సీఐడీ మాజీ అధికారి విజయపాల్ ను రేపు గుంటూరు తరలించనున్న పోలీసులు

రఘురామకృష్ణరాజును చిత్రహింసలు పెట్టిన కేసులో సీఐడీ విశ్రాంత అధికారి విజయపాల్ ను పోలీసులు అరెస్ట్ చేయడం తెలిసిందే. విజయపాల్ ను ఈ రాత్రికి ఒంగోలు పోలీస్ స్టేషన్ లో ఉంచనున్నారు. ఆయనను రేపు ఉదయం గుంటూరు తరలించనున్నారు. కస్టడీలో తనపై హత్యాయత్నం చేశారని రఘురామకృష్ణరాజు గతంలో ఫిర్యాదు చేశారు. 

ఈ కేసులో విజయపాల్ ఆరోపణలు ఎదుర్కొంటున్నారు. నేడు ఉదయం 11 గంటల నుంచి ఆయనను ప్రశ్నించారు. సుదీర్ఘ విచారణ అనంతరం ఆయనను అరెస్ట్ చేశారు. విజయపాల్ రిమాండ్ రిపోర్టును పోలీసులు సిద్ధం చేశారు. రేపు ఆయనను కోర్టులో హాజరుపరిచే అవకాశాలున్నాయి.