Atchannaidu: టీడీపీ-జనసేన సభ రాష్ట్ర చరిత్రలో నిలిచిపోతుంది: అచ్చెన్నాయుడు

తాడేపల్లిగూడెంలో టీడీపీ-జనసేన పార్టీలు ఉమ్మడిగా నిర్వహిస్తున్న జెండా సభలో టీడీపీ రాష్ట్ర అధ్యక్షుడు అచ్చెన్నాయుడు ప్రసంగించారు. టీడీపీ-జనసేన సభ రాష్ట్ర చరిత్రలో నిలిచిపోతుందని అన్నారు. సిద్ధమా అని రోడ్డెక్కిన వ్యక్తిని యుద్ధం చేసి ఓడించేందుకు ఈ సభ తొలి అడుగు అని సమరశంఖం పూరించారు. అన్ని వర్గాల వారు టీడీపీ-జనసేన పొత్తును కోరుకున్నారని వివరించారు. కార్మికుడి నుంచి పారిశ్రామికవేత్త వరకు కోరుకున్న పొత్తు ఇది... జగన్ పాలనలో మోసపోయిన రైతులు, మహిళలు కోరుకున్న పొత్తు ఇది... రెండు పార్టీలు కలిసి పనిచేస్తే 160 స్థానాల్లో టీడీపీ-జనసేన కూటమి ఘనవిజయం సాధించడం ఖాయమని అచ్చెన్నాయుడు ధీమా వ్యక్తం చేశారు.