కేసీఆర్ చావు కోరుకునేలా రేవంత్ రెడ్డి మాట్లాడారంటూ... సీఎం స్పీచ్ ను వాకౌట్ చేసిన బీఆర్ఎస్ ఎమ్మెల్యేలు

బీఆర్ఎస్ అధినేత కేసీఆర్ చావును ముఖ్యమంత్రి రేవంత్ రెడ్డి కోరుకున్నారంటూ బీఆర్ఎస్ ఎమ్మెల్యేలు సీఎం ప్రసంగాన్ని బహిష్కరించారు. ​అసెంబ్లీ నుంచి వాకౌట్ చేశారు. అనంతరం మీడియాతో హరీశ్ రావు మాట్లాడుతూ కేసీఆర్ ను మార్చురీకి పంపిస్తామని రేవంత్ అన్నారని... అందుకే ఆయన ప్రసంగాన్ని ​బహిష్కరించామని చెప్పారు. తెలంగాణ కోసం ప్రాణాలను పణంగా పెట్టిన కేసీఆర్ చావు కోరుకోవడం దారుణమని అన్నారు. 
​
అసెంబ్లీలో మంత్రి ఉత్తమ్ అన్నీ అబద్ధాలే చెప్పారని హరీశ్ విమర్శించారు. కాంగ్రెస్ వల్ల కృష్ణా జలాల్లో తెలంగాణకు అన్యాయం జరిగిందని అన్నారు. ఈ మధ్య ఏపీ సీఎం చంద్రబాబును ఉత్తమ్ కుమార్ ​రెడ్డి దంపతులు కలిశారని... ఆయనతో కలసి ​భోజనం చేసి వచ్చారని చెప్పారు.