ ఎక్స్ ఖాతా హ్యాక్!

పాకిస్థాన్ ఆర్థిక వ్యవహారాల మంత్రిత్వ శాఖకు చెందిన అధికారిక ఎక్స్ ఖాతా హ్యాకింగ్‌కు గురైందని ఆ దేశం వెల్లడించింది. భారత్‌తో ఉద్రిక్తతలు పెరుగుతున్న నేపథ్యంలో, మరిన్ని రుణాలు అందించాలంటూ అంతర్జాతీయ భాగస్వాములకు విజ్ఞప్తి చేస్తున్నట్లుగా ఓ వివాదాస్పద పోస్ట్ ఈ ఖాతా నుంచి వెలువడటం తీవ్ర కలకలం రేపింది. ఈ అనూహ్య పరిణామంపై మంత్రిత్వ శాఖ వెంటనే స్పందించింది.

"అంతర్జాతీయ రుణాల కోసం తాము ఎటువంటి ట్వీట్ చేయలేదు" అని మంత్రిత్వ శాఖ ప్రతినిధులు రాయిటర్స్ వార్తా సంస్థకు స్పష్టం చేశారు. తమ ఎక్స్ ఖాతాను పునరుద్ధరించేందుకు అన్నివిధాలా ప్రయత్నిస్తున్నామని వారు వివరించారు.