పీహెచ్డీ చేస్తున్న భారత క్రికెటర్.. ఈ మధ్యే ఐపీఎల్ వేలంలో రూ.23.75 కోట్లకు సేల్
- ఫైనాన్స్లో పీహెచ్డీ చేస్తున్న కోల్కతా నైట్ రైడర్స్ ఆటగాడు
- క్రికెట్ తర్వాత విద్య అక్కరకొస్తుందన్న క్రికెటర్
- మధ్యతరగతి కుటుంబంలో క్రికెట్ మాత్రమే ఆడతానంటే తల్లిదండ్రులు ఒప్పుకోరన్న వెంకటేశ్ అయ్యర్
తాను క్రికెట్లో బాగా రాణించాలని తల్లిదండ్రులు కోరుకున్నారని అన్నాడు. మధ్యప్రదేశ్ జట్టులోకి కొత్తగా ఏ ఆటగాడైనా వస్తే ‘చదువుతున్నావా? లేదా?’ అని మొదట ప్రశ్నగా అడుగుతుంటానని చెప్పాడు. ‘‘చనిపోయే వరకు విద్య తోడుగా ఉంటుంది. ఒక క్రికెటర్ 60 సంవత్సరాల వరకు ఆడలేడు కదా. క్రికెట్ తర్వాత జీవితం ఉంటుందని అర్థం చేసుకోవాలి’’ అని వెంకటేశ్ అయ్యర్ పేర్కొన్నారు. తల్లిదండ్రులు తనకు నేర్పించిన విలువలకు రుణపడి ఉంటానని, చదువుకుంటే తమ రంగాలలో కూడా సరైన నిర్ణయం తీసుకోవడంలో సహాయపడుతుందని, జీవితంలో బాగా రాణించాలంటే చదువుకోవాలని సూచించాడు. క్రికెట్ తర్వాత విద్య తనకు మరో మార్గం చూపించగలదని, ఎల్లప్పుడూ ఆట గురించే ఆలోచించలేమని, అలా చేస్తే ఒత్తిడి పెరుగుతుందని వెంకటేశ్ అయ్యర్ పేర్కొన్నాడు.
