మాజీ ప్రియుడిని గంజాయి కేసులో ఇరికించేందుకు యువతి కుట్ర
- మాజీ ప్రియుడిపై కోపం పెంచుకున్న యువతి
- స్నేహితుల సాయంతో అతడిని పబ్ కు పిలిపించిన వైనం
- గంజాయి కొని అతడి కారులో పెట్టిన యువతి
- పబ్ లో గంజాయి అమ్ముతున్నాడంటూ పోలీసులకు ఫిర్యాదు
- పోలీసుల ప్రాథమిక విచారణలో బట్టబయలైన యువతి పన్నాగం
హైదరాబాదులో మాజీ ప్రియుడిని గంజాయి కేసులో ఇరికించేందుకు రింకీ అనే యువతి కుట్ర పన్నిన వైనం వెల్లడైంది. పబ్ కు రావాలంటూ ఆ యువతి మాజీ ప్రియుడు శ్రవణ్ ను స్నేహితుల ద్వారా పిలిపించింది. యువకుడికి తెలియకుండా అతడి కారులో రింకీ గంజాయి ప్యాకెట్లు పెట్టింది. రింకీ రూ.4 వేలతో 40 గ్రాముల గంజాయిని కొనుగోలు చేసింది. ఒక్కొక్క దాంట్లో 5 గ్రాముల చొప్పున 8 ప్యాకెట్లను మాజీ ప్రియుడి కారులో పెట్టింది.
అనంతరం, మాజీ ప్రియుడు, అతడి స్నేహితులతో కలిసి రింకీ జూబ్లీహిల్స్ లోని ఓ పబ్ కు వెళ్లింది. అందరూ పబ్ లో ఎంజాయ్ చేస్తుండగా, రింకీ పోలీసులకు ఫోన్ చేసింది. శ్రవణ్ అనే యువకుడు గంజాయి విక్రయిస్తున్నాడని పోలీసులకు తెలిపింది.
దాంతో, ఆ పబ్ లోకి వెళ్లిన పోలీసులు గంజాయిపై ఆరా తీశారు. ప్రాథమిక విచారణలో ఇదంతా రింకీ పన్నాగమేనని గుర్తించారు. రింకీ సహా ఏడుగురిని అరెస్ట్ చేశారు.
అనంతరం, మాజీ ప్రియుడు, అతడి స్నేహితులతో కలిసి రింకీ జూబ్లీహిల్స్ లోని ఓ పబ్ కు వెళ్లింది. అందరూ పబ్ లో ఎంజాయ్ చేస్తుండగా, రింకీ పోలీసులకు ఫోన్ చేసింది. శ్రవణ్ అనే యువకుడు గంజాయి విక్రయిస్తున్నాడని పోలీసులకు తెలిపింది.
దాంతో, ఆ పబ్ లోకి వెళ్లిన పోలీసులు గంజాయిపై ఆరా తీశారు. ప్రాథమిక విచారణలో ఇదంతా రింకీ పన్నాగమేనని గుర్తించారు. రింకీ సహా ఏడుగురిని అరెస్ట్ చేశారు.
