Chhaava Movie: ఓటీటీలోకి 'ఛావా'.. స్ట్రీమింగ్ ఎప్పుడు, ఎక్క‌డంటే..!

బాలీవుడ్ న‌టుడు విక్కీ కౌశల్, ర‌ష్మిక జంట‌గా ల‌క్ష్మ‌ణ్ ఉటేక‌ర్ ద‌ర్శ‌క‌త్వంలో వ‌చ్చిన‌ తాజా చిత్రం 'ఛావా'. మడాక్‌ ఫిల్మ్స్‌ పతాకంపై దినేశ్‌ విజన్ ఈ సినిమాను నిర్మించారు. మహారాష్ట్ర యోధుడు ఛత్రపతి శివాజీ మహరాజ్ పెద్ద‌ కుమారుడు శంభాజీ మహరాజ్‌ జీవిత చరిత్ర ఆధారంగా ఈ మూవీ తెర‌కెక్కింది. ఫిబ్ర‌వ‌రి 14న విడుద‌లైన ఈ మూవీ సూప‌ర్ హిట్‌గా నిలిచింది. బాక్సాఫీస్ వ‌ద్ద కాసులవ‌ర్షం కురిపించింది. కేవ‌లం హిందీలోనే రూ.800 కోట్ల‌కు పైగా క‌లెక్ష‌న్స్ కొల్ల‌గొట్ట‌డం విశేషం.

ఈ సినిమాను మార్చి 7న టాలీవుడ్‌ ప్ర‌ముఖ నిర్మాణ సంస్థ గీతా ఆర్ట్స్‌ తెలుగులో విడుద‌ల చేయ‌గా... భారీ వ‌సుళ్ల‌ను సాధించింది. ఇప్పుడీ చిత్రం ఓటీటీ విడుద‌ల‌కు సిద్ధ‌మైంది. ప్ర‌ముఖ ఓటీటీ ప్లాట్‌ఫామ్ నెట్‌ఫ్లిక్స్‌లో ఏప్రిల్‌ 11 నుంచి ఈ మూవీ స్ట్రీమింగ్ కాబోతోంది. ఈ మేర‌కు నెట్‌ఫ్లిక్స్ తాజాగా ప్ర‌క‌టించింది. ఈ సంద‌ర్భంగా కొత్త పోస్ట‌ర్‌ను విడుద‌ల చేసింది.