Couple: స్టేడియంలో ఓ జంట ప్రణయాన్ని బట్టబయలు చేసిన కెమెరామన్... వీడియో ఇదిగో!
- మెల్బోర్న్ లో ఆసీస్, పాక్ రెండో టెస్టు
- గ్యాలరీలో ప్రేక్షకులు లేని చోట కూర్చున్న ఓ జంట
- వారు ప్రేమావేశంలో ఉండగా ఫోకస్ చేసిన కెమెరామన్
- బిగ్ స్క్రీన్ పై తమను తాము చూసుకుని దిగ్భ్రాంతికి గురైన జంట
మెల్బోర్న్ లో ఆస్ట్రేలియా, పాకిస్థాన్ జట్ల మధ్య రెండో టెస్టు జరుగుతుండగా, స్టేడియంలో ఆసక్తికర ఘట్టం ఆవిష్కృతమైంది. పాకిస్థాన్ బ్యాటింగ్ చేస్తుండగా, స్టేడియంలోని భారీ తెరపై ఓ జంట ప్రణయం బట్టబయలైంది.
పాకిస్థాన్ బ్యాటింగ్ చేస్తున్న సమయంలో... ప్రేక్షకులు లేని గ్యాలరీలోకి వెళ్లి కూర్చున్న ఆ జంటను కెమెరామన్ ప్రత్యేకంగా ఫోకస్ చేశాడు. ప్రేమావేశంలో ఊసులాడుకుంటున్న ఆ యువతి, యువకుడు ఒక్కసారిగా టెలివిజన్ తెరపై తమను తాము చూసుకుని దిగ్భ్రాంతికి గురయ్యారు.
ఊహించని పరిణామంతో సిగ్గుపడిన ఆ యువకుడు ముఖం దాచుకుని వెళ్లిపోవడం తెరపై కనిపించింది. బిగ్ స్క్రీన్ పై ఈ సీన్ కనిపించగానే మైదానంలో ఈలలు, కేకలు మిన్నంటాయి. దీనికి సంబంధించిన వీడియో ఇప్పుడు సోషల్ మీడియాలో ఎక్కడ చూసినా దర్శనమిస్తోంది.
