పాసింగ్ అవుట్ పరేడ్ కు వచ్చిన తల్లికి ఎస్ఐ పాదాభివందనం... వీడియో వైరల్

బీజేపీ ఏపీ ఉపాధ్యక్షుడు విష్ణువర్ధన్ రెడ్డి సోషల్ మీడియాలో ఓ ఆసక్తికర వీడియో పంచుకున్నారు. శిక్షణ పూర్తి చేసుకున్న ఓ ఎస్ఐ... పాసింగ్ అవుట్ పరేడ్ చూడ్డానికి వచ్చిన తల్లికి పాదాభివందనం చేయడం ఆ వీడియోలో చూడొచ్చు. 

అమ్మ దైవస్వరూపం అని మన సంప్రదాయాలు చెబుతుంటాయి. ఈ పోలీస్ సబ్ ఇన్ స్పెక్టర్ కూడా అమ్మను దేవతగా భావించి కాళ్లకు మొక్కి దీవెనలు అందుకున్నాడు. తన పోలీస్ టోపీ తీసి అమ్మ తలపై పెట్టి మురిసిపోయాడు.