సరిహద్దు దాటేందుకు యత్నించిన పాకిస్థాన్ జాతీయుడిని కాల్చి చంపిన బీఎస్ఎఫ్
- పంజాబ్ ఫిరోజ్పూర్ సెక్టార్లో సరిహద్దు వద్ద ఘటన
- హెచ్చరించినా ఆగకపోవడంతో బీఎస్ఎఫ్ దళాల కాల్పులు
- అక్కడికక్కడే మృతి చెందిన పాక్ జాతీయుడు
ఫిరోజ్పూర్ సెక్టార్లోని అంతర్జాతీయ సరిహద్దు వెంబడి బీఎస్ఎఫ్ జవాన్లు రాత్రి గస్తీ నిర్వహిస్తుండగా, ఒక వ్యక్తి పాకిస్థాన్ వైపు నుంచి భారత భూభాగంలోకి చొరబడేందుకు ప్రయత్నిస్తున్నట్లు గుర్తించారు. బీఎస్ఎఫ్ వర్గాలు తెలిపిన వివరాల ప్రకారం, సదరు వ్యక్తిని దళాలు పలుమార్లు హెచ్చరించారు. అయినప్పటికీ, ఆ వ్యక్తి హెచ్చరికలను లెక్కచేయకుండా ముందుకు చొచ్చుకురావడంతో, బీఎస్ఎఫ్ జవాన్లు ఆత్మరక్షణ కోసం కాల్పులు జరిపారు. ఈ కాల్పుల్లో ఆ పాకిస్థానీ జాతీయుడు అక్కడికక్కడే మరణించాడు. మృతుడి వివరాలు ఇంకా తెలియరాలేదు.
