దర్శకుడు సానా బుచ్చిబాబును పరామర్శించిన నాగబాబు

టాలీవుడ్ దర్శకుడు సానా బుచ్చిబాబుకు ఇటీవల పితృవియోగం కలిగిన సంగతి తెలిసిందే. ఆయన తండ్రి సానా వెంకట్రావు(పెద్ద కాపు) తీవ్ర అనారోగ్యంతో కన్నుమూశారు. ఈ నేపథ్యంలో, జనసేన పార్టీ ప్రధాన కార్యదర్శి కొణిదెల నాగబాబు పిఠాపురం నియోజకవర్గంలోని యు.కొత్తపల్లి గ్రామంలో సానా బుచ్చిబాబు నివాసానికి వెళ్లారు. 

బుచ్చిబాబును పరామర్శించి, ఆయన తండ్రి వెంకట్రావు ఆత్మకు శాంతి కలగాలని భగవంతుడ్ని ప్రార్థిస్తున్నట్టు తెలిపారు. ఈ సందర్భంగా నాగబాబు వెంట సానా బుచ్చిబాబు నివాసానికి వచ్చిన వారిలో జనసేన నేతలు డాక్టర్ పంచకర్ల సందీప్, డాక్టర్ జ్యోతుల శ్రీనివాస్ తదితరులు ఉన్నారు.