Allu Arjun: రేపు అల్లు అర్జున్ పుట్టినరోజు కానుకగా పుష్ప-2 నుంచి సూపర్ టీజర్

టాలీవుడ్ ఐకాన్ స్టార్ అల్లు అర్జున్ రేపు (ఏప్రిల్ 8) పుట్టినరోజు జరుపుకోనున్నారు. అల్లు అర్జున్ బర్త్ డే స్పెషల్ గా పుష్ప-2 నుంచి సూపర్ టీజర్ రిలీజ్ చేయనున్నారు. ఏప్రిల్ 8వ తేదీ ఉదయం 11.07 గంటలకు ఈ టీజర్ విడుదల చేయనున్నారు. 

చిత్రబృందం చెబుతున్న విషయాలను బట్టి చూస్తే పుష్పరాజ్ విశ్వరూపాన్ని ఈ టీజర్ ఆవిష్కరిస్తుందని అర్థమవుతోంది. గత కొన్నిరోజులుగా అల్లు అర్జున్, దర్శకుడు సుకుమార్, సంగీత దర్శకుడు దేవి శ్రీ ప్రసాద్ ఈ టీజర్ రూపకల్పన కోసం శ్రమిస్తున్నారు. 

ఈ చిత్ర నిర్మాణ సంస్థ మైత్రీ మూవీ మేకర్స్ నుంచి వస్తున్న అప్ డేట్లు చూసి అల్లు అర్జున్ ఫ్యాన్స్ పుష్పరాజ్ మేనియాతో ఊగిపోతున్నారు. ఇవాళ విడుదల  చేసిన పోస్టర్ లో అల్లు అర్జున్ గొడ్డలి పట్టుకుని సింహాసనంపై కూర్చుని ఉండడం చూడొచ్చు.