Allu Arjun: నా స్నేహితులు ఎక్కడ ఏ రంగంలో ఉన్నా వాళ్ల కోసం వెళ్తా: అల్లు అర్జున్

వైసీపీ అభ్యర్థి శిల్పా రవిచంద్రారెడ్డి తరపున స్టార్ హీరో అల్లు అర్జున్ ప్రచారం నిర్వహించారు. తన భార్య స్నేహారెడ్డితో కలిసి ఆయన నంద్యాలకు వెళ్లారు. ఎన్నికల్లో రవిని గెలిపించాలని అల్లు అర్జున్ చెప్పారు. శిల్పా రవి తనకు మంచి మిత్రుడని, తాము ఎప్పుడు కలిసినా నంద్యాల గురించే ఆలోచిస్తాడని ప్రశంసించారు. 2019లో రవి పోటీ చేసినప్పుడు ఒక మెసేజ్ మాత్రమే పంపించానని ఇప్పుడు రవిని నేరుగా అభినందించేందుకు నంద్యాలకు వచ్చానని చెప్పారు. నేరుగా ఆయనకు శుభాకాంక్షలు తెలుపుతున్నానని తెలిపారు. శిల్పా రవి మంచి మెజార్టీతో గెలుపొందాలని కోరుకుంటున్నానని చెప్పారు. 

కాగా, శిల్పా రవితో అల్లు అర్జున్ కు మంచి స్నేహ బంధం ఉంది. ఎప్పటి నుంచో వీరు మంచి స్నేహితులుగా ఉన్నారు. అల్లు అర్జున్ భార్య స్నేహారెడ్డి, శిల్పా రవి భార్య నాగినీరెడ్డి ఇద్దరూ క్లాస్ మేట్స్ కూడా. స్నేహానికి అత్యంత విలువనిచ్చే వ్యక్తి అల్లు అర్జున్ అని గతంలో ఓ ఇంటర్వ్యూలో రవిచంద్రారెడ్డి చెప్పారు.